Manuk Alap-alap

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Alap-alap

Manuk Alap-alap inggih punika salah sawijining jinis manuk pamangsa saking famili Falconidae. Benten kaliyan Elang, alap-alap suwiwinipun langkung alit lan kados eri, cucukipun langkung cendhak ugi mlengkung.[1]

Jinising Alap-alap[sunting | sunting sumber]

  • Alap-alap Capung (Microhierax fringillarius),inggih punika manuk ingkang gadhah cucuk, kagolong kéwan berdarah panas, saha berkembang biak kanthi cara ngendhog. Alap-alap punika minangka manuk ingkang kalebet kéwan karnivora ingkang paling alit sakdonya. Alap-alap capung saged dipuntemokaken wonten ing kawasan Asia Tenggara. Ukuranipun rata-rata 15 cm kanthi bobot 35 gram.[2]
  • Alap-alap Kawah (Falco peregrinus), manuk paling cepet ing donya. Wonten ing basa Inggris inggih punika salah satunggaling spesies alap-alap ingkang ukuranipun kagolong ageng, kanthi dawa antawisipun 50 cm. Manuk punika gadhah wulu cemeng, klawu saha biru, cucukipun kuning ageng kanthi pucuk cemeng lancip sarta buntutipun cekek. Dada saha wetengipun awerni pethak kanthi garis-garis cemeng. Manuk babonipun sami, ananging ukuranipun langkung ageng menawi kabandhingaken kaliyan ingkang kakung.[3]

Mangsa utama alap-alap kawah inggih punika manéka jinis manuk ingkang ukuranipun langkung alit, kadosta dara, nuri, jalak saha ayam. Manuka-manuk punika dipunburu nalika taksih miber ing angkasa. Alap-alap punika ugi mangsa kewan-kewan sanésipun, kadosta kelinci, lawa, serangga, kadal sarta iwak. Alap-alap kawah dipunmangertosi bilih salah satunggaling makhluk ingkang paling cepet ing donya. Nalika miber mburu mangsanipun, manuk punika saged dumugi kecepatan 320 km/jam.[4]

  • Alap-alap Macan (Falco severus), ukuranipun alit, antawis 25 cm. Werninipun abrit saha cemeng, sayapipun dawa. Sirah saha awak bageyan nginggil abu-abu kanthi corak kebiruan. Awak bageyan ngandhap coklat. Dagu kuning kebo. Nalika taksih enem, dada abrit kanthi coretan cemeng. Iris coklat, cucuk abu-abu, sera kuning, tungkai saha sikil kuning. Gerakan langkung lincah kabandhing Alap-alap sapi. Miberipun cepet nalika mburu mangsa kadosta serangga wonten ing nginggil wit-witan. Langkung Asring leren ing wit-witan tinimbang ing watu cadas. Papanipun wonten ing wit-witan ageng. Tiganipun awerni krem, bintik ijo saha coklat, cacahipun sekawan (4) butir.[5]
  • Alap-alap Sapi (Falco moluccensis), inggih punika spesies manuk saking keluarga Falconidae, saking genus Falco. Manuk punika minangka jinis manuk ingkang mangsanipun serangga alit, kadosta, lawa, manuk, kadal, serangga ingkang habitatipun wonten ing daerah kabuka, kadosta kebon, tegalan, sisih alas, utawi kutha. [6]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Manuk_Alap-alap&oldid=834554"