Maleo Senkawor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Maleo Senkawor
Status konsèrvasi
Klasifikasi èlmiah
krajan: Kéwan
filum: Chordata
kelas: Manuk
ordo: Galliformes
kulawarga: Megapodiidae
Genus: Macrocephalon
Müller, 1846
Species: M. maleo
Jeneng binomial
Macrocephalon maleo
S. Müller, 1846

Maleo Senkawor utawi Maleo punika sato kéwan jinis manuk ingkang nggadhahi nama ilmiah Macrocephalon maleo.[1] Maleo Senkawor menika salah setunggaling jinis manuk gosong ingkang nggadhahi ukuran sedang saha dawanipun antawis 55 cm. [1]Maleo Senkawor menika tunggal-tunggaling manuk ingkang wonten genus tunggal Macrocephalon.[1] Ingkang nggumunaken, nalika nembe netes saking tiganipun, manuk maleo menika sampun saged mabur.[1] Ukuran tigan manuk maleo awratipun 240 gram ngantos 270 gram saben tiganipun, ukuran dawanipun kirang langkung 11 cm. [1]Menawi kabandingaken kaliyan tigan ayam ukuranipun langkung ageng kaping gangsal ngantos wolu. [1]

Ananging sapunika, manuk maleo senkawor kathah ingkang sampun pejah saéngga saged punah.[2] Bab punika amargi habitat utawi panggénan gesangipun ingkang sangsaya cupet saha tigan-tiganipun manuk maleo senkawor ingkang kathah dipunpendheti déning manungsa.[2] Cacahipun manuk maleo senkawor samenika dipunètang kirang langkung kirang saking sedasa èwu manuk.[2]

Ciri-Ciri[sunting | sunting sumber]

Manuk maleo senkawor punika nggadhahi wulu ingkang werninipun cemeng, kulit sacedhaning mripat ingkang awerni jene, iris mripat abrit radi coklat saha sikil ingkang awerni ngawu layan, cucuk saha wulu bagéyan ngandhap ingkang awerni abrit ném radi pethak.[1] Maleo gadhah sungu utawi jambul ingkang werninipun cemeng. [1]

Populasi[sunting | sunting sumber]

Mboten ing sedaya panggénan ing Sulawesi saged manggihi maleo.[1] Maleo namung saged dipunpanggihi wonten ing dhaérah ingkang nggadhahi sejarah geologi ingkang wonten hubungan lempeng pasifik utawi Australasia.[1] Populasi kéwan endemik Indonésia menika namung dipunpanggihi wonten ing wana tropis dhataran rendah pulau Sulawesi mliginipun ing dhaérah Sulawesi Tengah inggih menika wonten ing dhaérah Kabupatèn Sigi (Desa Pakuli saha Kabupaten Banggai.[1]

Cathetan suku[sunting | sunting sumber]

  1. ^ a b c d e f g h i j k (id)indosiar.com(dipunundhuh tanggal 7 Oktober 2011)
  2. ^ a b c (id)pariwisataluwukbanggai.com(dipunundhuh tanggal 7 Oktober 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Maleo_Senkawor&oldid=833061"