Malahayati

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Malahayati iku salah sawijiné wanita kang agung saka Kasultanan Acèh. Garwané wis séda nalika ing pertempuran karo Portugis nalika arep ngrebut Selat Malaka. Taun 1585-1604, dhèwèké dadi Kepala Barisan Pengawal Istana Panglima Rahasia lan Panglima Protokol Pemerintah saka Sultan Saidil Mukammil Alauddin Riayat Syah IV.

Malahayati mimpin 2000 pasukan inong balee, yaiku pasukan kang anggotané kabèh wanita, yaiku randa saka pejuang Aceh kang padha gugur ing paprangan. Tanggal 11 September 1599, Malahayati kasil mrajaya Cornelis de Houtman nalika lawan tandhing ing dhuwur kapal. Awit saka jasané iku, Malahayati pinaringan gelar Laksamana Malahayati, dadi laksamana wanita kang kapisan ing donya. Ora mung mrajaya Cornelis de Houtman, Malahati uga kasil ngusir Portugis lan Walanda saka tlatah Acèh.

Malahayati uga mbangun bèntèng kang kawentar kanthi sebutan Bèntèng Inong Balee ing Désa Lamreh, Kecamatan Mesjid Raya, Kabupaten Aceh Besar. Bèntèng kuwi madhep kulon, yaiku madhep Selat Malaka. Bèntèng iki dipigunakaké kanggo asrama tentara Inong Balee, nyimpen logistik, latihan perang, lan pertahanan perang.

Sumber artikel punika saking kaca situs web: "http://jv.wikipedia.org/w/index.php?title=Malahayati&oldid=829146"