Madame Tussauds

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Madame Tussauds

Madame Tussauds inggih punika sawijining museum lilin paling misuwur wonten ing London, Inggris, kanthi cabang-cabang ing sapérangan kutha ageng wonten ing donya. Museum punika kapisanan dipundirikaken déning pematung Marie Tussaud.

Sajarah[sunting | sunting sumber]

Marie Tussaud (miyos 1761, séda 1850), miyos minangka Marie Grosholtz ing Strasbourg, Perancis. Ibunipun nyambut damel minangka pembantu rumah tangga kanggé Dr. Phillippe Curtius, satunggaling dhokter ingkang ahli wonten ing babagan damel patung lilin. Curtius ndidik Tussaud wonten ing seni patung lilin. Nalika taun 1765, Curtius damel patung lilin Marie-Jeanne du Barry, selir saking Raja Louis XV saking Perancis. Cetakan saking patung kasebut inggih punika benda paling sepuh ingkang taksih wonten saking sajarah museum patung lilin punika.[1]

Paméran ingkang kapisanan saking karya lilin Curtius dipunadani wonten ing taun 1770 lan narik kawigatosan saking kathah tiyang. Paméran kasebut pindhah dhateng Palais Royal ing Paris wonten ing taun 1776. Curtius mbikak papan ingkang angka 2 kanggé karya-karyanipun punika wonten ing Boulevard du Temple wonten ing taun 1782 kanthi nama "Caverne des Frands Voleurs", asal muasal saking bagéyan musèum ingkang dipunkenal sakmenika minangka Chamber of Horrors (teges harafiah Kamar Horor).

Tussaud damel patung lilin ingkang kapisanan, inggih punika patung Francois Marie Arouet de Voltaire, utawi ingkang langkung asring dipunkenal kanthi nama Voltaire,wonten ing taun 1777. Tokoh-tokoh kondhang sanèsipun ingkang dipundamel patung tiruanipun, kadosta Jean Jacques Rousseau lan Benjamin Franklin. Sadanguning Revolusi Perancis piyambakipun damel panutup wajah mayit kanggé para tokoh ingkang dados korban. Piyambakipun rila kanggé pados sirah-sirah para korban ingkang pedhot ing tengah-tengah tumpukan mayit supados saged mungkasaken panutup rai mayit punika kanthi sampurna.

Nalika Curtius séda wonten ing taun 1794, piyambakipun nilaraken kolèksi patung-patung lilinipun dhateng Tussaud. Wonten ing taun 1802, Marie Tussaud pindhah dhateng London. Minangka konsekuènsi Perang Inggris-Perancis, piyambakipun boten saged wangsul dhateng Perancis saèèngga kanggé gesang piyambakipun kedah kliling Inggris lan Irlandia mamèrakan karya-karyanipun. Sawetawis wekdal karya-karyanipun punika naté dipunpaméraken wonten ing Lyceum Theatre. Piyambakipun lajeng saged kagungan papan paméran permanén kanggé karya-karyanipun wonten ing Baker Street, London, nalika taun 1835 (ing papan ingkang dipunsebut "Baker Street Bazaar").

Salah satunggaling atraksi utama museum Tussaud inggih punika "The Chamber of Horrors". Bagéyan eksibisi nedahaken sapérangan korban Revolusi Perancis lan ugi patung-patung para pembunuh lan penjahat sanèsipun. Nama ruangan puniaka kaparaingaken déning satunggaling tiyang wonten ing majalah Punch nalika taun 1845.

Tokoh-tokoh misuwur sanès lajeng wiwit katambahaken wonten ing ruang paméran, kalebet ugi Horatio Nelson lan Sir Walter Scott. Sapérangan patung lilin ingkang dipundamel déning Tussaud piyambak taksih wonten dumugi dinten punika. Wonten ing taun 1842, piyambakipun damel patung lilin dhirinipun piyambak ingkang sakmenika kapajeng ing lawang mlebet utama museumnipun.

Museum Madame Tussaud pindhah dhateng alamatipun sakmenika ing Marylebone Road nalika taun 1884. Nalika taun 1925 kebakaran ngrisak kathah saking patung-patung ingkang wonten, ananging cétakan-cétakanipun saged dipunslametaken saèngga patung-patung lilin bersejarah kasebut saged dipundamel malih.

Museum lilin Madame Tussaud sakmenika sampun ngrembaka dados sawijining tujuan wisata ing London, jèjèran kaliyan London Planetarium ing sisi kilénipun. Museum punika sampun kagungan cabang ingAmsterdam, Las Vegas, New York City, Hongkong,[2] Shanghai, Hollywood-Los Angeles, lan Washington D.C. Sakmenika, patung-patung lilin Madame Tussauds kasusun saking tokoh-tokoh sajarah, kulawarga kerajaan, bintang film, atlet kondhang lan tokoh-tokoh kriminal ingkang kondhang. Museum Madame Tussauds sakmenika sampun dados kagunganipun sawijining parusahan wisata ingkang nama Merlin Entertainments sasampuning ngakuisisi Tussauds Group nalika wulan Mei 2007.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Madame_Tussauds&oldid=865141"