Métro de Rennes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Péta Métro de Rennes

Métro de Rennes dipunbikak wiwit tanggal 15 Maret 2002, minangka jaringan métro ing Rennes,[1] Perancis ingkang migunakaken tèknologi ingkang basisiipun ing Siemens Transportation Systems VAL (véhicule automatique léger utawi angkutan ringan otomatis). Namung wonten satunggaling jalur, Jalur A dawanipun9.4 km, ingkang mbentang saking baratlaut dhateng tenggara saking J.F. Kennedy dhateng La Poterie ngléwati Gare de Rennes (dipunlayani déning stasiun métro Gares), kanthi 15 stasiun, 13 anatwisipun wonten ing ngandhap lemah. Stasiun ing la Poterie lan jembatan wonten ing jalur dipunrancang déning Norman Foster.

Jaringan nindakaken operasi kapan kémawon kanthi paling sekedhik sekawan tiyang wonten ing pos jaga pusat (poste de commande centralisée) dumunung ing caket taman Chantepie. 120 kamera njagi sedaya stasiun ing jalur kasebut.

Operasi dipunwiwiti antawis 05:20 lan 00:40 saben dinten satunggal minggu, lan kréta rawuh antawis 3 - 7 menit. Saking ujung dugi ujung, wekdal ingkang dipunbetahaken inggih punika udakawis 16 menit, kanthi kecepatan kréta rata-rata inggih punika 32 km/h. Sedaya stasiun dipunjangkepi kanthi lift.

Sistem punika kagungan 16 kréta, kanthi bobot 28 ton lan dawa 26 meter, ing pundi saged lumampah wonten ing kalih rèl ing sisih rèl ingkang sanès. Saben kréta kagungan kapasitas kanggé 158 panumpang (50 kursi lan 108 gantungan). Wonten ing taun 2005, sekawan kréta dipuntambah, lan sekawan ingkang sanè badhé nindakaken operasi ing wiwitan taun 2006, saperlu nyepetaken wekdal ingkang nengga dumugi 90 detik.

Boten kalebet jaringan ngandhap lemah Dorfbahn Serfaus, lan dugi pambukaan jaringan Métro de Lausanne ing taun 2008, Rennes dados kutha paling alit ing donya kanggé ngoperasikaken sawijining jaringan métro, kanthi cacahing populasi 220,000 jiwa. Rata-rata, wonten 73,000 arus métro saben dinten; figur punika dipunprakirakaken samsaya ningkat dumugi 150,000 wonten ing kurun wekdal sapérangan taun candhakipun, ningkataken kamungkinan mandhaping kepadatan sadanguning jam sibuk.

Wonten ing Januari 2005, tiga lapangan parkir dipunbangun, nyamektakaken 900 slot parkir kanggé panganggo sepéda motor. Kalih ingkang sanès saweg dipunbangun, dipunprakirakaken saged nambah 700 slot malih ing taun 2006.

Tanggal 1 Maret 2006, sawijining kertu ingkang dipunsebut KorriGo dipundamel minangka suplemén sistem tikét kanggé ngrembakakaken lalu lintas métro lan jaringan bis kota.

Jalur punika dipunrawata déning STAR (Société des Transports d'Agglomeration Rennais), lan dipunkelola déning Keolis (sawijining grup SNCF). Kanthi cacahing karyawan udakawis 100 tiyang.

Sawijining jalur kaping kalih, Jalur B, kanthi arah timurlaut dhateng baratdaya, dipunjadwalaken dipunbikak taun 2015.[2]

Stasiun[sunting | sunting sumber]

  • J.F. Kennedy
  • Villejean-Université
  • Pontchaillou
  • Anatole France
  • Sainte Anne
  • République
  • Charles de Gaulle
  • Gares (persimpangan SNCF)
  • Jacques Cartier
  • Clemanceau
  • Henri Fréville
  • Italie
  • Triangle
  • La Blosne
  • La Poterie


Cathetan Suku[sunting | sunting sumber]

  1. ^ (fr)http://www.star.fr/metro/index.html STAR, Jaringan angkutan ing Rennes
  2. ^ http://www.semtcar.fr/upload/gedit/1/fuseaumetro.jpg Jalur metro kanggé taun 2015
Logo Wikimedia Commons
Pirsani galeri bab Métro de Rennes ing Wikimedia Commons.

Cithakan:France Metro Tramway

Sumber artikel punika saking kaca situs web: "http://jv.wikipedia.org/w/index.php?title=Métro_de_Rennes&oldid=843337"