Lydia Kandou

Saka Wikipédia Jawa, bauwarna mardika basa Jawa
Lydia Kandou
LairLydia Ruth Elizabeth Kandou
PakaryanArtis, Panyanyi, Modhel
Dhuwur167 cm (5 ft 6 in)
BojoJamal Mirdad
AnakNaysila Mirdad
Kenang Kana
Nana Mirdad
Nathana Ghaza

Lydia Kandou utawa jeneng jangkepé Lydia Ruth Elizabeth Kandou (lair ing Jakarta, Indonesia, 21 Fèbruari 1963; umur 61 taun)[1] iku sawijiné aktris kang asalé saka Indonésia.[2] Lydia Kandou wis main filem Indonésia nalika dasawarsa 1980-an awal.[2]

Biografi[besut | besut sumber]

Lydia Kandou lair ing Jakarta.[2] Nanging Lydia Kandou duwé katurunan saka Manado lan Walanda.[2] Urip kang dilakoni Lydia akèh godhané.[2] Nalika isih cilik, Lydia Kandou kerep lara-laranen.[2] Saéngga dhèwèké ora éntuk yèn mbanget senengé, ora éntuk yèn mbanget kagété lan mbanget susahé.[2] Amarga penyakité iki, Lydia Kandou banjur kerep dipisahké saka mas lan mbaké, Lydia uga ora éntuk dolanan karo sadulur-sadulur lan kanca-kancané.[2] Nalika biyén Lydia ora ngerti kenapa ibuké nglakokaké iki tumrap dhèwèké.[2] Pungkasané Lydia bisa ngerti yèn kang dilakokaké ibuné iki kanggo kaséhatané Lydia.[2]

Amarga kerep dhéwékan, Lydia urip dadi bocah wédok kang isinan, tampilané prasaja lan ora néko-néko anggoné paesan.[2] Nalika Lydia Kandao ditawani dadi modhél uga rada kangélan amarga dhèwèké duwé sipat isinan.[2] Nanging akèh wong kang ngajari Lydia Kandou.[2] Kanthi gladhèn sithik mbaka sithik, Lydia banjur sukses ing kariré.[2] Saliyané iku, ibuné Lydia uga mènèhi semangat terus kanggo Lydia.[2] Wiwit SMP, Lydia wis ngrokok, mulané saliyané mangan Lydia Kandao uga senam lan nglangi kanggo njaga kaséhatan awaké.[2] Saliyané iku Lydia Kandou uga duwé kasenengan masak.[2]

Nalika wiwitan taun 1980, Gope Samtani saka Rapi Film ménéhi peran tumrap Lydia ing filem Aladin dan Lampu Wasiat (Aladin and His Magic Lamp) kang misuwur iku.[3] Ing filem iki, Lydia main bareng karo Rano Karno.[3]Raam Punjabi saka Parkit Film uga mènèhi Lydia kasempatan kanggo ngembangaké aktingé ing filem, kaya ta 5 Cewek Jagoan (Five Deadly Angels) lan Perawan Rimba (Jungle Virgin Force).[3] Film-filem kang dibintangi nggawé Lydia dadi artis Indonésia kang misuwur nalika iku.[3] Saiki anak-anaké Lydia ya iku Nana Mirdad lan Naysila Mirdad uga akting lan main filem.[3]

Cathetan suku[besut | besut sumber]

  1. Liputan6.com (2021-10-12). "6 Potret Jadul Lydia Kandou, Ibunda Nana dan Naysilla Mirdad yang Cantik Serta Multitalenta". liputan6.com (ing basa Indonesia). Dibukak ing 2022-05-26.
  2. a b c d e f g h i j k l m n o p q selebriti.kapanlagi.com(diaksès tanggal 12 Juli 2011)
  3. a b c d e femina-online.com[pranala mati permanèn](dipunundhuh tanggal 12 Juli 2011)