Lumut Kerak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lumut Kerak

Lumut Kerak (jeneng ilmiahé Lichenes) yaiku bentuk saka simbiosis mutualisme antarané ganggang karo miselium jamur sing urip ing watu, wit, utawa ing témbok gedhung.[1] Jinis jamur sing simbiosis iki biasané saka golongan Ascomycota lan Basidiomycota, déné ganggangé biasané saka golongan Cyanophyta utawa Chlorophyta.[1] Lumut kerak urip kanthi cara epifit ing wit-witan, bisa uga tukhul ing dhuwur lemah, mliginé ing dhaérah tundra ing Kutub Lor.[2] Lumut kerak migunani kanggo kawanguné lemah lan ngremukaké watu, saéngga lumut kerak diarani tanduran perintis.[2] Lumut kerak bisa tahan urip suwé ing kahanan garing.[2] Nalika garing lan kena srengenge terus, lumut dadi garing nanging ora mati.[2] Nalika udan, lumut kerak tuwuh manèh.[2] Lumut kerak saguh nganakake fotosintesis amarga nduwe klorofil. Fotosintesis bisa kadaden yen kadar banyu kira-kira 65-90 %. Nalika kahanan garing, proses fotosintesis mandheg. Reprodhuksi Lumut kerak yaiku kanthi cara aseksual (fragmentasi lan soredium).

Sujarah[sunting | sunting sumber]

Simon Schwendener ngajokaké teori sipat ganda lumut kerak ing taun 1867

Sandyan lumut wis didhaku minangka organisme kanggo sawetara wektu, prekara kuwi ora nganti taun 1867. Nalika Swiss botani Simon Schwendener ngajokaké téori gandha babagan lumut bilih sajatiné sipat lumut kuwi ana ing lumut kerak. Hipotesis Schwendener ing wektu kuwi ora nduwé bukti panalitiyan. Mula ana analisis kang luwih amba babgan anatomi lan pambangunan lumut, alga, lan jamur nggunakaké mikroskop cahaya. Akèh lichenologists ing wektu kuwi, kayata James Crombie lan Nylander kang nulak hipotesis Schwendener amarga konsensus umum yaiku bilih kabèh makhluk urip kanthi otonom (dhéwé). Ahli biologi liyané, kayata Heinrich Anton de Bary, Albert Bernhard Frank, Melchior Treub lan Hermann Hellriegel ora énggal nulak hipotesis saka Schwendener lan konsep énggal nyebaring dhaérah liya studi,kayata mikroba, kéwan, tetanduran, lan patogen manungsa.Nalika kompleks hubungan antara mikroorganisme patogen lan host bisa ditliti. Saéngga panemu Schwendener wiwit kawentar lan bukti panalitiyan kang luwih jangkep saka sipat ganda lumut dikasilaké nalika Eugen Thomas ngandharaké hasilé ing taun 1939 ing pancoban sepisanan kang kasil disintesis.

Ciri Umum[sunting | sunting sumber]

  1. Kasil simbiosis antarané jamur lan ganggang.[3]
  2. Bisa berkembangbiak kanthi cara generatif (seksual) lan vegetatif (aseksual).[3]
  3. Uripé kanthi cara epifiét kang urip ing wit-witan, awtu, utawa lemah kang tandus.[3]
  4. Uga diarani tanduran perintis utawa indikator lolusi hawa.[3]
  5. Tuladhané yaiku Parmelia acetabulum, Usnea barbata, lan Usnea dasypoga.[3]

Réprodhuksi[sunting | sunting sumber]

Aseksual[sunting | sunting sumber]

  1. Fragmentasi, yaiku perkembangbiakan kanthi misahaké bagéyan awak kang wis tuwa saka induk lan banjur ngrembaka dadi individu anyar. Bagéyan-bagéyan awak kang dipisahaké kasebut diarani fragmen.[4]
  2. Isidia, trakadhang isidia ucul saka talus induk kang saben talu nduwé simbion. Isidium bakal tuwuh dadi individu anyar yèn kahanané jumbuh.[4]
  3. Soredia, yaiku klompok cilik sèl-sèl ganggang kang lagi maro lan dikrubuti benang-banang miselium dadi sawijining badan kang bisa ucul saka induk. Lichenes anyar nduwé ciri-ciri kang padha karo induk.[4]

Seksual[sunting | sunting sumber]

Perkembangbiakan seksual ing Lichenes mung bates ing pembiakan jamuré. Dadi, kang ngalami perkembangbiakan kanthi cara seksual yaiku klompok jamur kang mbangun awak Lichenes.[4]

Galeri[sunting | sunting sumber]


Cathetan Suku[sunting | sunting sumber]

  1. ^ a b Karmana, Orman.2007. Cerdas Belajar Biologi. Bandung: Grafindo
  2. ^ a b c d e (id)Lichenes(diundhuh 26 Oktober 2012)
  3. ^ a b c d e (id)Ciri Umum Tumbuhan(diundhuh 23 Februari 2013)
  4. ^ a b c d (id)Materi Reproduksi Lichenes(diundhuh 23 Februari 2013)
  5. ^ This was scraped from a dry, concrete-paved section of a drainage ditch.  This entire image covers a square that is approximately 1.7 millimeters on a side.  The numbered ticks on the scale represent distances of 230 micrometers, or slightly less than ¼ of a millimeter.
Sumber artikel punika saking kaca situs web: "http://jv.wikipedia.org/w/index.php?title=Lumut_Kerak&oldid=835073"