Lumut

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jinis lumut Marchantia
Gambar:Bryophyte sp Moss 3.jpg
Salah sijiné klompok bryophytes

Tanduran lumut minangka sakumpulan tanduran cilik sing klebu jroning divisio Bryophyta (saka basa Yunani bryum, "lumut").

Tanduran iki wis nuduhaké diferensiasi sing tegas antara organ panyerap hara lan organ fotosintetik nanging durung nduwèni oyot lan godhong sejati. Klompok tanduran iki uga durung nduwèni pembuluh sejati. Alih-alih oyot, organ panyerap harané awujud rizoid (harafiah: "kaya oyot"). Godhong tanduran lumut bisa ngayahi fotosintesis. Tanduran lumut minangka tanduran pelopor, sing tuwuh ing sawijining panggonan sadurungé tanduran liya bisa tuwuh. Iki kedadéan amarga tanduran lumut ukurané cilik nanging mbentuk koloni sing bisa njangkau area sing amba. Jaringan tanduran sing mati dadi sumber hara tumrap tanduran lumut liya lan tanduran sing liyané.

Jroning basa sadina-dina, istilah "lumut" bisa ngarujuk marang sawetara divisio. Klasifikasi lawas nggabungaké uga lumut hati lan lumut tanduk jroning Bryophyta, sa’engga ing sajeroning Bryophyta karangkum lumut tanduk, lumut hati, lan lumut sejati (Musci). Nanging, perkembangan jroning taksonomi tanduran nuduhaké yèn penggabungan iki parafiletik wusanané diputusaké misah lumut hati lan lumut tanduk ing sajabané Bryophyta. Ing donya ana watara 4.000 spesies tanduran lumut (klebu lumut hati), 3.000 ing antarané tuwuh ing Indonesia[1]. Kebun Raya Cibodas ing Jawa Kulon nduwèni "taman lumut" sing ngolèksi manéka tanduran lumut lan lumut hati saka manéka wilayah ing Indonesia lan donya.

Rujukan[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Lumut&oldid=829727"