Lumbini

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lumbini, Tempat Lahir Siddharta Gautama*
Situs Warisan Donya UNESCO

Taman Lumbini
Negara Nepal
Tipe Budaya
Kriteria iii, vi
Referensi 666
Wilayah Asia Pasifik
Sajarah prasasti
Prasasti resmi 1997  (Sèsi ke-21)
* Jeneng resmi jroning Daftar Warisan Donya.
Miturut klasifikasi resmi UNESCO.

Lumbini (Sanskerta: लुम्बिनी "ingkang éndah") inggih punika sawijining papan ziarah Buddhis ing distrik Kapilavastu - Nepal, caket perbatasan India. Punika inggih papan ing pundi Ratu Mayadevi dipunkisahaken sampun nglairaken Pangeran Siddhartha Gautama, ingkang ing pungkasanipun dipunsebut minangka Buddha Gautama, pendiri Ajaran Buddha. Sang Buddha gesang antawis taun 563 dumugi taun 483 SM. Taman Lumbini inggih punika salah satunggal saking sekawan papan suci kanggé ziarah ingkang sampun wiwit jaman gesangipun Buddha Gautama. Tigang papan suci sanésipun inggih punika dumunung ing Kushinagar, Bodh Gaya, lan Sarnath.

Lumbini dumunung ing ngandhap gunung Himalaya, [1] 25 km sisih wétan kutha Kapilavastu, kerajaan ing pundi Pangeran Siddhartha nelasaken 29 taun yuswanipun. Kapilavastu inggih punika nama papan kasebut lan ugi nama saking distrik sakitaripun. Lumbini kaggungan sajumlah papan ibadah, kalebet Vihara Mayadevi lan vihara-vihara sanés ingkang taksih proses pambangunan. Ing mriki ugi wonten Puskarini utawi Kolam Suci - papan ing pundi ibu Pangeran Siddhartha mendhet ritual siram sadéréngipun nglairaken lan ing pundi Pangeran Siddhartha siram ingkang kapisanan - sarta wonten ugi sisa-sisa istana Kapilavastu. Wonten ing situs sanés caket Lumbini minangka Buddha sadéréngipun Buddha Gautama, miturut cariyos; lair, pikantuk pencerahan lan pungkasanipun nilaraken bentuk keduniawian.

Lokasi Lumbini, Nepal.

Nalika jaman gesangipun Buddha[sunting | sunting sumber]

Nalika jaman gesangipun Buddha Gautama, Lumbini inggih punika sawijining tamab ingkang dumunung ing antawisipun Kapilavastu lan Devadaha. Wonten ing mrika Pangeran Siddhartha (calon Buddha) lair [2]. Sawijining pilar sakmenika jumeneng nandhani titik kunjungan Asoka ing Taman Lumbini. Miturut sawijining prasasti wonten ing pilar kasebut, pilar punika dipunpapanaken ing mrika déning tiyang-tiyang ingkang tanggel jawab saking taman Lumbini saperlu méngeti kunjungan lan hadiah saking Raja Asoka. Taman punika sadéréngipun misuwur minangka Rummindei, 2 mil sisih lér Bhagavanpura.

Wonten ing Sutta Nipata (vs 683) dipunsebutaken bilih Buddha lair ing sawijining desa saking suku Sakya, ing Lumbineyya Janapada. Sang Buddha dumunung ing Lumbinívana ssadangunipun ing Devadaha lan ing mrika Beliau mbabaraken Devadaha Sutta [3]

Galeri[sunting | sunting sumber]

Cathetan Suku[sunting | sunting sumber]

  1. ^ Kuil Buddha india, Tour Candi Budha, Candi Budha di India, Candi Budha India Tour
  2. ^ Ji52, 54; Kvu.97, 559; AA.i.10; MA.ii.924; BuA.227; Cv.li.10, dll
  3. ^ MA.ii.810

Pranala Njaba[sunting | sunting sumber]

Logo Wikimedia Commons
Pirsani galeri bab Lumbini ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Lumbini&oldid=836155"