Luiz Inácio Lula da Silva

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados


His Excellency
 Luiz Inácio Lula da Silva
Luiz Inácio Lula da Silva

Mangsa jabatan
1 Januari 2003 – 1 Januari 2011
Pejabat sadurungé Fernando Henrique Cardoso
Pengganti Dilma Rousseff

Lair 27 Oktober 1945 (umur 68)
Caetés, Pernambuco
Kabangsan Brazilian
Partai pulitik PT
Koalisi: PC do B, PRB, PMDB, PL, PSB, PP, PMN
Pasangan 1. Maria de Lourdes - meninggal
2. Marisa Letícia (née Rocco Casa)
Anak Lurian Cordeiro
Marcos Cláudio
Fábio Luís
Sandro Luís
Luís Cláudio
Papan padunungan Palácio da Alvorada (official)
São Bernardo do Campo, São Paulo (private)
Pegawéyan Politikus
Metalworker
Union organizer
Profèsi Metallurgist
Agama Katholik Roma
Situs resmi www.presidencia.gov.br

Luiz Inácio Lula da Silva (dipunlafalaken IPA: [lu'iz i'nasiu 'lulɐ dɐ 'silvɐ]; lair ing Vargem Grande (sakmenika Caetés), Garanhuns, Pernambuco, 27 Oktober 1945; umur 68 taun kanthi nama Luiz Inácio da Silva ; populer lan dipunkenal kanthi nama Lula) inggih punika Presiden Brasil kaping 39. Lula miyos wonten ing bagéyan wilayah Pernambuco (Brasil) lan kapilih kanggé jabatan presiden tanggal 27 Oktober 2002 kanthi 61% swara wonten ing putaran kaping kalih ingkang dipunwontenaken antawising kalih kandidat ingkang ngemapalaken swanten paling kathah wonten ing putaran kaping 1. Lula wiwit njabat tanggal 1 Januari 2003. Politikipun kanthi cara tradisional sayap kiwa, ananging wiwit bpiyambakipun dados presiden kiwa Brazil ingkang angka 1 wiwit João Goulart politikipun langkung dhateng tengah. Piyambakipun kapilih sesarengan kaliyan wakil presidenipun, José Alencar, saking Partai Liberal ingang tengen-tengah.[1]

Biografi[sunting | sunting sumber]

Lula miyos wonten ing distrik Caetés saking kutha Garanhuns wonten ing negara bagéyan Pernambuco, Brasil, wonten ing sadengahing kulawarga petani miskin lan tuna aksara. Tanggal miyosipun kacathet 6 Oktober 1945, ananging piyambakipun langkung remen migunakaken tanggal ingkang dipunemut déning ingkang ibu minangka tanggal miyosipun, inggih punika tanggal 27 Oktober. Wonten ing Brasil asring kadadosan kisruh pencathetan tanggal miyos wonten ing provinsi-provinsi padesan.

Langsung sasampuning miyosipun Lula, ingkang rama pindhah dhateng kutha panté Guarujá (wonten ing negara bagéyan São Paulo. Ibunipun Lula lan 8 putranipun kagabung kaliyan ingkang rama ing taun 1952, nglampahi lelampahan antawising 13 dinten ing sawijining truk bak kabikak. Éwadéné kahanan gesangipun langkung saé katimbang wonten ing Pernambuco, gesangipun taksih awrat sanget.

Lula boten kathah pikantuk pendidikan formal. Piyambakipun mandheg sasampuning kelas 4 SD. Pagesangan profesionalipun kawiwitan wonten ing umur 12 taun minangka satunggaling tukang semir sepatu, sadéan kacang, lan tepung tapioka. Piyambakipun ugi naté dados pedagang kliling. Wonten ing umur 14 taun piyambkipun pikantik pedamelan resminipun ingkang kapisanan ing sawijining pabrik baja. Pungkasanipun Lula sinau lan pikantuk ijazah penyetaraan SMA.

Wonten ing taun 1956, kulawarganipun pindhah dhateng ing kutha São Paulo, ingkang nawakaken kasempatan ingkang langkung ageng. Lula, ibunipun, lan 7 sadhérékipun gesang wonten ing sawijining kamar ingkang sempit, wonten ing sawijining bar.

Wonten ing yuswa 19 taun, piyambakipun kicalan sawijining drijinipun wonten ing sawijining kacilakan kerja, déné piyambakipun migunakaken sawijining mesin pengempa wonten ing sawijining pabrik onderdil mobil. Sakitar wekdal punika piyambakipun wiwit kagayut wonten ing kegiatan-kegiatan serikat buruh lan ndhudhuki jabatan-jabatan wigati wonten ing organisasi punika.

Pamaréntahan diktatur sayap tengen Brasil "menekan keras" kegiatan-kegiatan serikat buruh lan akibatipun, pandangan-pandangan Lula samsaya geser dhateng sayap kiwa.

Wonten ing taun 1966 piyambakipun palakrama kaliyan Maria de Lourdes, ingkang seda sesarengan kaliyan putra kakungipun nalika saweg ndarbeni. Wonten ing taun 1974 piyambakipun palakrama kaliyan Marisa, lan dipunparingi 3 putra kakung sedaya.[2]

Wonten ing taun 1978 piyambakipun dipunangkat minangka presiden Serikat Buruh Baja saking São Bernardo do Campo lan Diadema, pusat industri praktis saking sedaya fasilitas manufaktor mobil Brasil (kados Ford, Volkswagen, Mercedes-Benz lan sanès-sanèsipun) lan wonten ing antawising kutha-kutha ingkang paling majeng industrinipun ing saindhenging negeri. Ananging saderengipun, Lula sampun ngisi maneka jabatan wonten ing serikat buruh ingkang sami, lan wonten ing keduduakn punika piyambakipun tindak dhateng Amerika Serikat wiwitan taun 1970-an, pas wonten ing tengah-tengahing pamarentahan diktatur militer Brasil, saperlu ngrawuhi sawijining kursus kualifikasi wonten ing pengelolaan serikat buruh, ingkang dipunsponsori dening AFL-CIO lan ICFTU-ORIT organisasi regional kangge sedaya benua Amerika saking International Confederation of Free Trade Unions ingkang anti komunis. Infomrasi punika kapanggihaken wonten ing entri "Lula" wonteh ing Dicionario Historico e Biográfico Brasileiro ingkang patut dipunkajengaken, sawijining buku "Apa-Siapa" ingkang jangkep sanget babagan politik Brasil pasca-1930 ingkang dipunterbitaken lan dipunmutakhiraken dening Fundação Getúlio Vargas. [3]

Cathetan Suku[sunting | sunting sumber]

  1. ^ http://www.thefirstpost.co.uk/index.php?menuID=2&subID=1042 Profile of President Lula
  2. ^ http://www.voanews.com/article.cfm?objectID=859A04F3-00CF-4CDB-A17EC194ECC6086B Brazil's 'Lula' Celebrates Election as President, Voice of America News
  3. ^ http://news.bbc.co.uk/1/hi/business/2368179.stm Financial markets hold for Lula, BBC News

Ekonomi[sunting | sunting sumber]

Pranala Njaba[sunting | sunting sumber]

Wawancara[sunting | sunting sumber]


Sing mengku  sadurungé:
Fernando Henrique Cardoso
Presiden Brasil
1 Januari 20031 Januari 2011
Diganti déning:
Dilma Rousseff



Cithakan:Presiden Brasil