Louis XII saking Perancis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Louis XII
Raja Prancis
Pamaréntahan 7 April 1498 – 1 Januari 1515
(&&&&&&&&&&&&&016.&&&&&016 taun, &&&&&&&&&&&&0269.&&&&&0269 dina)
Prancis 27 Mei 1498 (Reims)
Didhisiki Charles VIII
Pangganti Francis I
Garwa Joan saking Perancis
Anne, Adipati Wanita Bretagne
Mary saking Inggris
Isu
Claude, Ratu Prancis
Renée, Adipati Wanita Ferrara
House Wangsa Valois
Bapa Charles, Adipati Orléans
Ibu Marie saking Cleves
Agami Katolik Roma

Louis XII (27 Juni 1462 – 1 Januari 1515) [1], disebut "Bapak Rakyat" (Basa Prancis: Le Père du Peuple), minangka salah sijining Raja Prancis lan panguasa tunggal saka Valois-Orléans cabang Wangsa Valois. Panjenengané mrintah saka taun 1498 tekan 1515 lan nguyak kebijakan luar negeri kanthi aktif banget [2].

Wiwitaning Urip[sunting | sunting sumber]

Patung Louis XII ing duit logam taun 1514

Louis dilairaké ing tanggal 27 Juni 1462 [3], ing Château de Blois, Blois, Touraine (ing njero kontemporer Départemen Loir-et-Cher). Putra Charles, duc d'Orléans lan Marie saka Cleves, panjenengané nggantèkaké bapaké minangka Adipati Orléans ing taun 1465 [4].

Ing taun 1480 Louis anggoné mèlu ing Perang Edan nglawan otoritas kerajaan. Gabung karo sekutu Francis II, panjenengané ngadepi pasukan kerajaan ing medan Perang Saint-Aubin-du-Cormier (1488), ananging panjenengané dikalahaké lan ditangkep. Diwènèhi pangapura telung taun salanjuté, Louis gabung karo seduluré Raja Charles VIII ing pirang-pirang kampanye ing Italia [5].

Kabèh anaké Charles VIII, yaiku papat, tilar donya nalika isih enom. Terjemahan Prancis Hukum Salik ngijinaké menawa warisan tahta Prancis mung kanggo keturunan lanang para panguasa Prancis. Babagan iki nggawé Louis, buyut Raja Charles V, pewaris sing paling senior sing dai pewaris Charles VIII. Louis salanjuté éntuk tahta sawisé raja tilar donya.

Kawicaksanan njero kaliyan njaba negeri[sunting | sunting sumber]

Meriam perunggu Louis XII, kanthi lambang landak. Kaliber: 172mm, dawa: 305 cm, bobot: 1870kg. Ditemokake ing Algiers nalika taun 1830. Musée de l'Armée.

Sanadyan panjenengané teko telat (lan ora dikira-kira) munggah tahta, Louis timindak kanthi semangat, ngreformasi sistem hukum Prancis, ngurangi pajek lan ndandani pamerintahan, kayata sing digagas déning Henry VII ing Inggris. Panjenengané uga trampil nalika ngatur kebangsawanané, kamasuk fraksi Wangsa Bourbon sing nduwé kuasa, sing akeh nyumbang kanggo stabilitas pamerintahan Prancis. Ing njero Ordonansi Blois nalika taun 1499 lan Ordonansi Lyon ing taun 1510, panjenengané ngembangaké kakuasaan hakim kerajaan lan nduwé upaya kanggo ngekang korupsi ing njero pranatan hukum. Hukum adat Prancis sing komplèks banget kudu disusun lan disahaké déning proklamasi kerajaan.

Ing salah sijining upaya kanggo ngentukaké kendali Wilayah Adipati Milan, sing warisané panjenegané entukaké kanthi hak saka éyang paternale Valentina Visconti,[6] Louis mangkat ing Perang-perang Italia. Ing medan Perang Italia 1499–1504, panjenengane wes kasil ngamanake Milan nalika taun 1499 saka musuhé, Ludovico Sforza, lan wilayah kasebut mapan ing njero kakuasaan Prancis sasuwené 12 taun. Suksesé sing gedhé kethok nalika Perang Liga Cambrai, kanthi kamenangan ing medan Perang Agnadello nalika taun 1509. Kahanan dadi saya abot kanggo panjenengané saka taun 1510 munggah, luwih-luwih sawisé Julius II, paus pejuang sing elok, ngendalekaké Vatikan lan mbentuk "Liga Suci" kanggo nentang ambisi-ambisi Prancis ing Italia. Prancis akhiré diusir saka Milan déning Swiss nalika taun 1513.

Louis XII ngleboni Genoa ing taun 1507. Miniatur dening Jean Bourdichon

Louis uga nguyak warisan sing kapungkur langsung saka Kerajaan Napoli karo Ferdinand II, Raja Aragon saking Wangsa Trastámara. Panjenengané loro kabèh setuju kanggo mmbagi kerajaan Neapolitan ing Perjanjian Granada (1500), ananging akhire congkrah dening kondisi bagéyan wilyah kasebut, lan ing taun 1504 Prancis kelangan bagéyan Napoli.

Louis kabukti dadi salah sijining raja sing populer. Ing pungkasana pamerintahané, defisit mahkota ora luwih gedhé saka nalika panjenengané nggantekaké Charles VIII ing taun 1498, sanadyan panjenengané nglakoni sapropirané kampanye larang ing Italia. Reformasi fiskalé ing taun 1504 lan 1508 diperketat lan ditingkataké proseduré kanggo mungut pajek. Panjenengané patut éntuk julukan Bapak Rakyat ("Le Père du Peuple") sing diwènèhaké kanggo panjenengané nalika taun 1506.

Kawinan[sunting | sunting sumber]

Ratu Joan saking Prancis.
Mary nalika periodené sing sedéla minangka Ratu Prancis.

Ing taun 1476, Louis diwènèhi tanggungan nikah karo Joan saking (1464–1505) sing salah, putri sedulur loro-lorone kabèh, Louis XI, "Raja Laba-laba" Prancis sing umuré setengah tuwa. Joan wés ditahbisaké déning Gereja Katolik. Sawisé para leluhur Louis XII Charles VIII tilar donya tanpa keturunan, kawiné Louis dibatalaké kanthi upaya kanggo ngijinaké nikahi kaliyan janda Charles, mantan Permaisuri, Anne saking Bretagne (1477–1514), sing minangka putri lan pewaris Francis II saking Bretagne, kanthi maksud strategi kanggo nggabungaké wilayah adipati Bretagne ing njero kakuasaan Prancis.

Ananging prastawa batal kasebut digambaraké minangka "salah sijining tuntutan hukum zaman", babagan ora gampang. Louis ora kaya wong sing diarepaké, nduwé pendapat menawa batalé kawinan kasebut amarga ana hubungan sedulur (tunjangan umum kanggo bubaré kawinan ing wektu kuwi). Sanadyan panjenengané bisa nggawa saksi kanggo mbuktèkaké menawa kaloroné nduwèni hubungan sing rumaket amarga pirang-pirang prastawa kawinan sing kadadéan, ora ana bukti dokumen babagan kuwi, mung sapropirané pendapat saka wong-wong istana. Mangkono uga, Louis ora bisa mbantah menawa panjenengané wés gedhé akil balig (14 taun) kanggo nikah: ora ana sing mesti kapan panjenengané dilairakeé, karo Louis sing ngaku sing umuré 12 taun ing wektu kuwi, lan sing liyané wiwit nafsiraké panjenengané sedaya umuré 11 lan 13 taun. Sanadyan mangkono, amarga ora ana bukti kang nyata, panjenengané kapeksa nggawé argumen liyané.

Gotik Flamboyan Louis sing numpak jaran ing nduwur gerbang Château de Blois

Saka Kepausan minangka pihak sing netral, ngendika Joan bakal menang, amarga kasus Louis sing ora kuat buktineé. Mesakaké banget nasibé Ratu, Paus Aleksander VI (mantan Roderic Borja) digelar amarga alesan politis kanggo mènèhi ijin pegat, lan panjenengané mrintah nentang Joan, ngijinaké prastawa batal kasebut. Prastawa Batal kasebut diwènèhaké kanthi alesan menawa Louis ora bebas nikah, ananging dipeksa kanggo nikahi amarga printah bapaké Joan Louis XI. kanthi angkara murka, Joan wegah minggir, lan nduwé alesan menawa panjenengané bakalan ndonga kanggo bekas bojoné, lan Louis podo wegahé nikahi bekas Ratu Anne.

Sawisé tilar donyané Anne, Louis salanjuté nikahi Mary Tudor, Ratu Prancis (1496–1533), seduluré Henry VIII saking Inggris, Raja Inggris ing Abbeville, Prancis, nalika tanggal 9 Oktober 1514, kanthi upaya kanggo bisa ngasilaké keturunan pewaris tahtané lan calon sing ngadekaké pewaris mangsa ngarep kanggo keturunan-keturunane saka tahta Inggris uga. Panjenengané akhiré ora kasil. Sanadyan kaloro kawinané sadurungé, raja ora nduwèni keturunan lanang urip lan nduwé upaya kanggo ngasilaké salah sijining pewaris; ananging Louis tilar donya tanggal 1 Januari 1515, kurang saka 3 wulan sawisé nikahi Mary, miturt pirang-pirang sumber amarga kesel lan kabèh tenagané dienggo ing kasur. Nikahé panjenengané loro kabèh ora ngasilaké keturunan.

Tilar Donyané[sunting | sunting sumber]

Louis tilar donya tanggal 1 Januari 1515, lan dikubur ing Basilika Santo Denis. Amarga tradisi Hukum Salik, sing ora ngijinaké wanita kanggo dadi pewaris tahta Prancis, panjenengané digantèkaké déning putra saka seduluré sing kapisan, Francis I saking Prancis (sing uga minangka mantuné), sing nggawé garis keturunan Raja-raja Prancis déwé.


Kulawarga[sunting | sunting sumber]

Silsilah[sunting | sunting sumber]

Keturunan[sunting | sunting sumber]

Ratu Anne saking Bretagne
Dening Anne saking Bretagne
Jeneng Lair Tilar Donya Cathetan
Claude saking Perancis 14 Oktober 1499 20 Juli 1524 nikah kaliyan Francis I saking Perancis ing tanggal 18 Mei 1514; nduwèni keturunan
Putra ora nduwé jeneng 1500 1500 mati bayi
Putra ora nduwé jeneng 21 Januari 1503 21 Januari 1503 mati bayi
keguguran ing akhir taun 1503 ing pungkasan taun 1503 pirang-pirang sumber ngendika
keguguran 1505 1505
Putra ora nduwe jeneng 21 Januari 1508 21 Januari 1508 mati bayi; pirang-pirang sumber ngendika keguguran
keguguran 1509 1509 pirang-pirang sumber ngendika
Renée saking Prancis 25 Oktober 1510 12 Juni 1574 nikah kaliyan Ercole II d'Este ing wulan April 1528; nduweni keturunan
Putra ora nduwe jeneng 21 Januari 1512 21 Januari 1512 mati bayi

Louis XII uga nduwèni sapropirané anak haram Michel de Bucy, Uskup Agung Bourges saka taun 1505, sing tilar donya ing taun 1511 lan dikubur ing Bourges.[7]

Referensi[sunting | sunting sumber]

Cathetan Sikil[sunting | sunting sumber]

  1. ^ http://www.luminarium.org/encyclopedia/louis12.htm (dipununduh 1 April 2013)
  2. ^ http://www.biography.com/people/louis-xii-9386847 (dipununduh 24 April 2013)
  3. ^ http://www.historylearningsite.co.uk/L12.htm (dipununduh 1 April 2013)
  4. ^ http://www.britannica.com/EBchecked/topic/348919/Louis-XII (dipununduh 24 April 2013)
  5. ^ http://www.historylearningsite.co.uk/L12.htm (dipununduh 24 April 2013)
  6. ^ Her marriage contract with Louis, duc d'Orléans, stipulated that in failure of male heirs, she would inherit the Visconti dominions.
  7. ^ http://genealogy.euweb.cz/capet/capet23.html#L12
Louis XII saking Perancis
Cabang kadet Wangsa Kapetia
Lair: 27 Juni 1462 Tilar donya: 1 Januari 1515
Regnal titles
Sing mengku  sadurungé:
Charles VIII
Raja Perancis
7 April 1498 – 1 Januari 1515
Diganti déning:
Francis I
Sing mengku  sadurungé:
Frederick IV
Raja Napoli
Agustus 1501–31 Maret 1504
Diganti déning:
Ferdinand III
Sing mengku  sadurungé:
Anne
Adipati Bretagne
8 Januari 1499 – 9 Januari 1514
Diganti déning:
Claude
Sing mengku  sadurungé:
Louis I
Adipati Milan
1499–1512
Diganti déning:
Maximilian
Sing mengku  sadurungé:
Charles I
Adipati Orléans
5 Januari 1465 – 7 April 1498
Lowong
Digabungaké ing njero wilayah kerajaan
Selanjuté dijabat déning
Henry
Adipati Valois
5 Januari 1465 – 7 April 1498
Lowong
Digabungaké ing njero wilayah kerajaan
Selanjuté dijabat déning
Francis
Pangeran Blois
5 January 1465 – 7 April 1498
Lowong
Digabungaké ing njero wilayah kerajaan
Selanjuté dijabat déning
Gaston
Lambang Karajan Prancis Raja Prancis Lambang Karajan Prancis

Hugh Capet
987-996

Robert II
996-1031

Henri I
1031-1060

Philippe I
1060-1108

Louis VI
1108-1137

Louis VII
1137-1180

Philippe II
1180-1223

Louis VIII
1223-1226

Louis IX
1226-1270

Philippe III
1270-1285

Philippe IV
1285-1314

Louis X
1314-1316

Jean I
1316-1316

Philippe V
1316-1322

Charles IV
1322-1328

Philippe VI
1328-1350

Jean II
1350-1364

Charles V
1364-1380

Charles VI
1380-1422

Charles VII
1422-1461

Louis XI
1461-1483

Charles VIII
1483-1498

Louis XII
1498-1515

François I
1515-1547

Henri II
1547-1559

François II
1559-1560

Charles IX
1560-1574

Henri III
1574-1589

Henri IV
1589-1610

Louis XIII
1610-1643

Louis XIV
1643-1715

Louis XV
1715-1774

Louis XVI
1774-1791

Louis XVII
1793-1795

Louis XVIII
1814-1824

Charles X
1824-1830

Louis XVI Raja Rakyat Prancis 1791-1792
Napoléon I Kaisar Prancis 1804-1814 lan 1815
Louis-Philippe I Raja Rakyat Prancis 1830-1848
Napoléon III Kaisar Prancis 1852-1870

Pirsani uga: Sajarah Prancis - Kapetia - Valois - Bourbon