Louis Martin (binerkahan)

Saka Wikipédia Jawa, bauwarna mardika basa Jawa
Louis Martin ingkang Binerkahan

Miyos 22 Agustus 1823, Bordeaux, Gironde, Prancis
Tilar donya 29 Juli 1894, Arnières-sur-Iton, Eure, Prancis
Dipun urmati ing Gréja Katulik Roma
Beatifikasi 19 Oktober 2008, Basilique de Sainte-Thérèse déning Paus Benediktus XVI
Dinten pèngetan
Portal Santo

Louis Martin ingkang Binerkahan (22 Agustus 1823 - 29 Juli 1894) punika satunggiling tiyang awam Prancis lan bapanipun Santa Thérèse saking Lisieux. Garwanipun inggih punika Marie-Azélie Guérin ingkang Binerkahan.

Kagesangan[besut | besut sumber]

Kagesangan awal[besut | besut sumber]

Louis Joseph Aloys Stanislaus Martin[1] punika putranipun Pierre-François Martin lan Marie-Anne-Fanie Boureau ingkang nomer tiga saking gangsal sadhèrèk. Saprangan sadhèrèkipun nilar donya nalika taksih anem.

Senadyan Louis dipunkersakaken dados satunggiling biarawan, ingkang kepéngin mlebet Augustinian Biara St Bernard Agung, amargi kirangipun kawruhipun prakawis basa Latin, panjenenganipun dipuntulak, lan mutusaken dados satunggiling pedamel jam tangan.

Palakrami lan kulawarga[besut | besut sumber]

Panjenenganipun lajeng nandhang wuyung dhumateng Marie-Azélie Guérin[1], satunggiling pedamel rénda, ing taun 1858 kekalihipun palakrami, namung tigang wulan sasampunipun pepanggihan.[2] Bisnis réndanipun Zélie sanget suksès saéngga Louis nyadé bisnis pedamelan jamipun nuli dados partner èstriipun.

Tilar donya[besut | besut sumber]

Potrèt bapanipun Thérèse ing Basilika St. Thérèse (Lisieux).

Nalika taun 1889 Louis nandhang kalih stroke awrat lajeng ugi nandhang arteriosklerosis serebral, lan dipunrawat ing griya sakit salaminipun tigang taun ing griya sakit jiwa Bon Sauveur ing Caen. Nalika taun 1892 panjenenganipun kundur dhumateng Lisieux, ing mriku putrinipun, inggih punika Celine lan Leonie ngurus panjenenganipun kanthi setyo dumugi tilar donyanipun 29 Juli 1894 ing puri La Musse caket Évreux.

Beatifikasi[besut | besut sumber]

Louis lan Marie-Azélie Martin wus ditélakaké "kinurmatan" tanggal 26 Maret 1994 déning Paus Yohanes Paulus II. Kekalihipun dipunbeatifikasi[3] tanggal 19 Oktober 2008 déning Jose Cardinal Saraiva Martins, wakilipun Paus Benediktus XVI ing Basilique de Sainte-Thérèse, Lisieux.[4] Tiyang-tiyang ingkang pitados sapuniki dipunundang kanggé sembayang nyuwun mukjizat kanthi lantaran Louis utawi Marie utawi kekalihipun. Sasampunipun mukjizat kasebat dipunanggep saged dipunpitados déning pejabat Konggergasi Panyebab Tiyang Suci ing Vatikan, kekalihipun saged dipunpètangaken ing antawisipun tiyang-tiyang suci Gusti.

Pranala njaba[besut | besut sumber]

  1. a b http://www.thereseoflisieux.org/their-lives/
  2. "Archive copy". Diarsip saka sing asli ing 2009-09-01. Dibukak ing 2011-03-13.{{cite web}}: CS1 maint: archived copy as title (link)
  3. http://www.thereseoflisieux.org/the-events-of-beatification-su/
  4. "Archive copy". Diarsip saka sing asli ing 2012-03-06. Dibukak ing 2011-04-01.{{cite web}}: CS1 maint: archived copy as title (link)