Linus Suryadi AG

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Linus Suryadi AG
Linus Suryadi.jpg
Lair 3 Maret 1951
Flag of Indonésia Sleman, Yogyakarta
Tilar donya 30 Juli, 1999
Flag of Indonésia Yogyakarta
Pegawéyan Penyair
Kabangsan Indonesia
Aliran Sastra Puisi

Linus Suryadi Agustinus ingkang miyos wonten ing dusun Kadisobo, Sleman, Yogyakarta ing tanggal 3 Maret 1951 lan séda ing Yogyakarta tanggal 30 Juli 1999 inggih punika salah satunggaling penyair ugi sastrawan Indonésia ingkang kathah nyerat puisi. [1]

Riwayat Pagesanganipun[sunting | sunting sumber]

Linus Suryadi inggih punika putra nomer kalih saking sedasa sedhѐrѐkipun ingkang asalipun saking kulawarga tani. Pendhidhikanipun ing sekolah dhasar dipuntindakaken ing SD ing dhusunipun. Lajeng piyambakipun nerasaken sekolah ing SMP Kanisius Sleman, lajeng nersaken ing SMA Bopkri I. Sasampunipun lulus SMA ing taun 1970, Linus nerasaken sekolah ing jurusan Bahasa Inggris ABA saha ing IKIP Sanata Dharma, ananging ing sekolah kekalihipun piyambakipun boten lulus. Linus sinau kathah jinis ngilmu sanѐsipun kanthi otodidak. [2] Ing taun 1970, Linus wiwitan sepisanan nyerat puisi saha esai nalika gabung kaliyan Persada Klub ing surat kabar mingguan Pelopor Yogya ingkang dipunpimpin déning pujangga asalipun saking Pulo Sumba, inggih punika Umbu Landu Peranggi. Ing taun 19791986, piyambakipun dados redaktur kabudayan surat kabar ''Berita Nasional'' ing Yogyakarta. Linus asring ndhѐrѐk ugi panalitѐn – panaliten kanthi informal utawi formal, mliginipun ingkang ngengingi bab kabudayan. Linus dados anggota Dewan Kesenian Yogyakarta kanthi dangunipun 3 periode saking taun 1986196. Lajeng, piyambakipun ugi dados pemimin redaksi jurnal kabudayan Citra Yogyakarta ingkang dipunwedalaken dening Dewan Kesenian Yogyakarta, ing taun 19871999. [3] Ing taun 1982, Linus ndherek Program Menulis Internasional ing Universitas Iowa, Iowa City, Amerika Serikat. Linus ugi naté ndherek The Indonesian Cultural Festival, ing London, sareng kaliyan penyair- penyair Indonesia sanѐsipun kados ta, Sapardi Djoko Damono, Subagio Sastrowardoyo, Taufiq Ismail, Eka Budianta, Toeti Heraty, saha Edi Sedyawati ing taun 1990.[4]

Asiling Karya[sunting | sunting sumber]

Bukunipun ingkang sepisan dipunwedalaken déning PT Dunia Pustaka Jaya inggih arupi cariyos kanggé laré-laré, saha Perang Troya ing taun 1977. Déné karya- karya sanѐsipun ing antawisipun inggih kados mekaten:

Kempalan Puisi[sunting | sunting sumber]

  • Langit Kelabu (1976)
  • Pengakuan Pariyem: Dunia batin seorang wanita Jawa (1981)(prosa lirik)
  • Perkutut Manggung (1986)
  • Kembang Tanjung (1989)
  • Rumah Panggung (1989)
  • Nafas Budaya Yogya (1994)
  • Tirta Kamandanu (1997)
  • Tugu minangka penyunting antologi puisi 32 penyair Yogyakarta (1986) * Tonggak: antologi puisi Indonesia modern dados penyunting 4 jilid buku (1987)
  • Karya-karyanipun ugi kapacak wonten ing sapérangan antologi, inggih punika Laut biru langit biru (penyunting Ajip Rosidi (1977), Mengapa dan Bagaimana Saya Mengarang penyunting Pamusuk Eneste (1986)
  • Pesta Emas Sastra Jawa Daerah Istimewa Yogyakarta (dados penyunting bersama Danu Priyo Wibowo, 1996)

Esai[sunting | sunting sumber]

  • Dari Desa Ke Kota (1986)
  • Kesaksian di Pinggir (1993)
  • Regol Megal Megol Fenomena Kosmogoni Jawa (1993)
  • Dari Pujangga Jawa ke Penulis Jawa (1995)

Terjemahan[sunting | sunting sumber]

  • Walking Westward in the Morning:Seven Contemporary Indonesia Poets (antologi puisi, penyunting John McGlynn, 1990)
  • De Bokontinen van Pariyem dipunterjemahaken wonten ing basa Welanda dening Marjanne Thermorshuizen, 1985)
  • On Foreign Shores (antologi puisi, penyunting lan penerjemah John McGlynn, 1990)
  • This Same Sky: A Collection of Poems from Around the World (antologi puisi, penyunting Naomi Shihab Nye, 1992)

Penghargaan[sunting | sunting sumber]

Penghargaan ingkang sampun naté dipunasilaken déning Linus ing antawisipun inggih hadiah seni saking pamarentah Yogyakarta kanggé bidhang sastra (1984). Saking BBC London Seksi Indonésia kanggé mengeti para pujangga saha sastrawan Indonésia ingkang sampun séda, kanthi puisinipun Berlayar (1976). Kumpulan puisi Rumah Panggung pikantuk penghargaan saking Pusat Bahasa, Jakarta, (1994).

Cathetan Suku[sunting | sunting sumber]

  1. ^ (id) Rampan, Korrie. Leksikon Sastra Indonesia. Balai Pustaka, 2000, Jakarta. Kaca 262.
  2. ^ (id) Suryadi, Linus (1995). Dari pujangga ke penulis Jawa. Yogyakarta: Pustaka Pelajar. ISBN 9798581172.
  3. ^ (id) Linus, Suryadi (1999). Pengakuan Pariyem : dunia batin seorang wanita Jawa. Yogyakarta: Pustaka Pelajar. ISBN 9799075955. kaca 320
  4. ^ (id) Linus, Suryadi (1999). Pengakuan Pariyem : dunia batin seorang wanita Jawa. Yogyakarta: Pustaka Pelajar. ISBN 9799075955. kaca 321
Sumber artikel punika saking kaca situs web: "http://jv.wikipedia.org/w/index.php?title=Linus_Suryadi_AG&oldid=836087"