Lepu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lepu
Pterois antennata
Klasifikasi èlmiah
krajan: Animalia
filum: Chordata
kelas: Actinopterygii
ordo: Scorpaeniformes
kulawarga: Scorpaenidae
Subkulawarga: Pteroinae
Genus: Pterois
Oken, 1817
Lepu Ayam (Pterois Volitans)

Lepu menika kelompok spesies iwak ingkang kagungan racun lan ndherek genus Pterois, Parapterois, Brachypterois, Ebosia utawi Dendrochirus saking keluarga Scorpaenidae. Ulam lepu menika kelebet spesies predator. Nalika buru ulam lepu menika mojokaken musuh ngginakaken sirip ageng lan kanthi refleks lajeng mangsa buruanipun.

Lepu menika kawentar amargi erinipun ingkang dawa lan kagungan warni abang, coklat, orange, kuning, ireng lan putih. kelompok ulam menika dipundamel klasifikasi minangka subfamili ( Pteroinae ) utawi siku ing sangandhaping Scorpaeninae ( Pteroini )[1] .

Spesiès[sunting | sunting sumber]

  • Lepu Ayam (Pterois Volitans, P. Russeli)
  • Lepu Angin (Scorpaena Guttata)
  • Lepu Tembaga (Synanceja Horrdia)

Ulam lepu menika mlebet kategori ulam ingkang mbebayani mliginipun ulam ingkang kagungan eri beracun. Ingkang wonten ing kategori menika ulam lepu utawi ulam scorpion lan kelompok ulam beronang. Salah satunggaling jinis ulam lepu ingkang paling damel wedi manungsa menika ulam lepu watu. Sedaya ulam kanthi jinis menika pinter nyamaraken awakipun kaliyan watu.Jinis lepu ingkang kagungan daya tarik menika lepu ayam utawi lepu kupu-kupu ingkang dados dolanan kanggé para penyelam kanthi cara boten nyekel eri-erinipun [2].

Habitat[sunting | sunting sumber]

Habitat ulam lepu menika wonten ing watu karang ing wilayah Indo - Pasifik. Wonten ugi spesiès ingkang kapanggihaken wonten ing Panté Timur Atlantik saking Long island dumugi Florida. Salah satunggaling jinis ulam lepu ingkang mbebayani menika lepu watu. Kathah-kathahipun ualm lepi jinis lepu watu menika pinter nyamaraken awakipun wonten ing perairan ingkang dangkal utawi rataan terumbu ingkang dangkal, ugi saged mapan ing antawisipun watu-watu [1].

Ulam lepu menika kalebet kewan Noktunal ingkang ateges aktif nalika wanci dalu, lajeng menawi wanci siang kathah ingkang ndelik wonten ing papan tartamtu kados wonten ing karang. Nalika pados buruan panganan nalika dalu, padatanipun ulam lepu renang kanthi rindhik kanggé nekani mangsanipun. Lajeng ujug-ujug ngrentangaken sirip dada kanggé nyegah mangsa mlayu. Panganan ulam menika ulam-ulam ingkang alit, plankton ingkang tumèmpèl wonten ing erumbu karang, urang, lan kepiting utawi yuyu[1].

Ulam ingkang kagungan corak awak lan warni ingkang saé lan éndah menika ngandhut racun ingkang mapan wonten ing sirip dada lan ing punggung ingkang ukuranipun ageng. Namung bagéyan sirip punggung ingkang wonten balungipun menika ingkang mbebayani dhateng manungsa amargi sirip menika saged nembus balung. Akibat saking racun ulam lepu menika raos gerah wonten ingkang papan kenging racun, sesak napas lan saged ngakibataken séda[1].

Cathetan suku[sunting | sunting sumber]

  1. ^ a b c d [1], (id) http://www.iftfishing.com (dipun-akses tanggal 15 November 2012).
  2. ^ [2], Ikan laut berbahaya.pdf (dipun-akses tanggal 15 November 2012).
Sumber artikel punika saking kaca situs web: "http://jv.wikipedia.org/w/index.php?title=Lepu&oldid=837698"