Lembaga Pembiayaan Ekspor Indonésia

Saka Wikipédia Jawa, bauwarna mardika basa Jawa
LPEI

Lembaga Pembiayaan Ekspor Indonésia utawi ingkang asring dipuncekak LPEI sadèrenginpun inggih nama Bank Ekspor Indonésia (BEI), inggih punika salah satunggaling lembaga kauangan sanès bank ing Indonésia ingkang namung ngurusi kanggé béya ekspor. Nalika nindakaken operasinipun, LPEI ngginakaken nama Indonésia Eximbank supados kedhudhukanipun sami kaliyan bank ekspor impor nagara sanèsipun.

Sajarah[besut | besut sumber]

Bank Eksporu Indonésia madeg minangka salah satubnggaling Badan Usaha Milik Nagara (BUMN) ingkang mlampah ing babagan jasa perbankan, mliginipun ing lembaga ingkang mbeyayai ekspor (export credit agency). Perusahaan punika madeg ing tanggal 25 Mèi 1999 dhedhasar Peraturan Pamarentah Republik Indonesia Nomor 37 Taun 19999 lan sadaya sahamipun dipungadhahi déning pamaréntah Indonésia. Wiwit Oktober 2004. perusahaan punika dipunpandhegani déning direktur utama perusahaan inggih punika Arifin Indra S. Adhedhasar Undhang-undhang Nomor 2 Taun 2009 ngengingi Lembaga kanggé mbeyayani ekspor indonesia ingkang dipunsahaken ing tanggal 16 Dhésèmber 2008, status BEI dipunewah-ewahi dados LPEI.[1] Masa transisi saking BEI dados LPEI dipuntetepaken ingkang dangunipun 9 sasi, sanajan ta pamaréntah tetep optimis saged ngrampungaken prosesipun ing wekdal 6 sasi kémawon.[2] LPEI sampun naté dipunpandhegani déning Mahendra Siregar ingkang nggantosaken Arifin Indra, ingkang dangunipun pinten-pinten sasi wonten ing pungkasaning taun 2009. Mahendra mutusaken kanggé mendhet tawaran dados Wakil Mantri Perdhagangan ing sasi Dhésèmber 2009 lan dipungantosaken déning I Made Gede Erata (mantan Kepala BPPK Depkeu) ingkang njabat ngantos sapunika.

Asas lan ancasipun[besut | besut sumber]

Lembaga kanggé mbeyayai ekspor indonesia dipunbentuk dhedhasar Undhang-undhang piyambak, inggih punika UU No. 2 taun 2009 ngengingi Lembaga Pembiyaan Ekspor. Dipunsebataken bilih lembaga kanggé mbeyayai ekspor nasional inggih punika salah satunggaling fasilitas ingkang dipuparingaken déning badan usaha kalebet usaha perorangan kanggé ndorong ekspor nasional. Kangge ngawontenaken mbeyayai ekspor nasional kanthi dhasar asas: a) kepentingan nasional; b) pepesthen hukum; c) keterbukaan; d) akuntabilitas; e) profesionalisme; f) efisiensi keadilan; lan g) nyeimbangaken majengipun lan kesatuan ékonomi nasional, kanthi ancas kanggé njurung kawicaksanan saking pamaréntah kanggé nyurung program ekspor nasional. Déné ancasing pamaréntah netepaken kawicaksanan dhasar beya ekspor nasional inggih punika kanggé:

  1. Paring surungan kanggé nyiptakaken iklim usaha ingkang kondusip kanggé ningkataken ekspor nasional
  2. Nyepetaken anggènipun ningkataken ekspor nasional
  3. Mbiyantu kanggé ningaktaken kaprigelan produksi nasional ingkang gadhah daya saing ingkang inggil lan gadhah kaunggulan kanggé ekspor; lan
  4. Ndherek nyurung kanggé ngrembakakaken usaha mikro, alit, menengah, lan koperasi kanggé ngrembakakaken prodhuk ingkang orientasinipun kanggé ekspor.

Dhasar Hukum[besut | besut sumber]

Dhasar hukum Lembaga Pembiyaan Ekspor inggih punika Undhang-undhang Nomor 2 taun 2009 ngengingi lembaga pembiyaan ekspor ingkang dipuncethakaken kanthi aturan kados makaten:

  1. Peraturan Menkeu No. 143/PMK.010/2009 ngengingi Prinsip Mengenal Nasabah Lembaga Pembiayaan Ekspor Indonésia
  2. Peraturan Menkeu No. 142/PMK.010/2009 ngengingi Manajemen Resiko Lembaga Pembiayaan Ekspor Indonésia
  3. Peraturan Menkeu No. 141/PMK.010/2009 ngengingi Prinsip Tata Kelola Lembaga Pembiayaan Ekspor Indonésia
  4. Peraturan Menkeu No. 140/PMK.010/2009 ngengingi Pembinaan dan Pengawasan Lembaga Pembiayaan Ekspor Indonésia
  5. Peraturan Menkeu No. 139/PMK.06/2009 ngengingi Tata Cara Penyusunan, Penyampaian, dan Pengubahan Rencana Jangka Panjang Sarta Rencana Kerja dan Anggaran Tahunan Lembaga Pembiayaan Ekspor Indonésia
  6. Peraturan Menkeu No. 106/PMK.06/2009 ngengingi Tata Cara Pengusulan, Pengangkatan dan Pemberhentian Dewan Direktur Lembaga Pembiayaan Ekspor Indonésia
  7. Peraturan Ketua Bapepam-LK Nomor: PER-02/BL/2011 ngengingiPedoman Pemeriksaan Lembaga Pembiayaan Ekspor Indonésia

Cathetan suku[besut | besut sumber]