Laura Basuki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Laura Basuki
Lair 9 Januari 1988 (umur 26)
Flag of Indonesia.svg Jakarta, Indonesia
Pagawéyan aktris, model
Taun aktif 2008 - sekarang
Garwa Leo Sanjaya
Wong tuwa Wibowo Basuki dan Thi Kieu Tien Basuki

Laura Basuki yaiku artis wedok saka Jakarta kang lair ing Berlin tanggal 9 Januari 1988. Dheweke tau sekolah ing Universitas Atmajaya. Laura Basuki duweni bobot awak 50 kg lan dhuwure 174 cm. [1]

Laura Basuki mulai main film ing film Gara-Gara Bola ing taun 2008. Ing film kang diprodhuseri dening Nia Danata iku, Laura Basuki dadi bocah bandar judi bola kang lenjeh, wani, tomboi, uga manja. Unike, ing film iku Laura dituntut ambung-ambungan karo lawan maine, yaiku Herjunot Ali. Amarga profesionalisme, Laura ora nolak tuntutan iku. Amarga film iku, dheweke langsung entuk pahargyan ing ajang Indonesian Movie Awards minangka aktris anyar paling disenengi dening penontot lan juri. Sadurungen main film, Laura Basuki uga tau main ing iklan, kayata Shinzui, Coca Cola, lan Clean & Clear.

Jan-jane Laura kalebu wong wadon kang menengan lan isinan. Nanging sifate rada owah sithik nalika dheweke mulai mlebu ing modelling lewat sekolah modelling intensif kang dipeloni nalika preinan sekolah. Ora dinyana, sawise rampung sekolah, Laura ditawari Biyan dadi modhel busana. Saka iku, tawaran ing jagad hiburan mulai akeh. Dheweke banjur ditawari kasting kanggo filme Nia Dinata. Ing film iku, karakter kang dimainake beda adoh karo watake kang asli. Dheweke dituntut dadi wong wedok kang ngrokok lan seneng mendem. Ing taun 2010, Laura didhapuk dadi presenter musik Dahsyat bareng Raffi Ahmad, Luna Maya, lan Olga Syahputra. Ing acara iku, Laura kudu tanpil kenes lan koplak.

Prestasi kang bisa dientukake dening Laura Basuki yaiku ing ajang Festival Film Indonesia 2010 minangka Pemeran Utama Wanita Terbaik lewat film 3 Hati 2 Dunia 1 Cinta.

Laura Basuki nikah karo Leo Satrya Sandjaya ing tanggal 25 Juni 2011 ing Gereja Reformed Injili, Kemayoran, Jakarta. [2][3]

Chatetan suku[sunting | sunting sumber]

  1. ^ (id)selebriti.kapanlagi.com Laura Basuki (diundhuh tanggal 20 Juli 2011)
  2. ^ (id)hot.detik.com Laura Basuki resmi dadi garwane Leo Sanjaya (diundhuh tanggal 20 Juli 2011)
  3. ^ (id)celebrity.okezone.com Laura Basuki dinikahi pengusaha ing hotel mewah (diundhuh tanggal 20 Juli 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Laura_Basuki&oldid=831279"