Labu air

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Labu air
Woh enom labu air
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Cucurbitales
kulawarga: Cucurbitaceae
Genus: Lagenaria
Species: L. siceraria
Jeneng binomial
Lagenaria siceraria
(Molina) Standl.
Sinonim

Lagenaria leucantha
Cucurbita leucantha
C. siceraria
C. longa
C. lagenaria

Lagenaria siceraria var peregrina

Labu air utawi labu sayur (Lagenaria siceraria) inggih punika salah satunggaling jinis labu ingkang wohinpun ingkang taksih enèm saged dipunjangan lan wohipun ingkang sampun tua saged dipudadosaken wadhah toya, tabung, kanthong hias, utawi dados koteka. Labu air taksih setunggal kulawarga kaliyan beligo lan raosipun inggih meh sami. Dene wujud fisik wohipun inggih maneka warna, saking ingkang wujudipun bunder ngantos dawa lonjong. Tanduran punika dipunmangertosi minangka salah satunggaling tanduran ingkang dipunbudidaya ingkang sampun tua, ananging tanduran punika dipuntandur sanes kanggé bahan dhaharan ananging dipunginakaken kanggé prabot rumah tangga. Amargi wujudipun punika, mila prabot laboratorium ingkang wujudipun meh sami kados woh labu air punika mila prabot punika ugi dipunsebat labu, kados ta labu ukur lan labu Erlenmeyer.

Asal lan Pangrembakanipun[sunting | sunting sumber]

Tanduran labu air punika kalebet tanduran holtikultura ingkang saged tuwuh wonten ing dhaerah tropis saha subtropis, lan sak punika tiyang kathah ingkang pitados bilih asalipun tanduran punika lan pangrembakanipun dipunwiwiti saking Afrika Selatan. [1] Tanduran Labu air punika sampun dipunbudidaya wonten ing Asia, Eropa, lan Amerika lan sampun ewunan taun wonten saderengipun Christophr Columbus manggihaken benua Amerika.

Titikanipun[sunting | sunting sumber]

Kados anggota sanesipun saking kulawarga cucurbitaceae, labu air ugi ngewrat kandhungan cucurbitacin ingkang misuwur dados o be cytotoxic. Kandhungan tetracyclic triterpenoid cucurbitacins kamot wonten ing woh- owhan ugi janganan ing kulawarga timun kanthi raosipun ingkang radi pait, lan saged damel sakit padharanipun. Lan ingkang paling temenan saged damel tiyang seda amargi ngunuk jus labu punika. [2][3] [4]

Pigunanipun[sunting | sunting sumber]

Karibia[sunting | sunting sumber]

Ing Karibia, labu air asring dipunginakaken kangge prabot rumah tangga, kados ta kangge cangkir, mangkok, utawi baskom lan sedaya prabot ingkang wujudipun nglengkung. Piranti punika ugi saged dipunginakaken kangge wadhah toya, utawi saged dipunginakaken kangge mbeto barang- barang sanesipun. Ing saperangan negara ing Pulo Karibia, labu air dipunginakaken kangge makarya, nglukis, saha ndhekor tas utawi barang sanesipun ingkang sampun dipungambari lan dipunsade kangge para turis. Ing Jamaika, labu air ugi dipunginakaken kangge prabot rumah tangga ingkang nggambaraken gesang ingkang sehat, kados ta kangge cangkir, mangkok, utawi teko.

Afrika[sunting | sunting sumber]

Ing Afrika, labu air ingkang ugi dipunsebat nkalu ing Kikongo dipunginakaken kangge nglumpukaken saha kangge nyimpen arak mliginipun ing Propinsi Bandudu, Republik Kongo. Ing dhaerah Afrika Barat, labu air aring dipunbolongi lan dipunginakaken kangge prabot khas rumah tangga kangge ngresiki wos, mbeto toya utawi kangge wadhah dhaharan. Dene kangge ukuran ingkang alit dipundinakaken kangge mangkok kangge ngunjuk tuak.

Cathetan Suku[sunting | sunting sumber]

  1. ^ Discovery and genetic assessment of wild bottle gourd [ Lagenaria siceraria (Mol.) Standley, Cucurbitaceae from Zimbabwe]. mbe.oxfordjournals.org – Economic Botany 58. 2004. pp. 501–508. http://mbe.oxfordjournals.org/cgi/content/full/23/5/893.
  2. ^ Adhyaru-Majithia, Priya. "Not all bitter veggies are good, they can kill you: Doctors", Bhaskar Group, 27 January 2013. diaksès tanggal 27 January 2013. Archived from the original on 27 January 2013. 
  3. ^ Chandra, Neetu. "Toxin in lauki kills diabetic city scientist", Living Media, 27 January 2013. diaksès tanggal 27 January 2013. Archived from the original on 27 January 2013. 
  4. ^ "Bitter 'lauki' juice can kill you", Living Media, 27 January 2013. diaksès tanggal 27 January 2013. 
Deleng Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Labu_air&oldid=877328"