Kutikula tanduran

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Godhong tanduran herba duweni kutikula kanggo ngrendhetake kelangane banyu

Kutikula tanduran yaiku lapisan palindung ing sekabehing sistem tajuk (bageyan tanduran kang ana ing dhuwur lemah) tanduran herba kang duweni fungsi kanggo ngrendhetake kelangane banyu saka godhong, watang, kembang, woh, lan wiji.[1] Tanpa lapisan pelindung iki, transpirasi (ilange uap banyu lumantar lumahing tanduran) ing meh kabeh tanduran kalaksanan kanti cepat banget saengga tanduran bakal mati.[1] Kutikula minangka perlindungan marang pirang-pirang patogen tanduran lan marang karusakan cilik mekanis.[1][2] Kutikula uga wigati ing pertanian amarga sipate kang nolak bisa digunakake ing pirang-pirang semprotan kang ngandhut fungisida, herbisida, insektisida, utawa zat pengatur urip.[1] Amarga sifat hidrofobik (nolak banyu) kutikula, akeh-akehe formulasi semprotan ngandhut deterjen kanggo mudhunake tegangan lumahing banyu saengga butir semprotan nyebar ing lumahing godhong.[1]

Akeh-akehe kutikula kasusun saka campuran pirang-pirang macem komponen kang sinebut kutin dene sisane ngandhut lilin lapisan panutup lan polisakarida pektin kang nemplek ing dinding sel].[1] Kutin minangka polimer heterogen kang kasusun saka utamane pirang-pirang kombinasi anggota rong klompok asam lemak, kang siji duweni 16 karbon] lan kang sijine duweni 18 karbon.[1] Lilin kutikula ngemot hidrokarbon rante dawa kang uga duweni sithik oksigen.[1] Akeh lilin kang ngandhut asam lemak rante dawa teresterifikasi kanthi alkohol monohidrat rante dhawa, nanging lilin uga ngandhut alkohol, aldehida, lan keton rante dhawa bebas.[1]

Delengen uga[sunting | sunting sumber]

Cathetan suku[sunting | sunting sumber]

  1. ^ a b c d e f g h i Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:139-140. ISBN 979-8591-27-5
  2. ^ (en) Kolattukudy PE. 1987. Lipid-derived defensive polymers and waxes and their role in plant-microbe interaction. dalam Stumpf (editor). The Metbolism, Structure and Function of Plant Lipids. New York & London:Plenum Press. Hal:291-314.
Sumber artikel punika saking kaca situs web: "http://jv.wikipedia.org/w/index.php?title=Kutikula_tanduran&oldid=833171"