Kursi rodha

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Kursi Rodha

Kursi Rodha yaiku sawijining piranti sing digunakaké kanggo wong sing ngalami kangélan mlaku migunakaké sikil, mbuh kuwi amarga penyakit, cedera, utawa cacat. Piranti iki bisa diobahaké kanthi disurung wong liya, diobahaké tangan, utawa nganggo mesin otomatis. Kursi rodha digunakaké sing kapisan ana Inggris, kacathet taun 1670-an [1].

Sejarah Kursi Rodha[sunting | sunting sumber]

Bukti menawa evolusi cara mukir manungsa bisa ngrampungi kawatesan fisik manungsa wis ditrepaké nganggo èneké siji panemuan barang kanggo mbiyantu manungsa mlaku yaiku kursi rodha. Kursi rodha ing wektu dadiné bentuké gagasan miturut fungsiné wés ketok saka taun 4000 sadurungé masèhi. Yaiku ing dataran Mediterania daérah Basin bagian étan sing diduga dadi cikal bakal ditemokaké kursi rodha [2].

Sebagian wong nganggep panemuan iku dudu penemuan kursi rodha lan wong-wong pada nduwé anggepan deweé menawa kuwi namung panemuan babagan siji furnitur sing gerak. Menawa dioncèki luweh adoh menèh, kita samestiné ngakoni panemuan ing Mediterania iki dadi wiwitan eneké gagasan dasar saka kursi rodha. Panemuan babagan ndelèh rodha ing ngisor salah sijining barang émang ora fénomenal kanggo pikiran manungsa, namung menawa dibayangkaké panemuan iku enèké ing jaman sing adoh banget saka salah sijiné ilmu pengetahuan. Mlaku saka pemikirané masyarakat Mediterania iki, kursi rodha dadi perkara sing anyar kanggo peradabané manungsa lan wiwit modifikasiné kagunaan saka furnitur sing dikompliti nganggo rodha [2].

Perkembangané kursi rodha wiwit ketok ing dataran Mediterania iki terus dilanjutaké saka jaman tumuju jaman. Kanggo sing bakal dijelasaké ènèng kéné yaiku kalanjutan perkembangané ing donya saka pirang-pirang anggepan sing umum [2].

Jinise kursi rodha[sunting | sunting sumber]

Ana macem-macem jinise kursi rodha sing biasane digunakake yaiku:

Kursi rodha manual[sunting | sunting sumber]

yaiku kursi rodha sing digerakaké nganggo tangané sing panyandang cacat, kursi rodha iki biasané digunakaké kanggo kabèh kegiyatan. Kursi rodha manual bisa dioperasekaké nganggo bantuan dinggo wong liya utawa saka penggunané déwé. Kursi rodha kaya iki ora bisa dioperasekaké saka panyandang cacat sing nduweni kacacatan ana tangan uga. Kursi rodha manual sing ana ing Indonesia ana sing gawéan lokal lan ana kursi rodha import [1].

Kursi rodha listrik[sunting | sunting sumber]

Yaiku kursi roda sing digerakaké nganggo motor listrik, biasané digunakake ing wektu perjalanan sing adoh kanggo panyandang cacat utawa panyandang cacat ganda saingga ora mampu nglakokaké déwé kursi rodha, kanggo nglakokaké kursi rodha, cukup nganggo tuas kaya joystick kanggo nglakokaké maju, ngubah arah kursi rodha belok ngiwa utawa belok tengen lan kanggo ngerém mlakune kursi rodha. Biasané kursi rodha listrik dikompliti nganggo alat kanggo ngecas/ngisi ulang aki/batu batreiné sing bisa langsung dilebokaké ing stop kontak ing griyo/bangunan sing ditekani [1].

Kursi rodha kanggo sport[sunting | sunting sumber]

Kursi rodha kanggo balapan

Kursi rodha manual kanggo kegiyatan olah raga, ing balapan kursi rodha sing direncanakaké kanthi mlaku sing cepet dibutuhaké usaha kanggo ningkataké keajegan migunakake tambahan 1 rodha ing ngarep kaya trike (sepeda rodha telu). Sawijining perangkat sing umum ditemokaké ing acara olah raga/olimpiade kanggo panyandang cacat [1].

Fasilitas kanggo pangguna kursi rodha[sunting | sunting sumber]

Antarané fasititas umum sing wajib dikompliti nganggo aksesibilitas kanggo pangguna kursi rodha yaiku:

  • Trotoar sing dikompliti undak-undakan ing saben simpangan nganggo dalan utawa aksès bangunan.
  • Undakan kanggo mlebu gedung,
  • Lift khusus ing bangunan tingkat sing dikompliti eskalator
  • Angkutan umum nganggo lantai sing endèk (low floor)
  • Fasilitas parkir mobil sing khusus kanggo panyandang cacat [1].


Cathetan suku[sunting | sunting sumber]

  1. ^ a b c d e (id)http://id.wikipedia.org/wiki/Kursi_roda(dipununduh tanggal 4 Juli 2012)
  2. ^ a b c (id)http://www.berbagaihal.com/2011/04/berbagai-hal-tentang-kursi-roda.html(dipununduh tanggal 4 Juli 2012)
Sumber artikel punika saking kaca situs web: "http://jv.wikipedia.org/w/index.php?title=Kursi_rodha&oldid=833760"