Kuntowijoyo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kuntowijoyo
Kuntowijoyo.jpg
Lair 18 September 1943
Sanden, Bantul, Yogyakarta
Tilar donya 22 Februari 2005
Yogyakarta
Pegawéyan Sastrawan, Sejarawan, Dosen
Kabangsan Indonesia
Kawarganegaran Yogyakarta
Téma Cerpen, Sejarah
Bebungah Majelis Sastra Asia Tenggara

Prof. Dr. Kuntowijoyo (ugi saged kaserat Kuntowidjojo ingkang miyos wonten ing Sanden, Bantul, Yogyakarta, 18 September 1943 lan seda ing tanggal 22 Februari 2005 inggih minangka salah satunggaling sastrawan, budayawan, saha sejarawan Indonesia ingkang misuwur. [1]

Biografi[sunting | sunting sumber]

Kuntowijoyo ngrampunaen pendhidhikan formal wonten ing Madrasah Ibtidaiyah ing Ngawonggo, Klaten. Lajeng piyambakipun nerasaken sekolah SMP ing Klaten, saha nerasaken SMA ing [Surakarta|Solo]], saderengipun lulus sarjana Sejarah wonten ing Univeritas Gadjah Mada ing taun 1969. Piyambakipun pikantuk gelar MA American History saking Universitas Connecticut, Amerika Serikat ing taun 1974,saha Ph.D Ilmu Sejarah saking Universitas Columbia ing taun 1980. Piyambakipun lajeng mucal dadosdosen ing Fakultas Sastra Universitas Gadjah Mada saha ingkang pungkasan ing gesangipun, piyambakipun dados Guru Besar Fakultas Ilmu Budaya, saha dados panaliti senior ing Pusat Studi dan Penelitian Kependudukan Universitas Gadjah Mada, Yogyakarta. [2] Kuntoijoyo séda amargi gadhah penyait komplikasi kados ta sesek napas, diare, saha ginjal ingkang dipunjalari amargi sampun pinten- pinten taun kenging serangan virus meningo enchephalitis. Piyambakipun nilar setunggal garwa saha kalih putra.

Asiling Karya[sunting | sunting sumber]

Kuntowijaya wiwitan nyerat cerita pendek, drama, esai, saha roman wiwit sekolah SMA. Lajeng nembé nalika piyambakipun kuliah ing Amerika Serikat, piyambakipun saged nyerat sajak, saha kalih kempalan puisi kanthi irah – irahan Isyarat (1976) saha Suluk Awang Uwung (1976). [3] Cerkakipun kapacak wonten ing majalah ''Horison'', harian ''Kompas'', saha kapilih dados cerpen paling saé harian Kompas, inggih punika Laki-laki yang Kawin dengan Peri (1994), Sampan Asmara saha Pistol Perdamaian (1995). Seratanipun ingkang arupi esai ugi kathah ingkang kapacak wonten ing koran.

  • Kereta yang Berangkat Pagi Hari novel (1966)
  • Rumput Danau Bento drama (1969) pikantuk Hadiah Harapan Sayembara Penulisan Lakon Badan Pembina Teater Nasional Indonesia tahun 1976
  • Tidak Ada Waktu Bagi Nyonya Fatma drama (1972)
  • Barda dan Cartas drama (1972)
  • Topeng Kayu drama (1973)
  • Khotbah di Atas Bukit novel (1976)
  • Impian Amerika novel (1998)
  • Hampir Sebuah Subversi kumpulan cerpen (1999)

Penghargaan[sunting | sunting sumber]

Sapérangan penghargaan ingkang sampun naté dipuntampi inggih saking cerpen Dilarang Mencintai Bunga-Bunga dramanipun ingkang irah - irahanipun Tidak Ada Waktu bagi Nyonya Fatma, Barda dan Cartas (1972) saha Topeng Kayu pikantuk jawara wonten ing sayembara Penulisan Lakon Dewan Kesenian Jakarta 1972 saha 1973, inggih punika Hadiah Harapan saha Hadiah Kedua. Novelipun Pasar pikantuk hadiah wonten ing Sayembara Mengarang Roman Panitian Tahun Buku Internasional DKI 1972 (terbit dados buku taun 1994). Taun 1986 piyambakipun pikantuk hadiah Seni saking Pemerintah Daerah Istimewa Yogyakarta. Tahun 1999 piyambakipun nampi SEA Write Award dari kerajaan Thailand. [4] Piyambakipun ugi pikantuk penghrgaan saking Pusat Pembinaan dan Pengembangan Bahasa Indonesia (1999), saha Majelis Sastra Asia Tenggara (Mastera) saking novel Mantra Penjinak Ular (2001). [5]

Cathetan Suku[sunting | sunting sumber]

  1. ^ (id) Biografi Kuntowijoyo, dipunundhuh tanggal 21 Januari 2013)
  2. ^ (id) Profil di Tokoh Indonesia Kuntowijoyo (dipunundhuh tanggal 21 Januari 2013)
  3. ^ (id) Rosidi, Ajip. Laut Biru Langit Biru. Pustaka Jaya, 1977, Jakarta. Kaca 543
  4. ^ (id) Buku Pintar Sastra Indonesia. Jakarta: Penerbit Buku Kompas. 2001. ISBN 9799251788. kaca 128
  5. ^ (id) Rampan, Korrie. Leksikon Sastra Indonesia. Balai Pustaka, 2000, Jakarta. kaca 251
Sumber artikel punika saking kaca situs web: "http://jv.wikipedia.org/w/index.php?title=Kuntowijoyo&oldid=835956"