Kung Fu Panda (film)

Saka Wikipédia Jawa, bauwarna mardika basa Jawa
Kung Fu Panda
DisutradaraniMark Osborne
John Stevenson
DiprodhuseriMelissa Cobb
Ditulis déningJonathan Aibel
Glenn Berger
DibintangiJack Black
Dustin Hoffman
Angelina Jolie
Lucy Liu
Seth Rogen
David Cross
Ian McShane
Jackie Chan
DimusikiHans Zimmer
John Powell
SinématografiYong Duk Jhun
Dibabar déningDreamWorks Animation
Paramount Pictures
Tanggal metu
Amérika Utara:
6 Juni 2008
Ostrali:
26 Juni 2008
Karajan Manunggal:
4 Juli 2008
Suwéné
91 menit
BasaInggris
Rantaman130 juta dolar AS[1]
KalarisanDomestik:
210.495.000 dolar AS
Dunia:
526.273.783 dolar AS

Kung Fu Panda,ya iku salah sawijiné filem animasi Amérikah Sarékat kang dirilis ing tanggal 6 Juni 2008. Film iki disutradarai déning Mark Osborne lan John Stevenson lan diprodhuksi déning Dream Work Animation. Sing ngisi swara ing filem animasi iki ya iku Jack Black, Dustin Hoffman, Angelina Jolie, Lucy Liu, Seth Rogen, David Cross, Ian McShane, lan Jackie Chan.[2]

Kung Fu Panda

Dalan Carita[besut | besut sumber]

Carita iki diwiwiti ing salah sawijiné panggènan ya iku Valley of Peace, lemah gawéan ing Cina \bkuna\b kang dipanggoni kéwan antropomorfik. Po (Jack Black), pawongan Panda kang gendhut kikuk, ya iku maniak kung fu kang ngidholakaké Furious Five - Tigress (Angelina Jolie), Monkey (Jackie Chan), Mantis (Seth Rogen), Viper (Lucy Liu), lan Crane (David Cross), salah sawijiné grup kung fu kang dilatih déning Master Shifu (Dustin Hoffman kanggo nglindhungi Valley of Peace. Amarga dhèwèké makarya ing warung mangan mi duwéké bapaké ya iku Ping (James Hong, Po ora bisa nggayuh cita - citané dadi master kung fu.

Ing salah sawijiné dina, mentor Shifu, Master Oogway (Randall Duk Kim, duwé firasat yèn mantan murid Master Shifu ya iku Tai Lung (Ian McShane, arep lumayu saka kunjara lunga menyang Valley of Peace kanggo balas dendam lan njupuk Dragon Scroll (kang duwé kekuwatan kang ora winates). Shifu ngadani turnamen kung fu kanggo Furious Five supaya Oogway kang bisa nunjuk sapa kang dadi Legendary Dragon Warrior, salah sawijiné master kung fu kang patut olèh Dragon Scroll lan bisa ngalahaké Tai Lung. Dipeksa bapaké, Po gawa gerobak mi né menyang panggonan turnamen. Amarga wis ditutup, Po tetp nekat lumebu kanthi cara nalèni awaké ing kembang api supaya bisa mabur tekan panggonan turnamen. Po tiba ing tengah panggonan turnamen nalika Oogway lagi nunjuk sapa kang bakal dadi Dragon Warrior. Oogway nunjuk Po, lan ngagètaké kabèh penonton lan Master Shifu.

Master Shifu tetep ora percaya yèn Po bisa dadi Dragon Warrior, mula dhèwèké ora gelem nglatih Po, lan terus ngenyèk amarga Po ora duwé tèhnik lan dhasar kung fu. Nanging Oogway tetep njurung Po kanggo tetep latihan. Weruh yèn Tai Lung wis kabur saka kunjara, Master Shifu gelem nglatih Po. Nanging Po tetep waé kuwalahen lan durung bisa. Master Shifu golèk kepiyé carané nggawé Po supaya bisa kung fu, ya iku nganggo panganan, amarga Po senengané mangan.

Nalika Furious Five dikongkon kanggo nglawan Tai Lung dhéwékan lan nyegah supaya ora tekan Pura Jade. Po olèh Dragon Scroll saka Shifu, nanging wanci dibuka, Dragon Scroll ora ana tulisan apa - apa. Po kuciwa jebul Dragon Scroll mau ora ana tulisané. Dhèwèké lunga marani bapaké. Bapaké ngomong yèn rahasia mi né kang énak iku ora ana, ora ana bahan rahasia. Ngerti konsèp iki padha karo Dragon Scrool, Po mbalik menyang Pura Jade kanggo nglawan Tai Lung kang wis tekan kono lan arep matèni Shifu. Tai Lung bisa ngerbut Dragon Scroll lan nesu amarga ora ana tulisané, dhèwèké ora mudheng konsèpé. Ing pungkasan Po bisa ngalahaké Tai Lung nganggo aji - aji Wuxi Finger Hold. Po olèh pujian saka warga lan olèh pakurmatan saka Furious five Po minangka master kung fu kang sajati.[3]

Ingkang maragani[besut | besut sumber]

Aktor Swara minangka Kéwan
Jack Black Po Panda raksasa
Dustin Hoffman Master Shifu Panda abang
Angelina Jolie Tigress Harimau
Jackie Chan Monkey Golden Langur
Lucy Liu Viper Green Tree Viper
David Cross Crane Red-crowned Crane
Seth Rogen Mantis Walang Kadung
Ian McShane Tai Lung Macan tutul salju
Dan Fogler Zeng Banyak
Randall Duk Kim Grand Master Oogway Kura-kura
James Hong Mr. Ping Banyak
Michael Clarke Duncan Commander Vachir Warak jawa

Cathetan sikil[besut | besut sumber]

  1. "Kung Fu Panda". The Numbers. Dibukak ing 2008-06-11.
  2. Fu Panda.htm[pranala mati permanèn](dipunundhuh tanggal 17 November 2012)
  3. Fu Panda.htm[pranala mati permanèn](dipunundhuh tanggal 17 November 2012)

Pranala njaba[besut | besut sumber]