Kuil Bulguk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Seokguram Grotto and Bulguksa*
Situs Warisan Donya UNESCO

Korea-Gyeongju-Bulguksa-12.jpg
Negara #Alih Cithakan:Gendéra Koréa Kidul
Tipe Kultural
Kriteria i, iv
Referensi 736
Wilayah Asia-Pasifik
Sajarah prasasti
Prasasti resmi 1995  (Sèsi Ke-19)
* Jeneng resmi jroning Daftar Warisan Donya.
Miturut klasifikasi resmi UNESCO.

'Bulguksa utawi Kuil Bulguk (佛國寺; "Kuil Negeri Buddha") inggih menika kuil Buddha utami saking Sekte Jogye. Bulguksa mapan wonten ing Gyeongju, Provinsi Gyeongsang Kidul, Korea Selatan. Kuil menika wigati sanget amargi kalebet situs tilaran sejarah wiwit saking zaman kerajaan Silla, serta nyimpen 7 harta nasional Korea Selatan ingkang tasih saé. Bulguksa dipundamel kategori minangka Situs Bersejarah dan Indah No.1 déning pamaréntah Korea Selatan.[1] Sareng kalihan Seokguram, papan ziarah ing Gunung Toham, Bukguksa dados Situs Warisan Donya UNESCO nalika taun 1995.[2]

Kuil Bulguk jumeneng nalika taun 751 nalika masa pamaréntahan Gyeongdeok saking Kerajaan Silla déné pambangunanipun dipunkonstruksi déning perdana menteri Kim Daeseong. Pambangunan kasebut rampung nalika taun 774 bibar sédanipun Kim lajeng dipunparingi nama Bulguksa. Kuil Bulguk naté dipunrenovasi nalika zaman Goryeo lan wiwitan Dinasti Joseon. Ananging nalika masa Invasi Jepang taun 1592-1598 kuil menika kenging kerisakan. Rekonstruksi malih dipunwontenaken kaping 40 antawisipun taun 1604 dumugi aun 1805. Renovasi ugi dipunwontenaken nalika zaman penjajahan Jepang ananging wonten saperangan kuil ingkang miturut kabar ical amargi risak. Restorasi bibar Perang Dunia II lan Perang Korea dipunlampahi nalika taun 1966. Lan nembé ing antawisipun taun 1969 lan 1973, almarhum Presiden Park Chung Hee gadhah usaha kanggé restorasi kanthi ageng dumugi strukturipun kados ingkang wonten samenika. Bagéyan-bagéyan pagoda watu dipunkonduraken kados rumiyinipun. Kuil menika mapan wonten ing ngandhap Gunung Toham lan samenika dados kuil utami distrik kaping 11 saking Sekte Jogye.

Struktur[sunting | sunting sumber]

Gerbang mlebet dhateng kuil menika Sokgyemun. Gerbang Sokgye lan tangga watu tumuju kuil menika arsitektur ingkang dados bagéyan saking harta nasional nomor 23. Tangga ngandhap dipunsebat Cheong-ungyo ("Kreteg Awan Biru"), dawanipun 6,3 meter kanthi gunggung 17 pidakan. Krerteg nginggil dipunsebat Baek-ungyo ("Kreteg Awan Putih"), dawanipun 6,3 meter lan gunggungipun pidakan menika wonten 16. Pidakan kalih kreteg menika 33 pidakan minangka lambang 33 tahap pancerahan wonten ing ajaran Buddha. Kreteg menika madep ing lawang Gerbang Jaha.

Bulguksa gadhah kalih pagoda watu, Seokgatab lan Dabotab. Seokgatab dipunsebat ugi kalihan "Pagoda Sakyamuni" mawi 3 tingkap, dhuwuripun 8,2 meter. Arsitektur Seokgatab langkung prasaja tinimbang Dabotab amargi boten kathah ukiran. Pagoda kados menika kalebet tipikal pagoda ing sapérangan ageng kuil Buddha ing Korea, ananging bénten kalihan Dabotab ingkang dados satunggaling pagoda ing Korea ingkang mawi arsitektur kathah ornamènipun. Dabotab utawi "Pagoda mawi kathah kasugihan (harta)" dhuwuripun 10,4 meter. Kalih pagoda menika kalebet harta nasional angka 20 lan 21.

Galeri[sunting | sunting sumber]

Pirsani ugi[sunting | sunting sumber]

Cathetan suku[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Kuil Bulguk ing Wikimedia Commons.

Cithakan:World Heritage Sites in the Republic of Korea

Sumber artikel punika saking kaca situs web: "http://jv.wikipedia.org/w/index.php?title=Kuil_Bulguk&oldid=837039"