Kopi tubruk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kopi tubruk di Jakarta.

Kopi tubruk iku ombènan kopi saka Indonesia sing digawé kanthi ngumobaké bubuk kopi bebarengan karo banyu lan gula.[1] Kopi iki nduwèni kamèmperan karo kopi saka Turki lan Yunani ing babagan kabuketané.[1] Kopi tubruk cukup populèr ing Pulo Jawa lan Bali.[1] Resep saka kopi tubruk iki digawa déning pedagang saka Wétan Tengah menyang Indonésia.[2] Ing Wétan Tengah, kopi tubruk iki dikenal minangka "kopi lumpur.[2] Kopi tubruk minangka cara gawé wédang kopi sing paling gampang.[2] Variasi liya saka kopi tubruk yaiku kopi susu sing digawé kanthi nambahaké susu kenthel legi.[2] Salah siji variasi sing kurang misuwur yaiku sing dicampur nganggo jus alpukat.[2] Kopi tubruk iki umumé diombé bebarengan karo mangan gedhang gorèng.[2] Bab utama sing kudu digatèkaké nalika gawé kopi tubruk yaiku banyu kudu bener-bener panas amarga yèn ora bakal ana bubuk utawa wiji kopi sing kasisa.[2]

Deleng uga[sunting | sunting sumber]

Rujukan[sunting | sunting sumber]

  1. ^ a b c (en) Types Of Coffee – Coffee Varieties II, Talk About Coffee. Diaksès 5 Juni 2010.
  2. ^ a b c d e f g (en) Kopi Tubruk - Mud Coffee, “Indonesialogue. Diaksès 10 Juni 2010.

Pranala jaba[sunting | sunting sumber]

Logo Wikimedia Commons
Pirsani galeri bab Kopi tubruk ing Wikimedia Commons.

Cithakan:Ombènan-stub

Sumber artikel punika saking kaca situs web: "http://jv.wikipedia.org/w/index.php?title=Kopi_tubruk&oldid=829974"