Konosuke Matsushita

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar:Konosuke Matsushita's Statues.jpg
Patung Konosuke Matsushita

Konosuke Matsushita (lair 27 November 1894 – tilar donya 27 April 1989 kanthi umur94 taun) yaiku wong kang ngedegaké Panasonic nganti dadi sawijining parusahan gedhé nganti sapréné.[1] Matsushita lair ing kulawarga prasaja desa Wasa, Jepang, tanggal 27 Nopember 1894.[1] Nalika dhiwasa, dhèwèké dadi sawijining wong kang katutup lan rada lara-laranen, mula ndadèkaké mangsa ngarepé dadi ora cetha.[1] Kaya-kaya dhèwèké ditakdiraké urip kang kebak perjuangan.[1] Nalika umur sangang taun, dhèwèké nyambut gawé ing toko sepedha kanggo mbantu kulawargané.[1]

Jeneng perusahané yaiku Panasonic Corporation, déné jeneng sadurungé yaiku Matsushita Electric Industrial Co.

Kelairan[sunting | sunting sumber]

Konosuke Matsushita lair tanggal 27 November 1894, ing sawijining désa mencil kira-kira limang menit yèn ditempuh kanthi mlaku saka Senda, stasiun sepur tanpa panjaga ing jalur JR Wakayama (Negi, Prefektur Wakayama). Bapaké, ya iku Masakusu lan ibuné Tokue sayang banget lan ngugung anaké sing siji iki, ya iku siji saka wolung seduluran, wolu anak lanang lan lima anak wadon. Jeneng kulawargané Matsushita, nduwèni teges "ing ngisor wit pinus", jaréné amarga omahe ing ngisor wit pinus gedhe kang umure 800 taun. Minangka wong kang duwe sawah pertanian kang mung cilik, kulawargané mau kagolong kelas dhuwuran ing masarakat. Nalika isih cilik, dhèwèké rumangsa tentrem lan nyenengaké, nanging kabèh mau ora kalaksanan kanthi suwé.

Patang taun kang wiwitan - Pungkasane Mangsa Tenang (1899)[sunting | sunting sumber]

Amarga sawah tetanèné digarap dening petani séwan, bapaké Masakusu nggunakaké wektune kang akèh kanggo pulitik lan aktifitas pamaréntahan lokal. Dhèwèké iku tipe wong kang seneng nganakake panaliten kang isih nayar lan beda, kalebu berspekulasi ing pasar beras, kang nalika kuwi njanjeni untung kanti cepet lan wis mesthi. Nanging Masakusu ora duwe kawruh akeh ngenani investasi kang apik mula dheweke dadi rugi lan pungkasane bangkrut. Kulawargane kepeksa ngedol lemah lan omah kang wis diwarisake turun menurun mau lan kudu ninggalake desa kanggo nyambut gawe ing kutha kang cedhak, yaiku Wakayama. Kanthi sisa dhuwit sithik mau sawisé bayar utang lan panulungé kancané, Masakusu mbuka toko bakiak kayu. Nanging usaha mau amblas rong taun candhaké. Ing taun 1902, dhèwèké lunga ing Osaka saperlu nyambut gawé ing sekolah swasta kang lagi dibuka kanggo anak-anak tuna netra lan tuna grahita. [1]

Cathetan suku[sunting | sunting sumber]

Temokna informasi luwih akèh ing Konosuke Matsushita kanthi nggolèki ing proyèk kagandhèng Wikipedia
Wiktionary-logo-en.png Dictionary definitions saka Wiktionary
Wikibooks-logo.svg Textbooks saka Wikibooks
Wikiquote-logo.svg Quotations saka Wikiquote
Wikisource-logo.svg Source texts saka Wikisource
Commons-logo.svg Images and media saka Commons
Wikinews-logo.svg News stories saka Wikinews
Wikiversity-logo-en.svg Learning resources saka Wikiversity
  1. ^ a b c d e f [1]