Konjaku Monogatarishū

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Konjaku Monogatarishū

Konjaku Monogatarishū (今昔物語集? Kempalan cariyos kala rumiyin) utawi Konjaku Monogatari inggih menika kempalan cariyos ingkang kinten-kinten kapungkasan dipunserat wonten ing Jepang ing pungkasan zaman Heian. Irah-irahan buku asalipun saking ukara pambuka cariyos ingkang kathahipun kawiwitankanthi tembung "Konjaku" dipunwaos "Ima wa mukashi" (今昔, 今ハ昔? ing masa lampau). Saderengipun abad kaping 19, irah-irahan buku menika boten dipunwaos minangka Konjaku Monogatari, ananging Imawamukashi no Monogatari.

Isinipun langkung saking sewu irah-irahan cariyos saking tigang negara, India, Tiongkok, lan Jepang. Sedaya wonten 31 volume ingkang boten jangkep amargi volume 8, 18, lan 21 boten wonten. Miturut prakiraan, volume ingkang boten wonten menika boten amargi ical utawi risak sasampunipun kaserat, ananging amargi dèrèng rampung dipunserat. Kejawi menika, wonten ukara lan tembung ing buku menika ingkang boten jangkep. Penganggit zaman modern asring mendhet idé cariyos saking Konjaku Monogatari. Ing antawisipun Ryūnosuke Akutagawa kalihan cerita cekak Rashomon lan Hana (Hidung).

Sajarah[sunting | sunting sumber]

Taun panyeratan lan nama pengarang ugi panyunting buku menika boten dipunmangertosi.

Taun panyeratan[sunting | sunting sumber]

Ing Konjaku Monogatarishū wonten indikasi bilih panyerat nyobi nyathet cariyos babagan Perang Zenkunen lan Perang Gosannen ingkang kalebet peranga ageng ing paruh kaping kalih abad kaping 11. Sanajan mekaten, panyeratanipun mandeg ing irah-irahan cariyos dene isinipun cariyos boten wonten. Adhedhasar karakteristik tokoh lan prastawa, , Konjaku Monogatari kinten-kinten dipunsusun sasampunipun taun 1120-an dumugi taun 1449. Literatur sanès kapisan ingkang nyebat babagan Konjaku Monogatari inggih menika buku padintenan biksu Kyōkaku mawi irah-irahan Kyōgaku Shiyōshō saking taun 1449.[1]

Prastawa wigati ingkang kedadosan wiwit tengahan dumugi pungkasan abad kaping 12 kados Pemberontakan Hōgen, Pemberontakan Heiji, lan Perang Genpei boten dipunsebat lan boten dados latar wingkingipun cariyos. Adhedhasar alesan kasebut, buku menika wiwit dipunserat nalika taun 1120-an nalika masa Kaisar Shirakawa utawi Kaisar Toba nglampahi pamaréntahan saking wingkingipun biara.

Penganggit[sunting | sunting sumber]

Dumugi samenika, nama penganggit utawi panyunting boten kepanggih. Menawi Konjaku Monogatari dipunwastani minangka edisi revisi lan pawiyaran saking Uji Dainagon Monogatari, lajeng panyeratipun inggih menika satunggaling dainagon saking Uji anama Minamoto no Takakuni. Ananging andharan bilih penganggit Konjaku Monogatari menika Minamoto no Takakuni sampun dibantah.[1] Kejawi menika, biksu saking Nanto Bokurei ugi asring dipunsebat minangka panyeratipun.

Naskah Suzuka[sunting | sunting sumber]

Perpustakaan Universitas Kyoto nyimpen naskah paling tua Konjaku Monogatarishū asalipun saking koleksi buku kulawarga Suzuka saengga dipunwastani "Naskah Suzuka" (Suzuka-bon). Perpustakaan nampi naskah kasebut minangka bebungah nalika wulan Oktober 1991.[2] Bibar restorasi rampung, Naskah Suzuka dados pusaka negara ing wulan Juni 1996.

Naskah Suzuka kagunganipun Perpustakaan Universitas Kyoto wonten 9 volume.[2] Adhedhasar asiling analisis umur kertas, naskah Suzuka kirang langkung asalipun saking zaman panyeratan Konjaku Monogatarishū, lan saged ugi naskah asli sanès salinan. Naskah-naskah Konjaku Monogatarishū sanèsipun saged ugi dipunsalin lajeng dipunsebar saking Naskah Suzuka.

Isi saben volume[sunting | sunting sumber]

Bagéyan India[sunting | sunting sumber]

Volume 1-4 isinipun cariyos piwulang agami Buddha. Volume 5 wonten cariyos babagan kadonyan ugi cariyos kala rumiyin Buddha Sakyamuni.

  • Volume 1: India (wiyosipun Sakyamuni sarta gesangipun ingkang dados mitos)
  • Volume 2: India (khotbah Buddha ingkang dipunwulangaken Sakyamuni)
  • Volume 3: India (ajaran kamanungsan miturut)
  • Volume 4: India Pasca-Buddha (kegiatan murid-murid Sakyamuni bibar Sakyamuni séda)
  • Volume 5: India Pra-Buddha (pagesangan rumiyin Sakyamuni, lan gesangipun saderengipun dados Buddha)

Bageyan Tiongkok[sunting | sunting sumber]

Volume 6 dumugi 9 menika cariyos agami Buddha

  • Volume 6: Piwulangan Buddha Tiongkok (duginipun agami Buddha ing Tiongkok lan sejarah panyebaran)
  • Volume 7: Piwulangan Buddha Tiongkok (kebajikan Mahaprajnaparamita Sutra lan Saddharma Pundarika Sutra)
  • Volume 8: boten wonten
  • Volume 9: Cariyos budi pekerti saking Tiongkok (cerita anak ingkang bakti)
  • Volume 10: Sajarah negara Tiongkok (buku sejarah Tiongkok, carita aneh kados novel)

Bageyan Jepang, subbageyan Buddhisme[sunting | sunting sumber]

  • Volume 11: Buddhisme ing Jepang (duginipun Buddhisme ing Jepang lan panyebaran)
  • Volume 12: Buddhisme ing Jepang (pratandha lan kebajikan upacara pengtan tiyang seda)
  • Volume 13: Buddhisme ing Jepang (kebijakan resitasi Saddharma Pundarika Sutra)
  • Volume 14: Buddhisme ing Jepang (carita mukjizat Saddharma Pundarika Sutra)
  • Volume 15: Buddhisme ing Jepang (carita kematian biksu)
  • Volume 16: Buddhisme ing Jepang (carita mukjizat Avalokitesvara Bodhisattva)
  • Volume 17: Buddhisme ing Jepang (carita mukjizat Ksitigarbha Bodhisattva)
  • Volume 18: boten wonten
  • Volume 19: Buddhisme ing Jepang (tiyang awam ingkang dados biksu lan seda, carita aneh)
  • Volume 20: Buddhisme ing Jepang (Tengu, dugi lan kesah dhateng/saking alam barzah, karma)

Bageyan Jepang, subbageyan carita kaduniawian[sunting | sunting sumber]

  • Volume 21 boten wonten.
  • Volume 21: boten wonten
  • Volume 22: Jepang (seri riwayat gesangipun klan Fujiwara)
  • Volume 23: Jepang (carita militer)
  • Volume 24: carita kaduniawian Jepang (carita dunia hiburan)
  • Volume 25: carita kaduniawian Jepang (carita perang lan kepahlawanan)
  • Volume 26: carita karma memedi saking Jepang
  • Volume 28: carita kaduniawian saking Jepang (cerita humor)
  • Volume 29: carita donya kriminal saking Jepang (carita perampok lan carita kewan)
  • Volume 30: carita sanesipun saking Jepang (carita mawi tembang, kisah cinta)
  • Volume 31: cerita sanesipun saking Jepang (carita aneh, bonus carita misterius)

Referensi[sunting | sunting sumber]

  1. ^ a b Furukawa Chika. "Konjaku Monogatarishū". Perpustakaan Universitas Kyoto. http://edb.kulib.kyoto-u.ac.jp/exhibit/konjaku/kjmoku01.htm. Retrieved 16 Januari.
  2. ^ a b Nagao, Makoto. "Go aisatsu". Perpustakaan Universitas Kyoto. http://edb.kulib.kyoto-u.ac.jp/exhibit/konjaku/kjaisat.htm. Retrieved 16 Januari.

Waosan salajengipun[sunting | sunting sumber]

  • Ages Ago: Thirty-Seven Tales from the Konjaku Monogatari Collection. S.W. Jones (penerjemah). Cambridge, Mass.: Harvard University Press. 1959.

Pranala njawi[sunting | sunting sumber]

Cithakan:Jmyth navbox long