Koninklijk Instituut voor Taal-, Land- en Volkenkunde

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gedhong KITLV ing Leiden
Papan panyilihan KITLV

Koninklijk Instituut voor Taal-, Land- en Volkenkunde (Jawa: "Lembaga Karaton Ngèlmu Basa, Negara lan Antropologi" lan Inggris: Royal Netherlands Institute of Southeast Asian and Caribbean Studies) iku sawijining institut ngèlmiah sing diadegaké ing taun 1851.

Panjangka institut iki yaiku panlitèn ngèlmu antropologi, basa, sosial, lan sajarah tlatah Asia Kidul-Wétan, Osénia, lan Karibia. Tlatah-tlatah iki dadi wilayah panlitèn amarga iki bekas wilayah jajahan Walanda lan uga isih bagéyan saka Karajan Walanda yaiku Indonesia, Suriname, Curaçao, Antillen Walanda, lan Aruba.

Kapustakan KITLV ing Leiden, Walanda ndarbèni kolèksi jangkep buku-buku, naskah-naskah manuskrip, lan wujud dhokumèntasi liyané.

Kalawarti misuwur sing ditrebitaké déning KITLV iku BKI (Bijdragen Koninklijk Instituut). Judhul jangkepé iku Bijdragen tot de Taal-, Land- en Volkenkunde. Kalawarti utawa jurnal ngèlmiah iki nrebitaké artikel-artikel prekara kawruh basa, antropologi lan géografi, utamané prekara Indonesia modhèrn, lan wis trebit 161 taun. Sanadyan judhul kalawarti iki mawa basa Walanda, nanging sabagéyan gedhé artikel tinulis ing basa internasional utawa basa Inggris.

Pranala jaba[sunting | sunting sumber]