Klappertaart

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Klappertaart ing Indonesia dikenal minangka kuweh khas Manado

Klappertaart yaiku panganan awujud kuweh kang mujudake panganan khas Manado. Kuweh iki digawe saka klapa, glepung, susu, mentega,lan endhog.[1] Resep bolu iki dipangaribawani saka pamarentahan kolonial Walanda nalika isih njajah ing Manado.[2] Klappertaart isine iku custard lembut kang ana irisan degane.[2] Panganan iki paling enak dipangan nalika adhem.[1] Klappertaart akeh didol ing warung makan utawa restoran-restoran kang nawakake masakan manado.[2] Klappertaart kalebu panganan kang nduwe kolesterol dhuwur.[3] Klappertaart bisa dimasak nganggo cara apa wae kayata dipanggang karo roti.[3] Klappertaart kang akeh ditemoni ing pasaran padatan klappertaart kang dipanggang. Klappertaart kang kaya mangkono digawe saka adonan glepung, maizena, mentega, endhog, sarta klapa.Yen wujude kaya mangkene, klappertaart dadi padhet kaya roti tart.[3] Saliyane klappertaart panggang, ana uga unbaked klappertaart (klappertaart kang ora dipanggang) kang teksture kaya custard.[2] Yen klappertaart kanthi wujud kaya mangkene, paling enak dipangan nalika adhem. Panganan iki aja nganti kesuwen dijarake ing njaba kulkas jalaran rasane bakal malih dadi kecut.[3] Ukuran klappertaart kang didol ing pasaran padatan koppen (cup), klein (cilik), middel (sedheng), lan Groot' (gedhe)


Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Klappertaart&oldid=832090"