Kintaro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kintaro nitih ulam koi, lukisan karyanipun Tsukioka Yoshitoshi

Kintaro (金太郎 Kintarō?) inggih menika tokoh cerita rakyat Jepang awujud laré jaler mawi tenaga ingkang super kuwat [1]. Piyambakipun kagambaraken minangka laré jaler ingkang sehat mawi ngginakaken rompi abrit kanthi seratan aksara kanji (emas). Ing tanganipun, Kintaro mbeta kapak (masakari) ingkang semendhé wonten ing pundhak. Kadang kala piyambakipun ugi kagambaraken nembé nitih beruang.

Cariyos Kintaro dipungayutaken kalihan perayaan dinten anak lanang ing Jepang. Kintaro dados tema boneka wulan gangsal (五月人形 gogatsu ningyō) ingkang dipunpajang kangge ngrayakaken dinten anak-anak. Tiyang sepuh ingkang majang boneka Kintaro gadhah kekajnegan supados anak jaleripun tuwuh kanthi sehat, kuwat an wantun kados Kintaro. Kejawi menika Kintaro asring dipungambaraken nitih ualm koi wonten ing koinobori. Cariyos Kintaro menika konon asalipun saking masa alitipun satunggaling samurai kanthi nama Sakata Kintoki (坂田公時 utawi 坂田金時?) sakingzaman Heian. Miturut legenda, ibuipun menika satunggaling Yamauba (wanita saking gunung, utawi yamamba) ingkang ngandhut amargi tumindakipun dewa petir Raijin. Cariyos sanès ngandharaken bilih ibunipun nglairaken Kintaro saking hubunganipun kalih naga abrit.

Legenda[sunting | sunting sumber]

Kintaro kalihan ibunipun, lukisan karya Kitagawa Utamaro

Miturut cathetan Kuil Kintaro ing kutha Oyama, Shizuoka, Kintaro wiyos nalika wulan 5 taun 965. Ibunipun anama, putri saking ahli ukir anama Jūbei ingkang nyambut damel wonten ing Kyoto. Kintaro menika larénipun kalihan karyawan astana anama Sakata Kurando. Bibar ngandhut, Yaegiri kondur dhateng desanipun kagem nglairaken Kintaro. Ananging lajeng boten kondur marang Kyoto malih amatgi bapakipun Kintaro sampun tilar donya. KIntaro gesang kalihan ibunipun wonten ing desanipun ing Gunung Ashigara. Kintaro tuwuh minangka anak ingkang kuwat, sopan lan bakti marang ibunipun. Nalika sampun ageng, Kintaro nglampahi gulat sumo nglawan beruang ing Gunung Ashigara.

Kintaro kepanggih kalihan Minamoto no Yorimitsu ing pucuk Gunung Ashigara nalika 28 April 976. Yorimitsu ndadosaken Kintaro pendhèrèkipun bibar mangertos kekuwatan fisik Kintaro. Namanipun gantos dados Sakata Kintoki. Piyambakipun tugas wonten ing Kyoto lan dados salah satunggal saking 4 pengawal ingkang dipunwastani kelompok Shitennō. Tiga kanca sanèsipun inggih menika Watanabe no Tsuna, Urabe no Suetake, lan Usui Sadamitsu. Kelompok Shitennō dipunsebat wonten ing literatur klasik Konjaku Monogatari ingkang terbit kirang langkung 199 taun bibar sedanipun Minamoto no Yorimitsu. Tigang kancanipun saged dipunpastekaken nate wonten, ananging Sakata Kintoki dereng nate saged kebukti kawontenanipun.[2]

Nalika 28 April 990, Kintoki kasil nggusah oni anama Shuten Dōji ingkang mapan wonten ing Gunung Ōe, Provinsi Tamba (samenika kutha Fukuchiyama, Prefektur Kyoto). Shuten Dōji prelu kasingkiraken amargi mlebet kutha ingkang damel ricuh. Nalika ngadep Shuten Dōji, Yorimitsu sareng kalihan sekawan pengawalipun (kalebet Kintoki) nyamar minangka biksu Yamabushi. Shuten Dōji takluk kanthi ngginakaken sake ingkang sampun dipuncampur kalihan obat saré. Nalika 11 Januari 1012, Sakata Kintoki 55 taun, tilar donya wonten ing Mimasaka (samenika kutha Shōō, Prefektur Okayama) amargi panas ingkang inggil. Kala menika, Kintoki nembe ing mergi tumuju Kyushu kanthi ancas nglawan pemberontak. Penduduk ing mriku ndadosaken panutan saéngga damel satunggaling kuil kagem Kintoki (samenika dipunwastani Kuil Kurigara) [3].

Cathetan suku[sunting | sunting sumber]

  1. ^ (id) Kumpulan Cerita Rakyat Jepang Yang Terkenal, (dipunakses tanggal 9 Februari 2013)
  2. ^ "Kintarō". Nihon bunka iroha jiten. http://iroha-japan.net/iroha/D02_folktale/04_kintaro.html.
  3. ^ (id) Kintaro, (dipunakses tanggal 9 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kintaro&oldid=878159"