Kerststol

Saka Wikipédia Jawa, bauwarna mardika basa Jawa
Kerststol
Kerststol kang dipotong lan ing tengahé diwènèhi pasta almond

Kerststol iku roti tradhisional saka Walanda kang didhahar nalika Natal, ditawuri karo manisan saka kulit woh, kismis lan gula bubuk. Roti iki ambuné wangi amarga cinampuran karo woh garing kang legit lan kriyuk-kriyuk.[1] Roti saka Jerman iki uga asring didadèkaké bingkisan Natal. Yèn roti kaisi pasta almond iku diarani "stol". Yèn ora, mung roti natal biyasa. Sasuwéné préinan ing sasi Dhésèmber, kerststol bakalan dadi péranganing sarapan utawa brunch lan bisa ditawakaké marang tamu minangka gantiné kué, lan dikancani sacangkir kopi utawa tèh.

Roti iki kagawé saka adhonan roti-ragi karo dicampur woh-wohan kang garing, kismis, kulit lemon lan jeruk, banyu, susu, mentéga, gula, vanili, brendi lan kayu legi. Sok-sok, diwènèhi variasi kang méwah ya iku kanthi nglébokaké kacang kenari kang dicincang, almond, utawa kacang hazel. Jaé bubuk utawa jaé kang diparut, ceri garing lan cranberry, apel, kiwi utawa kapulaga uga bisa ditambahaké ing adhonan roti.

Sawisé adonan roti didhemaké, banjur diisi karo pasta almond (amandelspijs) kang disèlèhaké ing tengahing roti. Adhonan roti iku banjur dilempit ing sandhuwuring pasta almond, madawa lan kanthi lembut dijiwiti supaya bisa. Yèn wis siyap, roti iku banjur diwuri gula adhem sadurungé disajèkaké, dipotong kandel lan diolèsi karo mentéga.

Jinis roti iki uga asring dienggo ing acara Paskah, diarani paasstol utawa paasbrood.

Serba-serbi[besut | besut sumber]

Ing Dresden Kerststol digawé ing ukuran raseksa kang aboté nganti tekan limang ton utawa 4.200 kg. Roti iku digawé dawané nganti tekan punjul 10 kaki. Kanggo masak roti iku, dibutuhaké wektu kira-kira rong dina. Roti iku diarani Stollen. Roti tradhisional iku katon nalika ing acara Natal ing fèstival kang ana ing Dresden, Jerman ing sasi Dhésèmber. Ing Jerman, roti iki diarani Weihnachtsstollen utawa Christstollen.[2]

Cathetan sikil[besut | besut sumber]

  1. (ing basa Indonésia)detikfood.com Stollen, Roti Buah dari Jerman (kaundhuh tanggal 19 Agustus 2011)
  2. (ing basa Indonésia)www.jawaban.com Kue Natal Raksasa Dibuat di Jerman Seberat 5 Ton (kaundhuh tanggal 19 Agustus 2011)

Pranala njaba[besut | besut sumber]