Kemiosmosis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Diagram fosforilasi kemiosmosis

Kemiosmosis minangka sawijining mekanisme pangkopelan energi kanthi nggunakake energi kang kasimpen kanthi bentuk gradien H+ kanggo nggerakake kerja seluler.[1][2] Ing mitokondria, energi kanggo pambentukan gradien asale saka reaksi redoks eksergonik lan sintesis ATP minangka kerja kang ditindakake.[1] Nanging kemiosmosis uga kedadeyan ing panggonan liya, lan werna-werna.[1]

Sadurunge, Rosenberg ndefinisekake sawijining proses kang nyebabake pindhahe sawijining substansi saka sawijining area kang nduweni energi potensial elektrokimiawi luwih endhek anuju ing panggonan kanthi energi potensial kang luwih dhuwur, minangka transpor aktif.[3] Pindhahing bak nantang arus gradien potensial elektrokimiawi iki, mbutuhake asupan energi lan mekanisme kopling supaya asupan energi mau bisa nggerakake pindhahing substansi.

Amarga definisi Rosenberg dianggep duweni titik kelemahan, Peter Dennis Mitchell gawe definisi ulang kang diarani facilitated diffusion, yaiku pindhahing substansi sacara sekunder kang ora ana gegayutane langsung karo reaksi kimiawi lan metabolis, antarane rong titik kang dipisahake dening alangan osmotik kang duweni simpor utawa kotranspor ing alangan mau. Reaksi ing simpor mau ngupaya ngancik titik ekuilibrium, saengga arah ngalihe saka siji substansi ing simpor bakal nyebabake substansi liya obah ing arah kang padha, senajan kabeh mau ateges nantang arus energi potensial elektrokimiawi.

Kloroplas nggunakake kemiosmosis kanggo ngasilake ATP nalika fotosintesis ing organel iki, cahya (lan dudu energi kimiawi) nggerakake aliran elektron mudhuni rante transpor elektron lan pambentukan gradien H+. Prokariot kang ora nduweni mitkondria lan kloroplas ngasilake fradien H+ ngiteri membran plasmae.[1] Gradien iki banjur nyekel gaya gerak proton ora mung kanggo nggawe ATP nanging uga mompa nutrien lan produk limbah ngiteri membran lan kanggo ngubengake flagela.[1]


Delengen uga[sunting | sunting sumber]

Cathetan suku[sunting | sunting sumber]

  1. ^ a b c d e Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:171-173, 126 ISBN 979-688-468-2
  2. ^ Madigan MT, Martinko JM, Dunlap PV, Clark DP. 2008. Biology of Microorganisms 12th edition. San Francisco: Pearson. Hal:123-124 ISBN 0-13-196893-9
  3. ^ (en)[http://www.ncbi.nlm.nih.gov/pmc/articles/PMC408323 "Conservation and Transformation of Energy by Bacterial Membranes - A NOTE ON TERMINOLOGY"] (pdf). National Jewish Hospital and Research Center and Department of Microbiology, University of Colorado Medical Center, ; F. M. Harold. p. 174. http://www.ncbi.nlm.nih.gov/pmc/articles/PMC408323. Retrieved 2010-07-18.


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Kemiosmosis&oldid=833070"