Kelicuk
 Kelicuk ingkang dipunsajèkaken ing piring. | |
| Panggonan asal | Indonésia |
|---|---|
| Tlatah utawa praja | Bengkulu |
| Digawé | Suku Rejang |
 Buku masakan: Kelicuk  Médhia: Kelicuk | |
Kelicuk inggih punika nama tetedhan khas Rejang [1]. Komposisinipun punika gedhang ingkang dipuncampur kaliyan beras ketan. Bibar adonan mau dipunudhak banjur dipunbungkus kaliyan godhong gedhang.
Caranipun masak[besut | besut sumber]
Caranipun masak kelicuk inggih punika kapisan gedhang ingkang sampun mateng dipunoncèki saking kulitipun. Lajeng dipunudhak saéngga dados satunggal. Bibar punika adonan punika dipuncampur kaliyan beras ketan ingkang sampun resik lajeng dipunudhak saéngga adonan kalih punika campur kanthi rata. Bibar kecampur padatanipun dipuntambah kaliyan pemanis utawi penyedap sanèsipun. Salajengipun adosnan mau dipunbungkus mawi godhong gedhang ingkang taksih seger lan langkung saé malih bilih dipunolèsi kaliyan lisah goreng sadèrèngipun adonan mau dipunlebetaken. Adonan mau dipunbungkus kanthi mbentuk kerucut. Kelicuk dipunolah kanthi cara dipundang (dikukus) wonten ing wadhah ingkang padatanipun dipun-ginakaken kanggé ngliwet sekul utawi kanggé ngedang sekul ingkang dipun-ginakaken suku Rejang ing padintenan [2].
Tegesipun nama kelicuk[besut | besut sumber]
Dhaharan punika sampun dipuntepangi lan sampun nyebar ing kiwa-tengené wewengkon Kepahiang lan ugi sapérangan wewengkon Sumatra pérangan kidul sanèsipun. Kelicuk ingkang dipunmekaraken ing tlatah sanès dipunbungkus nanging boten awujud kerucut.[3] Kelicuk inggih punika portmanteau saking kelituk lan cencuk. Kalih tembung punika saking Basa Rejang, kelituk ingkang ateges nglempit (Basa Indonesia: melipat) lan cencuk ingkang ateges dipunsuduk (Basa Indonesia: ditusuk) mawi driji. Nalika mbungkus masakan punika saéngga mbentuk kerucut prelu kalih obahan tangan mau saéngga dipunwastani kaliyan kelicuk [2].
Kelicuk wonten ing tradisi Rejang[besut | besut sumber]
Dhaharan tradhisional punika padatanipun dipunsuguhaken nalika ngawontenaken jamuan mantenan utawi ing adicara tradisi adat Rejang ing kabupatèn Kepahiang lan sakiwa tengenipun nalika kala rumiyin. Tradisi punika sampun wiwit dipuntilaraken, nanging wonten sapérangan tiyang Rejang ingkang taksih nglestantunaken budaya punika. Ing masa sapunika, kelicuk langkung dipunlestantunaken minangka dhaharan kanggé jajanan. Wujudipun ingkang wujud kerucut punika minangka lambang supados para pengantèn ing ngawontenaken mantènan boten mandul utawi supados énggal-énggal pikantuk laré. Masarakat Rejang ing Kepahiang nalika jaman rumiyin wonten tradisi ndedonga sesarengan dhumateng kulawarga ingkang sisah anggènipun pikantuk laré. Saéngga dipunwontenaken satunggaling ritual mau mawi dipunsuguh kaliyan kelicuk minangka sajian utami. Kathah tiyang ingkang pitados marang ritual punika amargi sampun kathah ingkang rumaos babagan mistisipun kelicuk ingkang awujud krucut, nanging tradisi punika sapunika sampun radi ical.
Cathetan suku[besut | besut sumber]
- ↑ jalan-jalan Archived 2013-02-08 at the Wayback Machine., (dipunakses tanggal 18 Maret 2013)
- ↑ a b Kelicuk Besemah Archived 2013-03-08 at the Wayback Machine., (dipunakses tanggal 18 Maret 2013)
- ↑ Kuliner Kito
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |