Kèju spanyol
Keju Spanyol inggih punika salah satunggaling jinis keju- keju lokal ingkang dipundamel ing sadaya tlatah ing nagara Spanyol. Nagara Spanyol inggih sampun mrodhuksi langkung saking 100 jinis keju (queso wonten ing [[basa Spanyol].[1] Saben tlatah ing Spanyol gadhah keju ingkang khas ingkang ngetingalaken kaanan géografis lan binatang utama ing tlatah mau.[2] Sapérangan keju Spanyol ingkang misuwur asalipun saking dhaaerah - tlatah pedalaman ingkang minangka dataran tinggi ingkang wiyar déné ing tlatah punika asring kadadosan éwah- éwahan bab cuaca kanthi ujug- ujug. Ing tlatah mau wonten kathah ménda- ménda kanthi kualitas ingakng saé lan saking susu nipun dipunasilaken keju Manchego, Ibores, lan Zamorano ingkang sampun misuwur.
Sajarah[besut | besut sumber]
Sajarah keju Spanyol inggih gayut kaliyan sujarah Castilla-La Mancha, inggih punika satunggaling dataran tinggi ing Spanyol.[3] Déné turah- turahanipun pérangan arkeologis mbuktekaken bilih wonten ing jaman peruggu bangsa Spanyol dumunung ing mriki lan nindakaken kegiyatan kados ta ternak ménda, nenun wol, lan ngginakaken susu ménda kanggé damel keju. Keju ingkang dipundamel wonten ing wekdal 4.000 taun ingkang kepengker boten tebih bédanipun kaliyan keju Manchego ingkang langkung misuwur ing wekdal sapunika. Ing abad kaping enem welas, wonten ing jaman Don Quixote, kanggé ngrawat lan nggembala ménda sadayanipun dipunatur déning Honrado Concejo de la Mesta utawi Majelis Terhormat Mesta.[3] Sanajan ta Majelis punika dipunbubaraken wonten ing taun 1836, ménda- ménda taksih minangka prakawis ingkang wigati wonten ing Castila - La Mancha. Kajawi punika, papan kanggé damel kejunipun ugi sampun dados satunggaling indhustri kanthi sapérangan pabrik keju ingkang paling ageng wonten ing Spanyol ingkang mapan wonten ing tlatah punika. Keju Manchego ugi taksih dipunwedalaken wonten ing peternakan tlatah lan dipunpadosi déning kathah tiyang ingkang remen keju. Ing taun 1988, pamaréntah ngawontenaken pendataan keju- keju ingkang dipundamel ing Spanyol.[4] Perkawis puni dipuntindakaken amargi wontenipun kesadaran bilih keju- keju ingkang sanget wonten reginipun saged ical amargi kathah tiyng ingkng sampun nglirwakaken tradhisi lan asring pindhah- pindhah dhaten kitha- kitha ageng sanèsipun. Pendaaan punika kathah ingkang dipuntindakaken ngginakaken kereta [jaran]] utawi kanthi mlampah kemawon supados saged dumugi tiyang ingkang damel keju ingkang wonten ing tlatah- tlatah ingkang paling plosok. Kathah keju ingkang dipundamel ing tlatah - tlatah pagunungan ingakng paling plosok ingkang ing wekdal punika dèrèng kathah ingkang mangertosi kawontenanipun.
Ketentuan Perlindhungan Asal-usulipun[besut | besut sumber]
Spanyol gadhah satunggaling sistem kanggé ngontrol kualitas saking keju- keju ingkang dipunasilaken. Sistem punika inggih meh sami kalliyan sistem ingkang dipun-ginakaken ing Prancis lan Italia. Sistem punika inggih dipunparingi nama Denominación de Origen (DO).[4] DO inggih punika ingkang ngatur lan nemtokaken bab- bab kads makaten:
- Papan wonten ing pundi satunggaling keju tartamtu kedah dipundamel
- Susu kéwan punapa ingkang kedah dipun-ginakaken
- Kados pundi keju punika kedah dipundamel
- Ukuran keju ingkng dipundamel
Kajawi punika, DO ugi maringi detail bab karakter- karakter keju ingkang bédakaken saking keju sanèsipun. Sistem DO punika inggih nglindhungi prodhusen lan konsumen saking keju- keju ingkang kkualitasipun andhap utawi ugi keju tironan.
Pratélan keju sertifikasi DO[besut | besut sumber]
Ing ngandhap punika inggih minangka pratélan keju ingkang sampun pikantuk sertifikasi DO:
- Cabrales
- Idiazabal
- Mahon
- Manchego
- Picos de Europa
- Queso Iberico
- Roncal
- Tetilla
- Zamorano
Pratélan keju Spanyol[besut | besut sumber]
Ing ngandhap punika inggih minangka satunggaling pratélan keju Spanyol sanèsipun ingkang boten pikantuk sertifikasi DO: [4][5]
|
|
Cathetan suku[besut | besut sumber]
- ↑ Spanish Cheese and Cheese Making Culture, I Love Cheese. Dipunundhuh tanggal 23 Maret 2013.
- ↑ Martinez, Laura (2005). The Everything Cheese Book. Adams Media, Massachusetts. ISBN 978-1-59869-252-5. Page 90-92.
- ↑ a b Castilla-La Mancha, Worlds of Flavor Spain. Dipunundhuh tanggal 23 Maret 2013.
- ↑ a b c Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 94-100.
- ↑ Cheese by Countries: Spain Archived 2010-05-07 at the Wayback Machine., Cheese.com. Dipunundhuh tanggal 23 Maret 2013.
- Keju-keju Spanyol Archived 2010-03-24 at the Wayback Machine.
- Geografi keju Spanyol Archived 2010-05-05 at the Wayback Machine.