Pundong, Bantul

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Kecamatan Pundong, Bantul)
Langsung menyang: pandhu arah, pados
Kecamatan Pundong

Peta lokasi Kecamatan Pundong
Provinsi Dhaérah Istiméwa Yogyakarta
Kabupatèn Bantul
Jembar wewengkon 23,68 km²
Cacah pedunung 32.887
 - Kapadhetan - jiwa/km²
Desa/kelurahan -

Kecamatan Pundong iku salah siji kecamatan ing kabupaten Bantul, Daerah Istimewa Yogyakarta, Indonesia.Kecamatan Pundong papanipun wonten ing sisih kidul Kabupaten Bantul tebihipun 10 km sarta tebih saking kuta Propinsi Daerah Istimewa Yogyakarta kirang langkung 18 km. Papan astronomis wonten ing 07º 57’ Lintang kidul lan 110º 20’ Bujur wetan.

Wewengkon[sunting | sunting sumber]

  1. Sisih lor : Dalan Parangtritis, lan Kecamatan Jetis
  2. Sisih wetan : Kali Opak, lan Kecamatan Imogiri
  3. Sisih kidul : arga Sewu, Kecamatan Kretek, Kecamatan panggang, lan Kecamatan Purwosari
  4. Sisih kulon: Kali Winongo cilik, Dalan Parangtritis, lan Kecamatan Bambanglipuro
  • Kuta Kecamatan Pundong

Kuta Kecamatan Pundong wonten ing dusun Bodowaluh, Piring, Pundong, Tangkil, Baran, Menang,lan Kembangkerep.Kantor kecamatan wonten ing Dusun Piring, Desa Srihardono.

  • Kawontenan papan

Kawontenan papan ing Pundong rata, ing sisih kidul wonten arga nanging mboten wonten patai, inggilipun 10 mil saking rerataning samudra.Siti pundong kagolong siti ingkang loh jinawi

  • Kawontenan lepen

Kecamatan Pundong dipun lewati lepen Opak ingkang pucukipun wonten pantai Parangtritis nyigar desa Srihardono, Desa Seloharjo, lan Desa Panjangrejo,Ing desa Srihardono dipun lewati kali winongo ingkang mbatesi kecamatan Pundong kalian Kecamatan Bambanglipuro.

  • Jarjaring Mergi lan Transportasi

Kecamatan Pundong dipun lewati kalih mergi angeng, kapisan mergi sisih wetan ngubungaken Parangtritis-Yogyakarta nglewati Imogiri, mergi meniko kagolong sepi, kapindo wonten ing sisih kulon ngubungaken Parangtritis-Yogyakarta namanipun mergi parangtritis, Mergi meniko kagolong regeng lan kathah kacilakan . Mergi saking Sempalan Pundong - Pasar Pundong dumugi gunung puyuh lan Klegen - Pasar Pundong dumugi Canden kagolong mergi vital kangge warga Pundong. Wonten setunggal jalur Bis cilik ngliwati Pundong inggih menika Jalur Bantul-Bakulan-Canden-Pundong dumugi Gunung Puyuh.

Desa-Desa[sunting | sunting sumber]

Babat[sunting | sunting sumber]

Saking jaman londo, Pundong didadosaken wewengkon tetanen. Wonten pungkasan abad 18, londo ndamel pabrik gendis dinamani Pabik Gendis Pundong. Mboten namung menika londo ndamel sarana rel kreta, stanplat, lan stasiun. Rumiyin, Pundong dados pemandheke kreta pungkasan wonten ing Bantul karang (sakniki Kabupaten Bantul). Griya Belanda kathah kadamel wonten abad punika kayata ing wewengkon pabrik gula (sakniki SMA N 1 Pundong), wewengkon prapatan pundong (sakniki KUD Tani Rejo) lan wetan Peken Pundong ingkang dados gudang garem (sakniki dados rumah pribadi). Abad 19 pabrik gendhis gadahane londo tuna. Pungkasanipun sedaya sarana mboten kangge maleh. Wonten jaman Jepang Rel kreta kathah ingkang dipunpindah dhateng Thailand dingge wesi buk. Pungkasan abad 19 pundong dipunterjang banjir ageng akibat luapane kaliopak. Ewonan griya karendem banjir lan risak. Rikala semanten, Sri Sultan Hamengkubuwono IX nggagas ndamel tanggul ageng wonten sisih pinggir lepen opak. Saksampunipun tanggul dados, wewengkon pundong bebas saking banjir. Ssaksampunipun kamardikan Indonesia, Kesultanan Ngayogyokarta nglebur kalian NKRI. Bab menika njalari pambagian wewengkon kabupaten, kecamatan lan desa. Wiwitanipun Kecamatan Pundong lan kretek dados kecamatan anyar naminipun Kecamatan Kretek, nanging jaman orde baru, wewengkon Pundong misah saking Kecamatan Kretek lan kadamel Kecamatan Pundong. Wonten taun 2006, dinten sebtu 27 Mei 2006. Yogyakarta lan kiwo-tengenipun dipungoncang lindhu 6,2 sekala richter. Salah sijinipun wewengkon ingkas saestu risak diterjang lindu inggih menika Pundong. Ewonan nyawa kadudut serta kathah griya ingkang risak sanget. Bab menika dipun jalari groposipun siti lan cedak saking sesar Opak. kagem nyaeaken kahanan dibetahaken 2 taun. Taun 2008, wonten ing sisa pabrik gendhis, dipunbangun Pusat Rehabilitasi Terpadu Penyandang Cacat. Griyo rehab meniko dipunkhususaken kangge bebana lindu.


Pranala jaba[sunting | sunting sumber]


 

Pundong, Bantul, Daerah Istimewa Yogyakarta

Desa: Sélaharja | Panjangreja | Srihardana

Sumber artikel punika saking kaca situs web: "http://jv.wikipedia.org/w/index.php?title=Pundong,_Bantul&oldid=805863"