Kawis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Kawista)
Langsung menyang: pandhu arah, pados
Kawis
Woh kawis
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Sapindales
kulawarga: Rutaceae
Genus: Limonia
L.
Species: L. acidissima
Jeneng binomial
Limonia acidissima
L.

Kawis (Limonia acidissima syn. Feronia limonia) iku krabat cerak maja lan isih klebu ing suku jeruk-jerukan (Rutaceae). Tetanduran sing dimupangataké wohé iki wis arang ditemoni senadyan saiki sapérangan dhaérah wiwit ngembangaké. Asalé saka India kidul nganti tekan Asia Kidul-wétan lan Jawa. Kawis arupa salah siji woh asli Rembang, Jawa Tengah. [1]

Kawis uga bisa diarani Java Cola amarga rasané kang kaya Cola. [2].Kawis uga bisa diarani Java Cola amarga rasané sepet, legi tur seger kaya Cola. [2]

Kawis rélatif tahan kahanan ala (garing utawa lemah salin) lan lemah penyakit. Kawis cocog yén urip ing dhaerah sing garing. [3].

Pamerian[sunting | sunting sumber]

Woh werna soklat semu ireng iki uga bisa ditemoni ing Pati lan Tuban. [1]. Bentuké kaya melon nanging luwih cilik lan kulité atos.[2]. Bentuké kaya melon nanging luwih cilik lan kulité atos. [2]. Tandhané yén kawis wis mateng temenan yaiku yén wis tiba saka wité[1].

Wité cilik lan dhuwure kira-kira bisa nganti 12 meter. [3].Epangé kawis cilik lan ana eriné. [3].Godhongé dawa kira-kira nganti 12 cm. [3].kembangé nggrombol kanthi werna putih utawa ijo lan abang.[3].

Mupangat[sunting | sunting sumber]

Kawis bisa diolah dadi sirup lan limun.[2]. Ing Kabupatèn Rembang dikembangaké sirup kawis.

Kulit kawis sing atos ora ndadekaké suda khasiaté, kawis tetep aman dikonsumsi. [1]Carané mangan kawis ora angel. [1].Kawis bisa dibuka kanthi dibanting ing jogan sing rata tur resik. [1].Yén mbanting aja seru-seru nanging tetep migunakaké tenaga nganti kawis iku pecah dadi loro. [1]Daging woh sing wernané soklat semu ireng iki uga bisa dipangan kanthi ditambahi gula.[1]

Kawis saliyane bisa dipangan langsung uga bisa diolah dadi sirup lan dodol. [3]. Woh kawis bisa dadi obat panas lan lara weteng. [3] Kulité kawis bisa dadi campuran jamu lan obat yén bar dientup tawon.[3].

Kawis bisa dipigunaké minangka watang ngisor kanggo jeruk, nanging mangaruhi rasa woh jeruk sing diasilaké. Woh jeruk sing kaya mangkéné iki ditepungi minangka "kajer" (saka "kawista" lan "jeruk") lan bisa ditemoni ing Galis, Madura.

Cathetan sikil[sunting | sunting sumber]

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kawis&oldid=829719"