Katon Bagaskara

Saka Wikipédia Jawa, bauwarna mardika basa Jawa
Katon Bagaskara
Katon Bagaskara
Latar wuri
Jeneng lair Ignatius Bagaskoro Katon
Lair (1966-06-14) Juni 14, 1966 (umur 57)
Bukittinggi, Sumatra Kulon, Indhonésia Indonésia
Pakaryan penyanyi, aktor
Taun aktif 1994-saiki
Pasangan Ira Wibowo
Anak Chika Putri Bagaskara
Andhika Radya Bagaskara
Mario Arya Bagaskara
Wong tuwa AR. Djuano lan Agnes Sumarsih

Katon Bagaskara (lair ing Magelang, Jawa Tengah, 14 Juni 1966; umur 57 taun) saliyané dadi vokalis grup band KLa Project, Katon uga nggawé album solo lan album trio bareng karo seduluré ya iku Andre Manika lan Nugie.[1] Ora mung nyanyi, saliyané nyanyi, Katon uga nggawé lagu.[1] Katon Bagaskara ya iku bojoné presenter lan juru main sinétron Indonésia kang jenengé Ira Wibowo.

Katon lair kanthi jeneng Ignatius Bagaskoro Katon.[1] Nalika cilik, Katon wis nuduhaké yèn dhèwèké pancèn duwé bakat seni lan seneng maca puisi.[1] Ibuné Katon mènèhi semangat karo Katon supaya ngembangaké bakaté.[1] Lagu sepisanan kang dikarang Katon nalika isih kelas IV SD.[1] Lagu iku digawé kanggo ngenang nalika Katon bareng karo simbah kakungé kang wis tilar donya.[1] Katon nggawé lagu iku nganggo piano kang digawé saka kayu kang ukurané cilik.[1]

Katon sinau gitar saka kakangné kang jenengé Andre Manika.[1] Nalika iku, Katon latiyan lan wiwit nggawé lagu nganggo gitaré kanthi cara otodidak.[1] Lagu-lagu kang digawé Katon nalika wiwitan rada duwé prabawa saka musisi sénior kaya ta Ebiet G. Ade kanggo lirik laguné, Fariz RM kanggo trènd musik, Koes Plus lan The Beatles.[1] Wong-wong mau kang mbentuk karakteristik musikal Katon.[1] Saya suwé, nalika SMA, Katon wis bisa duwé style utawa gaya kang dadi ciri khas.[1] Kaya ta lirik laguné kang duwé filosofis, estetis lan romantis.[1] Kasenengané karo puisi kang njalari lirik-lirik lagu kang digawé Katon duwé pangaji filosofi lan gaya kang khas.[1]

Karir musik[besut | besut sumber]

Wiwitané Katon duwé gegayuhan dadi diplomat.[2] Nanging kaanan kang meksa Katon kanggo kerja. Ing taun 1987, Katon kerja dadi cabin crew ing prusahaan pamaburan Garuda Indonésia.[2] Nanging kasenengané katon tumrap séni ora bisa dialang-alangi.[2] Pungkasané ing taun 1988, Katon bareng karo kanca-kancané kaya ta Lilo, Adi, lan Ari, Katon mbentuk grup musik kang jenengé KLa Project.[2]

kulawarga[besut | besut sumber]

Katon Bagaskara nikah karo Ira Wibowo nalika tanggal 28 Oktober 1996.[2] Sadurungé nikah karo Ira, Katon wis tau nikah lan nduwé anak saka pernikahané kang sepisanan.[2] Anaké iki jenengé Chika Putri Bagaskara kang lair tanggal 9 Juni 1993.[2] Déné pernikahané karo Ira Wibowo, Katon nduwé anak kang cacahé loro ya iku Andhika Radya Bagaskara (lair 28 Agustus 1997), lan Mario Arya Bagaskara (lair 28 Agustus 2002).[2]

Chatetan sikil[besut | besut sumber]

  1. a b c d e f g h i j k l m n o Profil dan Berita ing KapanLagi.com Archived 2009-11-03 at the Wayback Machine.(diudhuh tanggal 10 Juli 2011)
  2. a b c d e f g h tokohindonesia.com Archived 2011-09-28 at the Wayback Machine.(diundhuh tanggal 10 Juli 2011)