Katinona

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Katinona

Katinona, (bahasa Inggris:Cathinone) utawa benzoyletanamina utawa uga bisa diarani Neropedron yaiku zat monoamina alkaloid kang dadi kandutan ing jero tanduran Catha Edulis(Khat) lan mawa kimia arep padha karo efedrina, katin lan zat amfetamin liyane.[1] Panaliti saka Fakultas Farmokologi, Universitad Jenewa, Swiss, kang jenenge Kalix P, nggawe jurnal kan judhule Pharmacology ana Toxicology, edisi Februari 1992 kang ngandharake yen zat Katinona yaiku wujud alami saka amfetamin.[1] Katinona nginduksi ucule dopamina saka preparasi striatal kang utama kanggo efel stimulan Chta edulis.[1] Ora kaya amfetamin liyane, katinona kagolong ing jero klompok fungsional keton.[1] Zat amfetamin liyane kang uga mbagi struktur yaiku antiderpresan buprofiona lan stimulan metkatinona.[1]

Hukume[sunting | sunting sumber]

Ing donya internasional, katinona kelebu obat-obatan kang dilarang Golongan I ing ngisore Konvensi Zat Psikotropika.[2] Wiwit 1993, DEA netepake katinona mawa zat adiktif Golongan I ing Undang-Undang Pengawasan Psikotropika.[2] Dene ing Indonesia, Katinona ana ing lampiran Undang-Undang Nomor 35 tahun 2009 babagan Narkotika, mawa Narkotika Golongan I ing urutan kaping 35 saka dhaftar kasebut.[2]

Ngadol tanduran khat miturut hukum dilegalke ing saperangan negara, nanging uga ilegal ing negara liya.[2] Katinona sintetik (gawean) uga kerep digunakake dadi baha utama kang digawe campuran ing rikala ngonsumsi obat-obat terlarang, kaya bath salts ing Amerika Serikat.[2]

Struktur Kimia[sunting | sunting sumber]

Ana ing strukture katinona duwe sambung gayuhe karo metkatinona, padha karo amfetamina kang ana sambung gayuhe karo metamfetamina.[3] Katinona beda karo amfetamin, dheweke duwe atom keton oksigen (C=O) ing posisi β ing rantai pinggir.[3] Alkohol kang kekandhut ing senyawa katin mawa stimulan ora pati kuat.[3] Konversi biofisiologikal saka katinona menyang katin bisa dilakokake ing godhong Khat.[3]Godhong Khat seger duwe rasio pengonversian saka katinona menyang katin kang luwih gedhe saka godhong garing, saengga ngewenehi efek psikoaktif kang luwih kuat.[3]

Katinona bisa diekstraksi saka Chata edulis utawa disintesis saka α-bromopropiofenona (luwih gampang digawe saka propiofenona).[4]

Arnold Brossi ing bukune tahun 1991 ngandharake katinona, kaya dene amfetamin duwe potensi kang kuat anggone ngrangsang sistem saraf pusat (SSP).[4] Akeh-akehe efeke bisa dikira-kira saka 2 perangan phenylalkylamines (katinona lan katin) ang miturut strukture arep padha karo amfetamin.[4] Katinona yaiku turunan metkatinona kang ditemokake ing kandhutan tandhuran Khat.[4] Iki jinie obat kang dilarang bisa gampang digawe dening oksidasi psedoefedin ing laboratorium ngisor lemah.[4] Ing Katinona struktur kimiane arep kembar karo amfetamin kejaba molekul hidrogrn ditibakake lan digantekake karo molekul oksigen.[4] Sawise diawehi oral mawa wujud kapsul, kadar serum puncak katinona kerasa nganto sejam.[4] katinona uga konstituen kang paling kuat kekandhut ing tandhuran Khat lan duwe struktur kimaia kang arep padha karo amfetamin.[4]

Efek[sunting | sunting sumber]

Panganggonan katinona kang kakehan bisa nyebabake nafsu mangan ilang, keweden, cepet ngamuk, insomnia, nglindhur lan panik. Panganggo kronis bisa kena ganguan kepribadian lan infark miokard.[5] Mefredona, yaiku turunn katinona kang ora kabentuk alami luwih bisa ngeculake serotonin dibandingake karo katinona utawa metkatinona, saengga efek panganggone padha karo ekstasi.[5] Wong-wong kang nganggo obat-obatan iki bisa diuji serum utawa uji urin kanggo mbuktekake kandhutan katinona lan norepedrina; metaboloit utamane.[5]

Cathetan Suku[sunting | sunting sumber]

  1. ^ a b c d e (id)Tentang KAtinon (dipunundhuh tanggal 26 februari 2013)
  2. ^ a b c d e (id)Pohon Khat (dipunundhuh tanggal 26 februari 2013)
  3. ^ a b c d e (id)Metilon turunan katinon (dipunundhuh tanggal 26 februari 2013)
  4. ^ a b c d e f g h (id)Zat Katinon (dipunundhuh tanggal 26 februari 2013)
  5. ^ a b c (id)Katinon sebabkan stroke (dipunundhuh tanggal 26 februari 2013)
Sumber artikel punika saking kaca situs web: "http://jv.wikipedia.org/w/index.php?title=Katinona&oldid=836967"