Kartu jaringan

Saka Wikipédia Jawa, bauwarna mardika basa Jawa
(Kaelih saka Kartu network)
Tuladha kartu jaringan Ethernet kanthi 2 jinis konektor (BNC dan UTP)

Kartu nètwork utawi kartu jaringan (Inggris: Network Interface Card kasingkat NIC utawi network card) inggih punika kartu ingkang ginanipun kanggé ngubungaken komputer dhateng jaringan komputer. Pnagertosan sanèsipun inggih punika salah satunggaling piranti kasar ingkang kapasang wonten ing salah satunggaling slot ing papan induk komputer. Kertu jaringan punika nemtokaken kecepatan maksimum transmisi data antar titik (kodhe) [1].

Jinising NIC punika wonten kalih jinis, inggih punika kartu jaringan ingkang asipat logis kaliyan kartu jaringan ingkang asipat fisik. Tuladhanipun kartu jaringan ingkang asipat fisik inggih punika NIC Ethernet, Token Ring, lsp. Bilih ingkang asipat logis inggih punika Loopback Adapter lan Dial-up Adapter. Kasebut ugi kanthi aran Network Adapter. Saben jinising Kartu jaringan dipunparingi nomer alamat ingkang dipunwastani Mac Address ingkang asipat statis lan saged dipunéwahi déning panganggénipun.

Jinising kertu jaringan[besut | besut sumber]

Kathahipun kertu jaringan punika ingkang kalebet kertu jaringan internal inggih punika kertu jaringan ingkang sampun kapasang wonten ing slot ekspansi ing sajeroning komputer. Wonten komputer kados komputer Mac ngginakaken kotak mirunggan ingkang katancep dhateng port serial utawi SCSI port komputeripun. Wonten ing komputer notebook wonten slot kanggé kertu jaringan ingkang biyasa dipunsebut PCMCIA slot. Kerju jaringan ingkang kathah kaginakaken sapunika inggih punika kertu jaringan Ethernet, LocalTalk konektor, lan Kertu jaringan Token Ring. Ingkang kawéntar sapunika urut-urutaning kados makaten:

  1. kertu jaringan ethernet, Kertu jaringan punika padatanipun pisah kaliyan komputer kejawi kados komputer Macintosh ingkang sampun ndherekaken kertu jaringan ethernet wonten njero.
  2. Token Ring, Kertu jaringan Token Ring punika radi sami kaliyan kertu jaringan ethernet. Satunggal ingkang mbedakaken inggih tipe konektor wonten ing sawingkinging kertu jaringanipun. Padatanipun Token Ring gadhah tipe konektor 9 Pin DIN ingkang nyambung kaliyan kertu jaringan dhateng kabel jaringan.
  3. LocalTalk, Localtalk punika kertu jaringan kanggé komputer macintosh ingkang ngginakaken kotak mirunggan lan kabel ingkang kapasang dhateng Port kanggé printer. Kirangipun Localtals dipuntandhingaken kaliyan ethernet punika cepeting laju transfer data [3].

Cathetan suku[besut | besut sumber]

  1. [1][pranala mati permanèn], (id) http://undiksha.ac.id (dipun-akses tanggal 27 November 2012)
  2. [2] Archived 2012-10-23 at the Wayback Machine., (id) http://www.sysneta.com Archived 2012-10-22 at the Wayback Machine. (dipun-akses tanggal 30 Oktober 2012)
  3. [3], Jaringan komputer (dipun-akses tanggal 30 Oktober 2012)