Karst
 |
Artikel punika pinuju ngalami éwah-éwahan ageng ngantos 28 Februari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 67 dinten 107 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Karst utawi istilah aslinipun krst saking Basa Yugoslavia ingkang dados nama satunggaling kawasan ing winatesan antawisipun Yugoslavia lan Italia Utara, sekitar kutha Trieste. Istilah karst menika lajeng dipunagem kanggé nyebut sedaya kawasan watu gamping ingkang nglampahi proses pelarutan. Saged ugi kaginakaken kanggé fenomena pelarutan watu sanèsipun kadosta Gypsum lan watu sarem [1]. Pangertosan sanès karst inggih menika bentukan bentang alam wonten ing watuan karbonat ingkang khas arupi bukit, lembah, dolima ( cekungan ), lan gua [2].
Karst menika kabentuk saking proses alam ingkang dipunwastani proses karstifikasi. Kawasan karst menika kawasan watuan karbonat ingkang nedahaken morfologi karst. Karst lan kawasan karst kabentuk lan dipunpengaruhi déning proses pelarutan ingkang dipunpengaruhi ugi déning toya. Proses pelarutan menika langkung cepet awit saking CO2 utawi karbondioksida ingkang wonten ing atmosfer bagéyan nginggil permukaan lemah ugi ingkang wonten ing sangandhaping permukaan lemah. Toya jawah ingkang kagungan réaksi kaliyan Karbondioksida ndamel asam karbonat lan asipat reaktif dhumateng kalsium saéngga kabentuk kalsium karbonat utawi watu gamping [2].
Manfaat Ekosistem Karst [sunting]
Manfaat saking ekosistem karst menika ing antawisipun kados mekaten :
- Papan kanggé nyimpen toya ingkang kanthi bertahap saged dipunsaluraken dhateng papan sanès.
- Habitat ingkang trep kagem fauna ingkang mapan wonten ing gua-gua karst kadosta kelelawar utawi lawa ingkang fungsinipun kanggé panyerbuk, panyebar wiji lan kangge ngendalikaken ama sarta penyakit ingkang asalipun saking serangga.
- Habitat manuk walet ingkang mapan wonten ing gua-gua karst lan ngasilaken sarang walet ingkang ngandhut nilai ekonomi, sarta saged ngendalikaken populasi serangga ingkang dados ama lan nyebaraken penyakit.
- Kawasan karst menika kagungan pemandangan ingkang éndah minangka lokasi tujuan pariwisata.
- Wonten pérangan kawasan karst ingkang ngandhut nilai pusaka budaya lan papan bersejarah.
- Kawasan karst menika kathah bahan galian tambang saéngga kagungan potensi dados kawasan pertambangan [2].
Ciri-ciri karst [sunting]
Ingkang dados ciri-ciri utawi titianing karst inggih menika :
- Dhaérahipun arupi cekungan-cekungan.
- Wonten bukit-bukit alit.
- Wonten lèpèn ing sangandhaping permukaan lemah.
- Wonten endapan sedimen lempung kanthi warna abang saking asiling pelapukan watu gamping.
- Permukaan ingkang kabikak katingal kasar, kathah bolonganipun, lan lancip.
