Kapuloan Natuna Selatan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kapuloan Natuna Selatan

Kapuloan Natuna Selatan inggih kalebet wilayah kapuloan ing Indonésia ingkang dumunung ing dhaerah Laut Cina Selatan sisih kidul, ing pucuk ler propinsi Kalimantan Barat. Kapuloan Natuna Selatan gadhah ama kirang langkung 1.300 km². Cacahipun pendhudhuk kirang langkung 100.000 tiyang. Kapuloan punika kaperang dados atusan kilometer nglingkupi pulo-pulo ing dhaerahipun. Déné pulo-pulo ageng ingkang kalebet wonten ing Kapuloan Natuna Selatan inggih punika Pulo Subi, Pulo Panjang, Pulo Midai, lan Pulo Murih. Pulo-pula punika kala wau dipunpedhot kaliyan Selat Selasan.

Geografi[sunting | sunting sumber]

Kapuloan Natuna Selatan mapan wonten ing titik koordinat N 2° 45' 0 E 109° 0' 0. [1] Kapuloan Natuna inggih kapuloan ingkang mbelah wilayah negara Malaysia. Natuna punika kapuloan ingkang mapan wonten ing sisih lor saking Selat Karimata. Ing sisih lor, Kapuloan Natuna kawates kaliyan negara vietnam saha Kamboja. Ing sisih kidul kawates kaliyan Sumatra Selatan saha Jambi. Ing sisih kulon kawaes kaliyan Singapura, Malaysia, Riau, saha ing sisih wetan kawates kaliyan Malaysia Timur saha Kalimantan Barat. [2] Kapuloan Natuna Selatan mapan wonten ing jalur pelayaran internasional saking Hongkong, Jepang, Korea, saha Taiwan. Kapuloan Natuna Selatan ingkang kalebet wilayah Kabupaten Natuna punika misuwur kanthi kanthahing minyak saha Gas alam ipun. Cadangan minyak bumi nipun ing kapuloan Natuna punika dipun kinten taksih wonten 14.386.470, dene gas bumi nipun taksih wonten 112.356.680 barel. Kabupaten Natuna ingkang njangkepi wilayah Kapuloan Natuna Selatan punika tanahipun kathah bukit -bukit saha gunung -gunung watu. Dataran andhap saha lande kathah dipun panggihaken wonten ing sak pinggiring pante. Dhuwuripun siti ing saben kecamatan ingkang wonten inggih maneka warna, udakawis 3 ngantos 959 meter saking sak nginggiling toya laut, kanthi kemiringan siti nipun 2 dugi 5 meter. Ing padatanipun struktur tanahipun kaperang dados tanah podsolik abrit saha kuning saking jinising watu ingkang siti dhasaripun saking bahan granit, alluvial, saha siti organosol lan gley humus.

Hayati[sunting | sunting sumber]

Kapuloan Natuna Selatan kalebet wilayah ingkang strategis saha wonten rentengan potensi sumber daya alam ingkang dereng dipun kelola kanthi sae, ingkang kaperang dados sumber daya perikanan laut ingkang asilipun ngantos langkung saking 1 yuta ton saben taun. Asiling tani saha perkebunan kados ta umbi, klapa, karet, sawit, saha cengkeh. Objek wisata ingkang wonten inggih wisata bahari kados ta pante saha puo selam, ugi wonten wisata gunung, air terjun, guwa, saha budidaya ladang gas.

Iklim[sunting | sunting sumber]

Titik paling inggil ing kapuloan Natuna Selatan inggih mapan wonten ing tengahing Pulo Bunguran Besar, ingkang inggilipun 959 m. Iklim ing kapuloan Natuna Selatan inggih iklim khatulistiwa kanthi deresipun jawah langkung saking 2.000 mm per taun. Ing dhaerah punika dipunbudidaya tetanduran jinis kakao, pari, lan jagung.

Cathetan Suku[sunting | sunting sumber]

  1. ^ (id)[[1]] Kepulauan Natuna Selatan (dipunundhuh tanggal 9 Januari 2013)
  2. ^ (id)[[2]] Natuna Kepulauan Yang Membelah Malaysia (dipunundhuh tanggal 9 Januari 2013)