Kapuloan Natuna Besar

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kapuloan Natuna Besar
Peta Kapuloan Natuna Besar

Kapuloan Natuna Besar inggih punika salah satunggaling pulo ing Indonésia, mlebet wilayah pamaréntahan Propinsi Kapuloan Riau, Indonésia. Kapuloan Natuna Besar taksih kalebet bageyan saking Kapuloan Natuna, salah satunggaling kapuloan ing sisih paling nginggil ing Indonésia. Ambanipun dharatan wonten ing Kapuloan Natuna Besar inggih kirang langkung 1.720 km².

Pulo paling lor saking kapuloan punika inggih Pulo Laut (Natuna).

Pulo Bunguran inggih pulo ingkang utami ing Kapuloan Natuna Besar. Pulo Bunguran inggih pulo kangge papan panggenannipun tiga jinis primata non-manusia: loris lambat (Nycticebus coucang), makaka ekor panjang (Macaca fascicularis), lan monyet daun natuna (atau surili paha putih, Presbytis natunae).[1][2]

Geografi[sunting | sunting sumber]

Kapuloan Natuna Besar mapan wonten ing tengah- tengahing negara sanes, inggih punika negara Malaysia inggih Malaysia Barat saha Malyasia Timur. Papan lokasi kapuloan Natuna Besar ingkang kalebet gugusan Kapuloan Natuna punika ingkang dadosaken kathah tiyang ingkang lepat anggenipun ningali ing peta lan kathah ingkang ngira- ira menawi kapuloan Natuna Besar punika mlebet wilayah Malaysia. ananging sejatosipun kapuloan Natuna Besar taksih mlebet wilayah Indonesia. Wonten ing kapuloan Natuna Besar mapan ibukota Natuna inggih punika kitha Ranai. Ing kapuloan Natuna Besar wonten 6 wilayah kecamatan, inggih punika Bunguran Timur, Bunguran Barat, Bunguran Selatan, Bunguran Utara, Bunguran Tengah, ngantos Bunguran Timur Laut. Kitha Ranai ing kapuloan Natuna Besar utawi ingkang asring dipunsebat Pulo Bunguran punika papan letakipun persis wonten ing pinggiring laut. Ananging senajan mapan wonten ing pinggir laut, kitha Ranai ugi dipun lindhungi kaliyan wontenipun gunung ingkang boten tebih saking laut, jarakipun kirang langkung namung 5 kilometer saking gigiring pante. Kanthi wontenipun gunung punika, masarakat ing kitha Ranai saged ngraos langkung aman menawi wonten malabaya saking laut kados tsunami. [3]

Transportasi[sunting | sunting sumber]

Posisi Natuna namung kados titik ing salebeting bunderan amargi jarakipun ingkang tebih sanget saking pulo - pulo sanes ingkang mapan wonten ing sebrang, kados Malaysia ing sisih wetan saha sisih kulon, Vietnam ing sisih lor ipun, saha Pulo Batam ing sisih kidulipun. Ananging ewa semanten, menawi badhe dugi dhateng kapuloan Natuna Besar punika sampun wonten transportasi ingkang radi gampil kangge mlebet saha medal pulo punika. Saperangan montor mabur sampun radi kathah ingkang landas wonten ing bandara ing kapuloan Natuna Besar senajan bandaranipun taksih ngampil saking TNI Angkatan Udara. Dene, menawi badhe ngginakaken transportasi laut ugi sampun wonten saperangan kapal - kapal ageng ingkang asring mampir ing kapuloan punika, kados kapal Bukit Raya gadhahipun Pelni, Sabuk Nusantara, saha Kapal Perintis. Kapal- kapal kasebat mampir ing kapuloan Natuna Besar sepisan saben peken.

Cathetan Suku[sunting | sunting sumber]

  1. ^ Lammertink, Nijman, and Setiorini, 2003. Oryx 37(4):472-479
  2. ^ Brandon-Jones et al. 2004. Asian Primate Classification. International Journal of Primatology 25(1):97-164.
  3. ^ (id)[[1]] Natuna, Dari Biaya Hidup yang Tinggih Hingga Kota Modern di Atas Laut (dipunundhuh tanggal 5 Januari 2013)

Koordinat: 3°56′52.930″N 108°12′45.306″E / 3.9480361°N 108.212585°E / 3.9480361; 108.212585