Kapuloan Karimunjawa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Karimunjawa
FishingKarimun.jpg
Geografi
Lokasi Asia Tenggara
Jembar 500 hektar
Negara
Indonesia
Provinsi Jawa Tengah
Kabupaten Jepara
Demografi
Populasi 8.000 jiwa
Kelompok etnik Jawa

Karimunjawa yaiku sawijining kepuloan ing segara Jawa kang dumunung ana ing Kabupaten Jepara provinsi Jawa Tengah, Indonesia. Kepuloan iki duwéni pulo cacahé 27 pulo. Total jembar daratané ±1.500 hektar saha jembar perairané ±110.000 hektar, Karimunjawa sakiki dikembangké dadi "Pesona Wisata Taman Laut" kang wiwit akèh ditekani wisatawan lokal lan manca.

Geografis[sunting | sunting sumber]

Kepuloan Karimunjawa dumunung ing Segara Jawa, sisih loré Jepara, Jawa Tengah. Kepuloan iki duwéni 27 pulo yaiku:

  • Kang dienggoni manungsa:
    • Karimunjawa
    • Kemujan
    • Nyamuk
    • Parang
    • Genting
  • Kang ora dienggoni manungsa:
    • Menjangan Besar
    • Menjangan Kecil
    • Cemara Besar
    • Cemara Kecil
    • Geleyang (30 ha)
    • Burung
    • Bengkoang (92 ha)
    • Kembar (11,2 ha)
    • Katang (2,8 ha)
    • Krakal Besar (2,8 ha)
    • Krakal Kecil (2,8 ha)
    • Sintok
    • Mrican
    • Tengah
    • Pinggir
    • Cilik
    • Gundul
    • Seruni
    • Tambangan
    • Cendekian
    • Kumbang (8,8 ha)
    • Mencawakan (atau Menyawakan)

Ekosistem[sunting | sunting sumber]

Wiwit tanggal 15 Maret 2001, Kepuloan Karimunjawa ditetepaké deneng pemerentah Kabupaten Jepara kanggo Taman Nasional. Kepuloan Karimunjawa dadi omah kanggo maneka werna terumbu karang, alas bakau, alas pantai, lan ugo panggonan urip 400 spesies kéwan segara, antawisipun 242 macem iwak hias. Kapérang ora sithik kewan langka kang manggon ing kepuloan iki kaya Elang Segara Dada Puthih, penyu sisik, lan penyu ijo.

Wit-witan kang dadi ciri khasé Taman Nasional Karimunjawa yaiku wit dewandaru (Crystocalyx macrophyla) kang urip regeng ing alas udan dataran endhek.

Ombak ing pantai pulo-pulo Karimunjawa kagolong endhek lan ora bahayani, katambah dening pantai kang ditutupi dening pasir puthih kang alus.

Penduduk[sunting | sunting sumber]

Kepuloan Karimunjawa dienggoni penduduk luwih seka 8.000 jiwa kang dumunung ing lima pulo. Pendhudhuk kepuloan Karimunjawa rata-rata seka suku Jawa kang dadi petani lan gawe barang-barang rumah tangga. Kejaba iku, ana uga suku Bugis kang padha dadi nelayan, lan suku Madura kang uga dadi nelayan nanging luwih pinter gawe iwak garing.

Pendidikan ing kepuloan Karimunjawa wes maju. Kejaba duwe luwih kurang 10 Sekolah Dasar (lima ing pulo Karimun, telu ing pulo Kemujan lang saben-saben siji ing pulo Parang lan pulo Genting), kepuloan Karimunjawa uga duweni siji SMP, Madrasah Tsanawiyah (MTs), lan SMK Negeri jurusan Budidaya Rumput Laut serta Teknologi Pengolahan Hasil Perikanan lan Madrasah Aliyah kang ana ing pulo Kemujan.

Transportasi[sunting | sunting sumber]

Transportasi kang umum digunakaké tumuju ing Kepuloan Karimunjawa antawisipun kapal saka Semarang lan Jepara. Saka Pelabuhan Tanjung Emas, Semarang, kapal Kartini I budhal saben dina Setu jam 9 esuk lan bali saka Karimunjawa saben dina Minggu awan. Saka Pelabuhan Kartini, Jepara ana Kapal Muria kang budhal 2 dina pisan.

Mawi nggunakake jalur udara, saka Bandara Ahmad Yani, Semarang numpak montor mabur sewan jenis CASSA 212 kang disediake dening PT. Agen Wisata Laut Nusa Permai (Kura-Kura Resort). Wektu perjalanane kurang luwih 30 menit.

Deleng uga[sunting | sunting sumber]

Pranala jaba[sunting | sunting sumber]

- Balai Kajian dan Pengembangan Budaya Melayu Tour & Travel Agency Karimunjawa Marine National Park