Kapulisèn Negara Republik Indonésia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Polri.gif

Kapulisèn Negara Republik Indonesia dicekak Polri, kuwi minangka alat negara kang nduwèni peran lan tujuan kanggo mujudaké kaamanan dalam negri, kang nyakup ngreksa kaamanan lan katertiban masarakat, njejegaké hukum, sarta mènèhi perlindhungan, pangayoman lan pelayanan masyarakat, kanggo mujudaké katentreman masarakat kanthi njunjung dhuwur hak asasi manungsa.

Sajarah[sunting | sunting sumber]

Tuwuhing organisasi Polri ora lepas saka sajarah perjuangan kamardikan Republik Indonesia. Wiwit Proklamasi Kamardikan Indonesia, Polri wis diadhepaké marang tugas-tugas kang unik lan kompleks. Saliyané nata kaamanan lan katertiban masyarakat ing mangsa perang, Polri uga mèlu langsung jrning pertempuran nglawan panjajah lan werna-werna operasi katentreman bebarengan karo kesatuan angkatan bersenjata liyané.

Organisasi[sunting | sunting sumber]

Organisasi Polri disusun miturut tataran saka tataran pusat nganti kawilayahan. Organisasi Polri Tingkat Pusat disebut Markas Besar Kapulisèn Negara Republik Indonesia (Mabes Polri); déné organisasi Polri Tingkat Kawilayahan disebut Kapulisèn Negara Republik Indonesia Dhaerah (Polda).

Mabes Polri[sunting | sunting sumber]

Unsur Pimpinan[sunting | sunting sumber]

Unsur pimpinan Mabes Polri yakuwi Kepala Kapulisèn Negara Republik Indonesia (Kapolri). Kapolri kuwi Pimpinan Polri kang ana ing sangisoré lan tanggung jawab marang Presidhèn. Kapolri jroning ngayahi tugas dibantu déning Wakil Kapolri (Wakapolri)

Unsur Pembantu Pimpinan lan Pelaksana Staf[sunting | sunting sumber]

Unsur Unsur Pembantu Pimpinan lan Pelaksana Staf antara liya:

  • Inspektorat Pengawasan Umum (Itwasum)
  • Deputi Kapolri Bidhang Perencanaan Umum lan Pengembangan (Derenbang)
  • Deputi Kapolri Bidang Operasi (Deops)
  • Deputi Kapolri Bidang Sumber Daya Manusia (De SDM)
  • Deputi Kapolri Bidang Logistik (Delog)
  • Staf Ahli Kapolri

Unsur Pelaksana Pendidikan lan Pelaksana Staf Khusus[sunting | sunting sumber]

Unsur Pelaksana Pendidikan lan Pelaksana Staf Khusus antara liya:

Unsur Pelaksana Utama Pusat[sunting | sunting sumber]

Unsur Pelaksana Utama Pusat antara liya:

Satuan Organisasi Penunjang liyané[sunting | sunting sumber]

Satuan organisasi penunjang liyané, antara liya:

Polda[sunting | sunting sumber]

Kapulisèn Negara Republik Indonesia Dhaerah (Polda) minangka satuan pelaksana utama Kawilayahan kang ana ing sangisoré Kapolri. Polda duwé tugas nyelenggarakaké tugas Polri ing tataran kawilayahan. Polda dipimpin déning Kepala Kapulisèn Negara Republik Indonesia Dhaerah (Kapolda), kang tanggung jawab marang Kapolri. Kapolda dibantu déning Wakil Kapolda (Wakapolda).

Polda mbawahi Kapulisèn Negara Republik Indonesia Wilayah (Polwil), lan Polwil mbawahi Kapulisèn Negara Republik Indonesia Resort (Polres) utawa Kapulisèn Negara Republik Indonesia Resort Kota (Polresta). Polwil lan Polres dipimpin déning Komisaris Besar (Kombes). Sabanjuré, Polres mbawahi Polsek, dénég Polresta mbawahi Polsekta. Polsek lan Polsekta dipimpin déning Komisaris Polisi (Kompol).

Tugas lan wewenang[sunting | sunting sumber]

Tugas pokok Kapulisèn Negara Republik Indonesia yakuwi:

  1. ngreksa kaamanan lan katertiban masyarakat;
  2. njejegaké hukum; lan
  3. mènèhi perlindhungan,pangayoman lan pelayanan marang masyarakat.

Tugas-tugas[sunting | sunting sumber]

  1. nglaksanakaké pengaturan, panjagan, pangawalan, lan patroli tumrap kagiatan masyarakat lan pamaréntah miturut kabutuhan;
  2. nyelenggarakaké kagiatan jroning ngreksa kaamanan, katertiban, lan kalancaran lalu-lintas ing dalan;
  3. mbina masyarakat kanggo ningkataké partisipasi, kasadharan hukum sarta kataatan marang hukum lan undhang-undhang;
  4. mèlu nyengkuyung jroning pambinaan hukum nasional;

ngreksa katertiban lan njamin kaamanan umum; ngayahi koordinasi, pangawasan lan pambinaan teknis tumrap kapulisèn khusus, penyidik pegawai negri sipil lan pangamanan swakarsa;

  1. ngayahi penyelidikan lan penyidikan tumrap tindhak pidana miturut hukum acara pidhana lan peraturan perundhangan liyané;
  2. nyelenggarakaké idhèntifikasi kapulisèn, kedhokteran kapulisèn, laboratorium forensik lan psikologi kapulisèn kanggo kapentingan kapulisèn;
  3. nglindhungi kaslametan jiwa raga, bandha, masyarakat lan lingkungan urip saka gangguan katertiban lan utawa bencana;
  4. nglayani kapentingan warga masyarakat kanggo sauntara, sadurungé ditangani déning kang kajibah;
  5. mènèhi pelayanan marang masyarakat miturut kapentingan lan lingkup kapulisèn; sarta
  6. nglaksanakaké tugas liya miturut peraturan perundhangan.

Wewenang umum[sunting | sunting sumber]

  1. nampa lapuran utawa wadul;
  2. mbantu ngrampungaké pasulayan warga kang bisa nggangu katertiban umum;
  3. nyegah lan naggulangi tuwuhing panyakit masarakat;
  4. ngawasi aliran kang bisa nyebabaké perpecahan utawa ngancam persatuan lan kesatuan bangsa;
  5. ngetokaké peraturan kapulisèn jroning lingkup kawenangan admininistratif kapulisèn;
  6. ngayahi pamriksaan khusus minangka bagéan saka tidhakan kapulisèn kanggo pancegahan;
  7. ngayahi tidhakan wiwitan ing papan kadadéyan;
  8. njupuk sidik driji lan idhèntitas liyané sarta pamotrètan;
  9. golèk katrangan lan barang bukti;
  10. nyelenggarakaké Pusat Informasi Kriminal Nasional;
  11. ngetokaké surat idin lan katrangan kanggo pelayanan masyarakat;
  12. mènèhi bantuan pangamanan jroning sidhang pengadilan, instansi liya sarta kagiatan masyarakat;
  13. nampa lan nyimpen barang temon kanggo sauntara wektu.

Wewenang liyané[sunting | sunting sumber]

  1. ngetokaké palilah lan ngawasi karaméan umum lan kagiatan masyarakat liyané;
  2. registrasi lan idhèntifikasi montor;
  3. ngetokaké layang palilah nyupir montor (SIM);
  4. nampa pratélan kagiatan pulitik;
  5. ngetokaké palilah lan ngawasi senjata api, bahan peledhak lan gaman landhep;
  6. ngetokaké palilah operasional lan pengawasan tumrap badan usaha bidhang jasa pangamanan;
  7. mènèhi pituduh, ndhidhik lan nglatih aparat kapulisèn lan petugas pangamanan swakarsa bab teknis kapulisèn;
  8. kerjasama karo kapulisèn mancanegara jroning nyidik lan mbrantas kajahatan internasional;
  9. pangawasan fungsional kapulisèn wong asing kang ana ing Indonesia kanthi koordinasi kari instansi kagandhèng;
  10. makili pamaréntah Republik Indonesia jroning organisasi kapulisèn internasional;
  11. nglaksanakaké kawenangan liya kang klebu ing lingkup tugas kapulisèn.

Wewneang ing babagan pidhana[sunting | sunting sumber]

  1. ngayahi penangkapan, panahanan, panggeledhahan, lan panyitaan;
  2. nglarang wong ninggalaké utawa mlebu papan kadadéyan prakara kanggo kapentingan panyidikan;

nggawa lan ngadhepaké wong marang panyidik kanggo panyidikan;

  1. ngendhekaké wong kang disujanani lan nakonaké lan mriksa idhèntitas dhiri;
  2. mriksa lan nyita surat;
  3. ngundang (memanggil) wong kanggo dirungu lan dipriksa minangka tersangka utawa seksi;
  4. nekakaké ahli kang diperlokaké jroning pamriksan prakara;
  5. nganakaké penghentian panyidikan;
  6. nyerahaké prakara marang panuntut umum;
  7. ngajokaké panyuwun marang instansi imigrasi ing kahanan dadakan kanggo nyegah utawa nangkal wong kang disujanani nglakoni tindhak pidana;
  8. mènèhi pituduh lan bantuan panyidikan marang panyidik pegawai negeri sipil kanggo diserahaké marang panuntut umum;
  9. nganakaké tindhakan liya miturut hukum.

Sumber[sunting | sunting sumber]

  • Undhang undhang no. 2 Taun 2002 bab Kapulisèn Negara Republik Indonesia

Delengen uga[sunting | sunting sumber]

Pranala njaba[sunting | sunting sumber]