Kapri

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kapri
Kapri ing kebon
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Fabales
kulawarga: Fabaceae
Subkulawarga: Faboideae
Suku: Vicieae
Genus: Pisum
Species: P. sativum
Jeneng binomial
Pisum sativum
L.


Kapri utawa kacang kapri (Pisum sativum L. ssp. sativum, suku polong-polongan utawa Fabaceae) iku sajenis tetanduran janganan sing gampang ditemoni ing pasar-pasar tradhisional Indonésia. Kapri klebu ing golongan janganan woh, tegesé wohé sing dipangan minangka janganan lan ora digolongaké minangka who-wohan, kayata uga tomat utawa cabé. Woh iki, sing tipené polong (legume), dipanèn nalika isih enom lan wijiné durung sampurna, saéngga wanguné pipih lan isih empuk. Yèn ketuwan dipanèn polong kapri seraté kandel lan ora énak manèh dipangan.

Kapri isih sajenis karo ercis (sok-sok kesaru) lan klebu salah siji janganan sing paling dhisik dikonsumsi manungsa. Ana sapérangan bukti budidaya ing wilayah wewatesan Thailand lan Myanmar 12 èwu taun kepungkur.[1]. Tetanduran kapri, sing tuwuh apik ing dhataran dhuwur, tuwuh mrambat saéngga merlokaké panyangga sajroning budidayané. Ing Indonésia biasané disangga mawa tonggak-tonggak tipis saka pring.

Ana rong tipe kapri sing rada béda senadyan kaloronébisa dipangan polongé sacara kasluruhan. Sing pisanan yaiku sing wijiné pipih lan ditepungi minangka snow pea (Klompok budidaya axiphium). Tipe iki populèr ing Indonésia. Tipe sing kaloro yaiku sing wijiné bunder lan ditepungi minangka snap pea utawa sugar snap pea (Klompok macrocarpum).

Masakan sing migunakaké kapri akèh-akèhé yaiku panganan kanthi pangaruh Tiongkok, kayata sega gorèng. Capcay uga asring dilengkapi nganggo kapri. Jangan kapri uga bisa ditumis utawa dadi salah sawijining bahan sop.


Rujukan[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kapri&oldid=212332"