Kapitalisme

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kapitalisme iku sawijining paham sing duwé keyakinan yèn pamilik modhal bisa nglakokaké usahané supaya olèh kauntungan sagedhé-gedhéné. Demi prinsip mau, mula pamaréntah ora bisa nglakokaké intervènsi pasar kanggo kauntungan bebarengan. Senajan mangkono, kapitalisme sabenaré ora nduwèni dhéfinisi universal sing bisa ditampa sacara wiyar. Sapérangan ahli ndhéfinisikaké kapitalisme minangka sawijining sistem sing wiwit lumaku ing Eropah ing abad kaping 16 tekan abad kaping 19, yaiku nalika perkembangan perbankan komersial Eropah ing ngendi saklompok indhividhu uga klompok bisa tumindak minangka sawijining badan tinentu sing bisa nduwèni uga nglakokaké perdagangan benda duwèkané dhéwé, utamané barang modhal, kayadéné lemah lan manungsa kanggo prosès owah-owahan saka barang modhal dadi barang dadi. Kanggo olèh modhal-modhal mau, para kapitalis kudu olèh bahan baku lan mesin dhisik, banjur buruh minangka operator mesin lan uga kanggo olèh pangaji luwih saka bahan baku mau.

Kapitalisme nduwèni sajarah sing dawa, yaiku wiwit ditemokaké sistem perniagaan sing dilakokaké déning pihak swasta. Ing Eropah, perkara iki ditepungi mawa sebutan guild minangka cikal bakal kapitalisme. Saiki, kapitalisme ora mung dideleng minangka sawijining pandhangan urip sing ménngini kauntungan waé. Paleburan kapitalisme karo sosialisme tanpa anané pangowahan ndadèkaké kapitalisme luwih luwes tinimbang loro utawa telung abad kepungkur.

Pirsanana uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kapitalisme&oldid=839065"