Kapernaum

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kapèrnaum[1] (Ibrani: כְּפַר נַחוּם, Kfar Nahum, "Désa Nahum") iku sawijining désa wong golèk iwak nalika jamané kaum Hasmonean sing dumunung ing tepi loring Telaga Galiléa. Désa iki naté nduwé pedunung 1.500 jiwa. Èkskavasi arkéologi mbabar sinagoga kuna loro sing dibangun tumpang tindih. Miturut carita wong tuwa-tuwa, sawijining gréja cedhak Kapernaum iku naté dadi dalemé Santo Pétrus.

Étimologi[sunting | sunting sumber]

Senadyan Kfar Nahum utawa jeneng asli désa iki tegesé Désa Nahum, nanging ora ana gandhèngané karo Nabi Nahum. Ing tetulisané Josephus, jeneng iki katulis ing basa Yunani minangka Kαφαρναούμ (Kapharnaum) lan ing Kitab Prajanjian Anyar minangka Kαφαρναούμ (Kapharnaum) lan ing sawetara naskah minangka Kαπερναούμ (Kapernaum). Ing basa Arab, désa iki diarani Talhum, lan tembung iki kawangun saka Tell ('wukiran puing') lan Hum (mbokmenawa cekakan saka Nahum) (Tzaferis, 1989).

Kapernaum miturut tradhisi Kitab Prajanjian Anyar[sunting | sunting sumber]

Désa Kapernaum dikutip ana sajroning Injil Lukas. Ing kono kutha iki diarani minangka omahé para rasul, Simon Pétrus, Andréas, Jakobus lan Yohanes serta Matius si tukang pajeg. Ing Matius 4:13 désa iki dilaporaké minangka dalemé Gusti Yésus. Ing sawijining dina Sabat, Yésus ngajar ing sinagoga ing Kapernaum lan ngobati sawijining wong lanang sing kesurupan roh ala. Carita iki astamiwa amerga siji-sijiné sing padha ing Injil Markus lan Injil Lukas nanging ora ana ing Injil Matius. Sawisé iku Yésus ngobati lara panas ing ibu maratuwané Simon Pétrus. Miturut Injil Lukas 7:1–10⁠, iku uga papané sawijining Kenturion Romawi nyuwun Yésus ngobati réwangé. Kapernaum iku uga disebut ing Injil Markus (2:1), minangka dunungé wong lumpuh sing diedunaké saka payon diedhunaké. Miturut Injil Sinoptik, Yésus milih désa iki ing Galiléa minangka punjer pangajarané sawisé ninggalaké Kutha Nazareth. (Matius 4:12–17). Kapernaum ora ndarbèni kaunggulan saka désa liyané ing tlatah iki. Dadi désa iki kapilih mbokmenawa déné iku omahé para rasul sing wiwitan: Simon (Pétrus) lan Andréas.

Réferènsi[sunting | sunting sumber]

  1. ^ Miturut Alkitab Jawa, pertalan Lembaga Alkitab 1994, contoné ing Matius (4:13)

Sumber[sunting | sunting sumber]

  • Alkitab Jawa. 1994 Lembaga Alkitab Indonesia.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kapernaum&oldid=835488"