Kamera Polaroid

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
gambar Kamera Polaroid

Kamera Polaroid utawa kang luwih misuwure diwastani mawa kamera langsung dadi yaiku jinise kamera kang bisa nggawe foto dhewe ing jero kamera sawise difoto.[1] Kamera polaroid iki nggunakake film khusus kang diarani film polaroid.[1] Film polaroid kang bisa ngasilake gambar kang ana wernane jenenge film polacolor.[1] Miturut sejarahe, kamera polaroid digawe pisanane dening Edwin Lan, saka prusahaan Polaroid lan dipasarake wiwit tahun 1947. [1]Jeneng Polaroid kuwi jan-jane merk dagang, kaya dene ngarani odol mawa jeneng Pepsodent, utawa wong ngarani montor mawa jeneng Honda.[1]

Sajarah[sunting | sunting sumber]

Bocah wadon cilik umure 5 tahun kang diajak kaluwargane piknik menyang Santa Fe ing New Mexico, takon marang Bapakne kang nembe wae moto, kenapa kok ora bisa ndelok gambar asile moto bapakne langsung pas kuwi? pitakonan kang kedadeyan ing tahun 1943 kuwi nggawe bapakne, Dr. Edwin Land kepikiran kanggo ngrancang sistem fotografi kang langsung dadi. [1]Jebul omongane bocah kang angger ngomong kuwi bisa kedadean. [1]

Werna foto polaroid pisanane yaiku sepia, coklat rada abang, lan ukurane 3 ¼ x 3 ¼ inci (8x10,5 cm), dadine gambar mbutuhake wektu samenit.[2] Tahun 1950 metu generasi filem kang bisa ngasilake werna foto ireng, generasi foto ireng putih langsung dadi diwiwiti. Rikala kuwi wis luwih saka 4000 toko kang ngadol kamera polaroid iki menyang Amerika.[2] Rikala tahun 1951 dikenalake ID polaroid kang sepisan, uga panggung kamera kanggo kamera-kamera profesional.[2] tahun 1952 kamera polaroid model 110 metu kang dijangkepi dening diafragma.[1]

Foto werna polaroid nembe kacipta tahun 1963, sawise panaliten lan pengembangan suwene 15 tahun kang suwe lan nggawe kesel. Foto utawa filem langsung dadi iki diarani Polacolor.[2] Barengan karo kuwi dikenalake filem langsung dadi mawa formay anyar mawa sistem proses kadadean ing njaba kamera, ngowahi tradisi "pantang kena srengenge sadurunge diproses".[2] Nganti rikala sadurunge kuwi, filem polroid isih arupa rol, wektu pangembangane ana ing jero kamera.[2] tahun 1963 polaroid ngenalake pengontrolan otomatik ing bukaan diafragma, kecepatan rana lan lampu kilat mawa teknologi elektronik anyar ing jero kamera.[2] Sukses kang kang wis ana ing tangane Edwin Land ora nggawe atine puas.[1] Mula tahun 1967 dheweke ngadhegake pabrik anyar supaya ngembangake proyrk anyar.[1] Evolusi pembaruan ing sintem fotografi langsung dadi kuwi akhire metu meneh tahun 1972, yaiku sistem polaroid SX-70.[2]

Cathetan Suku[sunting | sunting sumber]

  1. ^ a b c d e f g h i j (id)Sejarah penemuan dan penemu kamera polaroid (dipunundhuh tanggal 7 februari 2013)
  2. ^ a b c d e f g h (id)Perkembangan Kamera (dipunundhuh tanggal 7 februari 2013)
Sumber artikel punika saking kaca situs web: "http://jv.wikipedia.org/w/index.php?title=Kamera_Polaroid&oldid=836297"