Kaisar Jingtai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaisarj.jpg

Kaisar Jingtai (Hanzi: 景泰, 1428-1457) yaiku kaisar kaping 7 saka Dinasti Ming kang mrentah Tiongkok nalika taun 1449 nganti tekan taun 1457.[1] Jeneng asliné yaiku Zhu Qiyu (朱祁钰).[1] Dheweke putra saka Kaisar Xuande lan adhi kuwalon saka Kaisar Zhengtong.[1] Taun 1449, merga anane kadadeyan Insiden Tumubao, yaiku nalika kakange, Kaisar Zhengtong, kalah perang lan dadi tawanane Esen Khan saka Mongol, saka rekomendasi saka para menteri ibusuri banjur ngangkat dheweke dadi kaisar kanggo ngisi kakuwasaan kang kosong.[1] Nalika sasi September ana ing taun kang padha dheweke njenengi rezime Jingtai.[2] Sawise bertahta dheweke duwe pangkat Yu Qian.[2] Yu nguwati angkatan perang Ming kanggo ngadepi pasukan Mongol kang maju terus kanggo nguwasani Beijing.[2] Merga jasane Yu, tentara Mongol bisa dikalahake lan dipeksa kanggo negosiasi damai lan mbaleke Zhengtong kang ditawan.[2] Merga bantuwan saka Yu Qian, Jingtai banjur musatake perhatian marang perkara kang penting.[2] DHeweke menehi prentah renovasi Kanal Besar lan tanggul-tanggul kang na ing daerah Kali Kuning.[2] Hasile yaiku ekonomi negara bisa tumbuh lan negara dadi saya kuwat.[2] Jingtai terus mrentah nganti tekan taun 1457.[2] Sawijining dina putrane mati kanthi cara kang misterius, isu kang nyebar yaiku dheweke mati merga diracun.[2] Perkara iki ndadekake dheweke nelangsa banget kang ndadekake banjur lara.[2] Kesempatan ini digunakake dening para menteri kang ora seneng marang dheweke, kanggo nyerbu istana kidul lan mbebasaken Zhengtong saka tahanan omah.[2]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar_Jingtai&oldid=832738"