Kaisar Chongzhen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaisar Chongzhen

Kaisar Chongzhen (Hanzi: 崇祯, 6 Februari 1611-25 April 1644) yaiku kaisar ka-16 lan kang pungkasan saka Wangsa Ming.[1] Dhèwèké nguwasani tahta saka taun 1627 nganti tekan 1644.[1]

Lair mawa jeneng Zhu Youjian (朱由检), arupa anak nomer lima saka Kaisar Taichang.[1] Chongzhen gedhé ana ing lingkungan kang rélatif tentrem merga dhèwèké arupa putra ragil saka Kaisar Taichang kang ndadèkaké objèk kanggo rebutan kakuwasan kaya kang tau dialami déning kakangné, Kaisar Tianqi.[1]

Taun 1627, kakangné mangkat lan dhèwèké kang marisi tahta, umuré nalika jaman semana nembé 16 taun.[1] Ora kaya kakangné kang gumantung marang kasimé, Wei Zhongxian, dhèwèké duwé usaha kanggo mimpin pamaréntahan kanthi indhepèndhen.[1] Chongzhen nyingkiraké Wei lan Selir Ke kang wis suwé mimpim pamaréntahan kanthi ora langsung.[2] Wei diasingaké menyang Fengyang, provinsi Anhui lan ana ing kana dhèwèké mati.[1] Semana uga 262 kroni-kroni Wei, kabèh diasingaké, dipecat, lan dièksekusi saka préntahe.[1]

Chongzhen ngusahaké kanggo mimpin pamaréntahan tanpa gumantung marang para kasim lan sabisa-bisané nylametaké wangsané kang wis bobrok.[2] Dhèwèké uga sregep teka ana ing rapat-rapat pamaréntahan. Nalika krungu pageblug kurang pangan ana ing sawijing dhaérah dhèwèké mènèhi préntah kanggo nangani kanthi cepet.[2]

Émané yaiku, niat beciké Chongzhen kaalangan déning korupsi kang wis ana ing pamréntahan lan kas negara kang wiwit èntèk.[2] Perkara iki ngangèlaké dhèwèké kangggo golèk pejabat kang kompetèn kanggo ngisi posisi wigati ana ing pamaréntahan.[2] Kang luwih parah menèh yaiku sifat saka Chongzhen kang paranoid, dhèwèké luwih cubriya marang pejabat-pejabat kang kompetèn lan nibakaké ukuman pati kanthi sembrana marang para pejabat mau.[2] Salah sijiné kang dadi korbané yaiku Yuan Chonghuan, jéndral kang duwé jasa gedhé kanggo nahan serangan suku Manchu ana ing wates lor.[2]

Cathetan sikil[sunting | sunting sumber]

Pranala njaba[sunting | sunting sumber]

Cheng Qinhua, Tales of the Forbidden City, Bejing: Foreign Languages Press, 1997.

Didhisiki déning:
Kaisar Tianqi
Kaisar Tiongkok
(Wangsa Ming)
1627–1644
Diganti déning:
Kaisar Hongguang
Sumber artikel punika saking kaca situs web: "http://jv.wikipedia.org/w/index.php?title=Kaisar_Chongzhen&oldid=832997"