Kaisar Chenghua

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kaisar Chenghua

Kaisar Chenghua (Hanzi: 成化, 1447-1487) yaiku kaisar ka-8 saka Dinasti Ming kang mrentah saka taun 1464 nganti tekan taun 1487.[1] Dheweke anak pisanan saka Kaisar Zhengtong, kang lair kanthi jeneng Zhu Jianjun, sawise bapake kapundhut, dheweke munggah tahta, banjur ganti jeneng Zhu Jianshen (朱见深).[1] Nalika umure 2 taun, Kaisar Zhengtong ditawan dening pasukan Mongol ing insiden Tumubao.[1] Ing taun ngarepe bapake bali menyang daratan tengah, nanging pamane, Kaisar Jingtai kang munggah ing tahta kanggo ngisi tahta kang kosong.[1] Bebarengan karo bapake, dheweke melu ngrasakake mangsa ana ing njero tahanan sasuwene kira-kira luwih saka 7 taun.[1] Sadawane wektu iku, dheweke urip ana ing bayang-bayang pamane, gelar putra mahkotane dijabut lan dialihake marang anak saka Jingtai.[1] Taun 1457, bapake bisa ngrebut tahta meneh lan gelare dadi putra mahkota dibalekake sedina sadurunge pamane mati.[1]

Pamrentahan[sunting | sunting sumber]

Taun 1464, bapake wafat. Banjur dheweke marisi tahta, banjur rezime dijenengi rezim Chenghua, nalika iku dheweke nembe umur 17 taun.[2] Ing wiwitan mangsa pamrentahane, dheweke nglakokake kebijakan-kebijakan kang apik, kaya ngedhunake pajek lan nguwati kerajaane, nanging iki mung sedela wae merga ora let suwe banjur kakuwasaan pamrntahaan direbut dening para kasim.[2] Kanggo nguwati pamrentahane Chenghua mbentuk agen mata-mata Xi Chang (nglengkapi Dong Chang kang wis ana sadurunge) kang diketuwai dening kasim kepercayaane, Wang Zhi.[2] Organisasi iki nduweni hak kang istimewa yaiku kanggo ngeksekusi sapa wae kang dianggep dadi pengkhianat.[2] Wang memonitor sakabehing tumindaking para rakyat, dheweke asring nganiaya wong-wong kang ora salah mula wong-wong kang apik saka njero utawa njaba pamrentahan ngrasa kateror. Nalika iku kabebasan kaya-kaya dikebiri.

Pungkasane Xi Chang dibubarake lan Wang Zhi diasingake sawise badut istana nyindhir Chenghua, nanging para kasim isih nduweni kuwasa. Ing abad kaping 16 organisasi iki dianakake maneh dening kaisar-kaisar peneruse. Saliyane gumantung karo para kasim, Chenghua uga gumantung karo Selir Wan, wong wadon kang tau ngopeni kawit cilik lan umure kaping pindhone umure kaisar Chenghua. Sawise munggah tahta, Chenghua isi nduweni kepinginan marang Selir Wan kang nalika iku umure 35 taun lan diwenehi gelar guifei (贵妃) utawa selir kelas atas. Kaisar Chenghua lan Selir Wan nduweni putra siji, nanging nalika isih bayi seda. Kaya mangkene kang ndadekake awal penderitaan kanggo wong-wong wadon ing istana amarga kanggo mertahanake posisine Wan nglarang sapa wae nglairake anak kanggo kaisar. Wong-wong wadon sing padha ngandhut dipeksa numindaki aborsi utawa bakalan dipateni.

Sasuwene pamrentahane kerja bareng antarane para kasim lan Selir Wan mbobrokake pamrentahan lan korupsi ana ing ngendi-endi. Selir Wan manggonake ponakake sing jenenge Wan An ing kabinet minangka mata-mata kang ngawasi tindak-tanduking para pejabat. Nalika iku ana parikan kang misuwur yaiku, "Telung kanselir agung iku golekan kertas, enem mentri iku patung saka lempung." Telung kanselir ngrujuk menyang Liu Ji, Liu Xu, lan Wan An kang ora nduweni kaprigelan saliyane ngapusi lan goroh. Enem mentri ora luwih saka wong kang goroh kang bisane mung manut karo Selir Wan lan para kasim. Kaisar Chenghua kang dungu lan asring medok ndadekake lali karo gaweyane minangka kaisar mula para mentri angel nemoni kaisar Chenghua. Dheweke uga wong kang boros, asring ngentek-entekake dhuwit, sarta dheweke arep ngentekake simpenan emas kang wis dikumpulake.

Chenghua luwih muja wong kang luwih miturut subjektivitas tinimbang adhedhasar kaprigelane. Kaya mangkene kang ndadekake degradasi sajroning pamrentahan lan mbuka sela kanggo para pejabat korup kanggo nduweni kuwasa. Nalika jamane asring sana kedadeyan pemberontakan petani ing sakabehing negara kang sakabehing iku bisa ditumpas kanthi kejem.

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kaisar_Chenghua&oldid=832802"