Kadomatsu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kadomatsu

Kadomatsu (門松?) inggih menika rerenggan (hiasan) Taun énggal ing Jepang arupi pang godhong pinus lan tugelan pring ing ngajengipun lawang kagem mlebet griya utawi gedhung. Kadomatsu dipunpajang kanthi pasangan, kadomatsu kakung ing sisih kiwa lan kadomatsu èstri ing sisih tengen. Kala rumiyin tiyang Jepang pitados bilih Kami mapan wonten ing nginggilipun wit. Nalika taun énggal, dipunpitadosi bilih arwah para leluhur kondur marang griyanipun awujud Toshigami (dewa tahun),saéngga duginipun dipunsambut mawi kadomatsu ingkang dados papan nyipeng dewa nalika taun énggal [1].[1]

Asal-usul[sunting | sunting sumber]

Kadomatsu

Ing jaman rumiyin, tiyang Tiongkok gadhah tradisi mapanakaen pang ron pinus ing ngajengipun lawan mlebet kagem dewa ingkang njagi lawang. Tradisi menika dipuntepangaken dhateng Jepang nalika zaman Heian. Ron wit pinus warninipun sarwa ijo nalika musim adhem saéngga dipunpitadosi minangka lambang kabegjan. Rerenggan ron wit pinus lajeng dipuntambah iketan damen (jerami) lan guntingan kertas lajeng mekar malih dados kadomatsu kados samenika ing zaman Muromachi.

Wujud[sunting | sunting sumber]

Hiasan kadomatsu kapérang dados kalih jinis adhedhasar caranipun nugel pring : Sogi (pucuking pring dipuntugel mawi diagonal), lan Zundō (ucukipun pring dipuntugel mawi horisontal). Ing sangajenging pring kasebut dipunwparingi pang pinus kanthi isi ron ingkang enèm [2]. Bibar menika, bagéyan ngajeng kadomatsu dipunhias kalihan taneman kubis hias (Habotan) kanthi warna abrit lan putih. Hiasan kadomatsu ugi asring dipunjangkepi kalihan pang lan ron maneka tuwuhan kadosta aprikot jepang, nanten, kumazasa, lan yuzuriha.

Kadomatsu kapisan mawi pring ingkang pucukipun dipuntugel kanthi diagonal dipundamel dening Tokugawa Ieyasu. Ing dalu taun énggal, kulawarga Matsudaira ingkang kalah nalika Pertempuran Mikatagahara (1572) nampi geguritan kanthi nada ngenyek saking Takeda Shingen. Ieyasu lajeng dukha lan nugel pring hiasan kadomatsu saengga kantun tugelan diagonal ing pring kasebut. Awi saking menika pring kadomatsu ing kulawarga Matsudaira dipuntugel diagonal minangka lambang ambisi nugel gulunipun Shingen.[2] Kebiasaan menika dados wiyar ing Jepang bibar dados tradisi ing dhaerah Kanto nalika masa Keshogunan Edo. Ing jaman samenika, kadomatsu saged dipunpundhut ing toko kembang, toko taneman, lan toko piranti rumah tangga. Reginipun kadomatsu asring sampun kalebet regi jasa ngeteraken barang kasebut. Kadomatsu ingkang sampun bibar dipunpajang padatanipun dipunguwang saéngga wonten panyaruwe bilih menika dados sumber sampah. Poster mawi gambar kadomatsu samenika asring dipunginakaken minangka gantosipun kadomatsu.

Cathetan suku[sunting | sunting sumber]

  1. ^ (id) Festival di Jepang, (dipunalses tanggal 13 Februari 2013)
  2. ^ (id) Kadomatsu, (dipunalses tanggal 13 Februari 2013)

Referensi[sunting | sunting sumber]

  1. ^  "Kiso chishiki shitsumon-shū". Shinto online network association. http://www.jinja.or.jp/faq/answer/01-01.html.
  2. ^  "Kadomatsu meijin". Nagano Prefecture. http://www.pref.nagano.jp/xtihou/kamiina/nouseika/pro/11_pine_branches_TO.htm.
  3. ^  "Oshōgatsu". Tsujicho Oishii-net. http://www.tsujicho.com/oishii/recipe/j_food/shiki/osyogatsu.html.

Pirsani ugi[sunting | sunting sumber]

Pranala njawi[sunting | sunting sumber]

Logo Wikimedia Commons
Pirsani galeri bab Kadomatsu ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Kadomatsu&oldid=850369"